ზალაინი სუპოზიტორია

ზალაინი სუპოზიტორიას ზოგადი ინფორმაცია

ზალაინი სუპოზიტორია. ZALAIN. სოკოს საწინააღმდეგო პრეპარატების – აზოლების ჯგუფის სამკურნალო საშუალება ადგილობრივი გამოყენებისათვის. აქტიური ნივთიერება – სერტაკონაზოლი. Sertaconazole. ათქ.კლასიფიკაციის კოდი – G01AF. მწარმოებელი ფირმა – სს ფარმაცევტული ქარხანა ეგისი (უნგრეთი).

ზალაინი სუპოზიტორიას შემადგენლობა და გამოშვების ფორმა

ზალაინი სუპოზიტორია. ZALAIN გამოდის 300 მგ ვაგინალური სუპოზიტორიის ფორმით. ყოველ ვაგინალურ სუპოზიტორიაში არის 300 მგ სერტაკონაზოლის ნიტრატი. დამხმარე ნივთიერებებია: მყარი ნახევრად სინთეზური გლიცერიდები – ვიტეფსოლი და სუპოცირი, კოლოიდური კაჟბადის დიოქსიდი უწყლო. აღწერილობა: ოვალური ფორმის თეთრი ცვილისებრი სუპოზიტორია, სუნის გარეშე.

ზალაინის (სუპოზიტორია) ფასები ქართულ ფარმაცევტულ ბაზარზე

ზალაინის (სუპოზიტორია) ფასები ფარმადეპოში
ზალაინის (სუპოზიტორია) ფასები ავერსში
ზალაინის (სუპოზიტორია) ფასები psp-ში
ზალაინის (სუპოზიტორია) ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ზალაინი (სუპოზიტორია), იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია  ზალაინის (სუპოზიტორია) ფასების შესახებ შეუძლიათ მოგვაწოდონ  mpifarm@gmail.com

ზალაინი სუპოზიტორიას აქტიური ნივთიერება

სერტაკონაზოლი. Sertaconazole. ქიმიური დასახელება – 1-[2-[(7-ქლორბენზო[b]თიენ-3-ილ)მეთოქსი]-2-(2,4-დიქლორფენილ)ეთილ]-1H-იმიდაზოლი. ბრუტო–ფორმულა:C₂₀H₁₅Cl₃N₂OS. სერტაკონაზოლს მიაკუთვნებენ სოკოს საწიააღმდეგო საშუალებების  ჯგუფს. CAS-კოდი:99592-32-2.

ზალაინი სუპოზიტორიას სინონიმები

ზალაინი კრემი (ZALAIN, EGIS, უნგრეთი).

ზალაინი სუპოზიტორიას გამოყენების ძირითადი მიმართულებებია

• ინფექციები საშოს ლორწოვანი გარსის, კანდიდას სახეობის სოკოებით გამოწვეული
• ვულვოვაგინიტი კანდიდოზური

ზალაინი სუპოზიტორიას საფირმო აღწერიდან

ფარმაკოლოგიური თვისებები
სერტაკონაზოლი წარმოადგენს იმიდაზოლისა და ბენზოთიოფენის წარმოებულს სოკოს საწინააღმდეგო მოქმედების ფართო სპექტრით. თერაპიულ დოზებში გააჩნია ფუნგიციდური და ფუნგისტატური ეფექტები. აქტიურია Candida სახეობის (Candida albicans, C.tropicalis, C.spp.), სხვა პათოგენური სოკოების (Pityrosporum orbiculare, Malassezia spp.), და დერმატოფიტების (Trichophyton da Microsporum) მიმართ. სერტაკონაზოლს ასევე გააჩნია ანტიბაქტერიული აქტივობა გრამდადებითი ბაქტერიების (სტაფილოკოკებისა და სტრეპტოკოკების), Gardnerella vaginalis, Enterococcus faecalis, Bacteroides, Trichomonas vaginalis მიმართ. სერტაკონაზოლი არ თრგუნავს in vitro Lactobacillus spp. სიცოცხლისუნარიანობას.
სერტაკონაზოლის მოქმედების მექანიზმი გულისხმობს, სოკოს უჯრედის მემბრანის მნიშვნელოვანი კომპონენტის – ერგოსტეროლის ბიოსინთეზის დათრგუნვას, და კონკურენტულ ანტაგონიზმს უჯრედული კედლის სხვა კომპონენტთან – ტრიპტოფანთან, რაც იწვევს დეზორგანიზაციასა და უჯრედული კედლის განვლადობის მომატებას, პათოგენური მიკროორგანიზმის განადგურებას და დესტრუქციას.

ფარმაკოკინეტიკა
გამოყენების შემდეგ სერტაკონაზოლის მაღალი კონცენტრაციები საშოს სანათურში ხანგრძლივი პერიოდის განმავლობაში ნარჩუნდება და მნიშვნელოვნად აღემატება როგორც მინიმალურ მაინჰიბირებელ კონცეტრაციებს, ასევე ფუნგიციდურ კონცენტრაციებს (in vitro გამოკვლევების საფუძველზე) C.albicans, C.glabrata და სხვა სოკოებთან მიმართ, რომლებიც არ მიეკუთვნება Candida სახეობას.
ვაგინალური გამოყენებისას, პლაზმაში აქტიური ნივთიერების კონცენტრაციები ვერ აღწევენ დეტექციის ზღურბლს. სერტაკონაზოლის რადიოაქტიური ნიშნულით ვაგინალური გამოყენების შემდეგ სისხლის პლაზმაში ნიშნული აღმოჩენილ არ იქნა.
ჩვენებები
კანდიდას სახეობის სოკოებით გამოწვეული, საშოს ლორწოვანი გარსის ინფექციების (კანდიდოზური ვულვოვაგინიტი) ადგილობრივი მკურნალობა.

მიღების წესები და დოზები
სუპოზიტორია ზალაინი გამოიყენება ინტრავაგინალურად ერთჯერადად.
პრეპარატის გამოყენებამდე აუცილებელია გარეთა სასქესო ორგანოების დაბანვა, ნეიტრალური ან ტუტე საპონის გამოყენებით. ერთი სუპოზიტორია შეიყვანება ღრმად საშოში, ზურგზე წოლით მდგომარეობაში, საღამოს ძილის წინ.
თუ დაავადების კლინიკური სიმპტომები კვლავ არსებობს, შვიდი დღის შემდეგ შეიძლება შევიყვანოთ კიდევ ერთი სუპოზიტორია.
სუპოზიტორიებით მკურნალობის პერიოდში, სასქესო ბაგეების და მიმდებარე უბნების თანმხლები ინფექციის (კანდიდოზური ვულვიტის) არსებობისას საჭიროა დამატებით გამოვიყენოთ ზალაინ კრემი გარეთა სასქესო ორგანოების და პერიანალურ მიდამოში.

უკუჩვენება
მომატებული მგრძნობელობა სერტაკონაზოლის, სუპოზიტორია ზალაინის სხვა კომპონენტების, ან იმიდაზოლის წარმოებულების მიმართ.

ორსულობა და ლაქტაცია
ორსულობისა და ლაქტაციის დროს სერტაკონაზოლის გამოყენების შესახებ საკმარისი მონაცემები არ არსებობს. პრეკლინიკურმა კვლევებმა უჩვენეს, რომ სერტაკონაზოლს არ გააჩნია ტერატოგენული და ემბრიოტოქსიკური ეფექტები. ინტრავაგინალური შეყვანის შემდეგ პრეპარატის სისტემური მოქმედების არარსებობისა და პრეპარატის გამოყენების მეთოდის (ერთჯერადი შეყვანა) გათვალისწინებით, სუპოზიტორია ზალაინის გამოყენება ორსულობისა და ლაქტაციის პერიოდში შესაძლებელია იმ შემთხვევაში, თუ ექიმის შეფასებით მოსალოდნელი სარგებელი დედისათვის აღემატება პოტენციურ რისკს ნაყოფისა და ბავშვისათვის.
ზეგავლენა სატრანსპორტო საშუალებების მართვის ან პოტენციურად საშიშ მექანიზმებთან მუშოაბის უნარზე:
ვაგინალური სუპოზიტორია ზალაინის გამოყენება ზეგავლენას არ ახდენს ამ უნარზე.

განსაკუთრებული მითითებები
დამახასიათებელი სიმპტომების არარსებობისას, საშოს ლორწოვან გარსზე კანდიდას სახეობის სოკოს გამოვლენა, ვაგინალური სუპოზიტორია ზალაინის გამოყენების ჩვენებას არ წარმოადგენს.
კანდიდოზის დიაგნოზის დადასტურებისას მნიშვნელოვანია დადგინდეს და აღმოიფხვრას საყოფაცხოვრებო და ჰიგიენური ფაქტორები, რომლებიც ხელს უწყობენ ინფექციის განვითარებასა და შენარჩუნებას. სასქესო ორგანოების ჰიგიენისათვის რეკომენდებულია გამოიყენოთ ნეიტრალური საპონი, სინთეტიკური ტანსაცმლის ნაცვლად გამოვიყენოთ ბამბის ქვედა საცვალი, თავი ავარიდოთ საშოს ინტენსიურ დაბანვას და ა.შ.
სუპოზიტორიით მკურნალობის პერიოდში სასურველია გარეთა სასქესო ორგანოებსა და პერიანალურ მიდამოში დამატებით გამოვიყენოთ სოკოს საწინააღმდეგო კრემი. საჭიროების შემთხვევაში უნდა ჩატარდეს სოკოვან ინფექციებთან დაკავშირებული სხვა ინფექციების მკურნალობა.
პრეპარატის გამოყენებისას რეკომენდებულია თავი შევიკავოთ სქესობრივი კონტაქტებისაგან. რეინფექციის თავიდან ასაცილებლად ყოველ ინდივიდუალურ შემთხვევაში უნდა გადაწყდეს საკითხი სქესობრივი პარტნიორის პარალელური მკურნალობის შესახებ.
პრეპარატის გამოყენებისას მატულობს პრეზერვატივის ან დიაფრაგმის გახევის საშიშროება. თუ სქესობრივი აქტის დროს გამოიყენება პრეზერვატივი, რეკომენდებულია მოცემული ვაგინალური სუპოზიტორია გამოვიყენოთ აქტის შემდეგ.
მენსტრუაცია, სუპოზიტორიას გამოყენებისათვის უკუჩვენებას არ წარმოადგენს.
ჭარბი დოზირება
ინტრავაგინალური გამოყენებისას პრეპარატ ზალაინით ჭარბი დოზირება ნაკლებად სავარაუდოა. პრეპარატის შემთხვევით შიგნით მოხვედრისას ნაჩვენებია კუჭის გამორეცხვა და სიმპტომატური მკურნალობის ჩატარება.

სხვა წამლებთან ურთიერთქმედება
სუპოზიტორია ზალაინისა და ადგილობრივი სპერმიციდული კონტრაცეპტივების ერთად გამოყენებამ შეიძლება შეამციროს სპერმიციდული ეფექტი, ამიტომ მათი ერთობლივი გამოყენება რეკომენდებული არ არის.
ზალაინ სუპოზიტორიათი მკურნალობის ფონზე ლატექსური პრეზერვატივების ან საშვილოსნოს რგოლების გამოყენება რეკომენდებული არ არის მათი დაზიანების საშიშროების გამო.

შენახვის პირობები და ვადები
პრეპარატი ინახება არა უმეტეს 30oC ტემპერატურის პირობებში.
შეინახეთ ბავშვებისათვის მიუწვდომელ ადგილას.
ვარგისიანობის ვადა
3 წელი. პრეპარატს ნუ გამოიყენებთ შეფუთვაზე მითითებული ვარგისიანობის ვადის გასვლის შემდეგ.

აფთიაქში გაცემის წესი
პრეპარატი გაიცემა ექიმის რეცეპტით.

სოკოს საწინააღმდეგო პრეპარატების – აზოლების ჯგუფის სამკურნალო საშუალება ადგილობრივი გამოყენებისათვის. აქტიური ნივთიერება – სერტაკონაზოლი. Sertaconazole. ათქ.კლასიფიკაციის კოდი – G01AF. მწარმოებელი ფირმა – სს ფარმაცევტული ქარხანა ეგისი (უნგრეთი).