გლუკოტონი MR

გლუკოტონი MR

გლუკოტონის ზოგადი ინფორმაცია

გლუკოტონი MR. GLUCOTON  MR. პერორალური ჰიპოგლიკემიური პრეპარატების, სულფონილშარდოვანას წარმოებულების ჯგუფის სამკურნალო საშუალება. გლიკლაზიდი. Gliclazide.  მწარმოებელი ფირმა – ჯი-ემ-პ (საქართველო).


გლუკოტონი MR აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


გლუკოტონის შემადგენლობა და გამოშვების ფორმა

გლუკოტონი MR. GLUCOTON  MR გამოდის 30 მგ. ტაბლეტის ფორმით. გლუკოტონი MR-ის ერთი ტაბლეტი შეიცავს აქტიური ნივთიერების – გლიკლაზიდის 30 მგ-ს.

გლუკოტონ MR–ის ფასები ქართულ ფარმაცევტულ ბაზარზე

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც გლუკოტონი MR, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია გლუკოტონ MR–ის  ფასების შესახებ შეუძლიათ მოგვაწოდონ  mpifarm@gmail.com

გლუკოტონ MR–ის ფასები ფარმადეპოში
გლუკოტონ MR–ის  ფასები ავერსში
გლუკოტონ MR–ის  ფასები psp-ში
გლუკოტონ MR–ის  ფასები სხვა აფთიაქებში

გლუკოტონის აქტიური ნივთიერება

გლიკლაზიდი. Gliclazide. ქიმიური დასახელება – N-[[(ჰექსაჰიდროციკლოპენტა [c]პიროლ-2(1Н)-ილ)ამინო]კარბონილ]-4-მეთილბენზოლსულფონამიდი.ბრუტო–ფორმულა: C15H21N3O3S. გლიკლაზიდს მიაკუთვნებენ ჰიპოგლიკემიური სინთეთიკური და სხვა საშუალებების ჯგუფს. CAS-კოდი: 21187-98-4.

გლუკოტონის სინონიმები

გლიკლაზიდი ლეკი (GLICLAZIDE Lek, NOVARTIS CONSUMER HEALTH S.A., სლოვენია), გლუკოტონი (GLUCOTON, GMP, საქართველო),  დიაბეტონ MR (DIABETON MR, Servier, საფრანგეთი).

გლუკოტონის მოქმედ ნივთიერებას შეიცავენ

გლიზი-ემ (GLYZEE-M, CBS Pharmaceuticals, ინდოეთი; gliclazide,  metformin).

გლუკოტონის გამოყენების ძირითადი მიმართულებებია

  • შაქრიანი დიაბეტი, ინსულინდამოუკიდებელი (II ტიპის)

გლუკოტონის საფირმო აღწერიდან

მოქმედების მექანიზმი
II თაობის პერორალური ჰიპოგლიკემიური საშუალება (სულფონილშარდოვანას წარმოებული). გლუკოტონი MR პანკრეასის ბეტა-უჯრედების მიერ ინსულინის გამომუშავების სტიმულაციის გზით სისხლში ამცირებს გლუკოზის დონეს. ინსულინდამოუკიდებელი შაქრიანი დიაბეტით დაავადებულ პაციენტებში გლუკოტონი MR აღადგენს ინსულინის სეკრეციის ადრეულ პიკს და აძლიერებს ინსულინის სეკრეციის მეორე ფაზას. ინსულინის გამომუშავების მნიშვნელოვანი გაძლიერება აღინიშნება საკვების მიღების ან გლუკოზის შეყვანის საპასუხოდ. გლუკოტონი MR აძლიერებს პერიფერიული ქსოვილების მგრძნობელობას ინსულინის მიმართ და ასტიმულირებს უჯრედშიგა ფერმენტების (მათ შორის გლიკოგენ-სინთეტაზას) აქტივობას. გლუკოტონი MR ნახშირწყლების ცვლაზე ზემოქმედებასთან ერთად გავლენას ახდენს მიკროცირკულაციაზეც. ამცირებს მიკროთრომბოზის განვითარების რისკს, რაც თრომბოციტების ადჰეზიისა და აგრეგაციის ინჰიბირებით და თრომბოციტების აქტივაციის ფაქტორების კონცენტრაციის შემცირებით მიიღწევა. ასევე, აძლიერებს სისხლძარღვთა ენდოთელუიმის ფიბრინოლიზურ და ქსოვილოვანი აქტივატორის – პლაზმინოგენის აქტივობას. გლიკლაზიდი ხასიათდება ანტიოქსიდანტური და ანტიათეროგენული მოქმედებით. პრეპარატის მიღების შემდეგ გლიკლაზიდი მთლიანად აბსორბირდება კუჭ-ნაწლავის ტრაქტიდან, სისხლში Cmax მიიღწევა დაახლოებით 6 – 12 სთ-ში. პლაზმის ცილებს უკავშირდება 95%. გლიკლაზიდი მეტაბოლიზდება ღვიძლში. გამოიყოფა ძირითადად თირკმლების საშუალებით, T1/2 – 16 სთ.
ჩვენებები
ინსულინდამოუკიდებელი შაქრიანი დიაბეტი (II ტიპის), დიეტოთარაპიასა და ფიზიკურ დატვირთვასთან ერთად, როცა ეს უკანასნელნი არაეფექტურია.
მიღების წესები და დოზები
გლუკოტონი MR ინიშნება მხოლოდ მოზრდილებში. რეკომენდებული საწყისი დოზა შეადგენს 30 მგ-ს (1 ტაბლეტი). დოზის შერჩევა ხდება სისხლში გლუკოზის მუდმივი კონტროლის ფონზე. ასევე, დოზის ნებისმიერი ცვლილება უნდა მოხდეს თერაპის მინიმუმ 2-კვირიანი პერიოდის შემდეგ. შემანარჩუნებელი თერაპიის დროს შერჩეული დოზის ყოველდღიური მიღება უზრუნველყოფს სისხლში გლუკოზის დონის ეფექტურ კონტროლს. პრეპარატის დღიური დოზა დასაშვებია მერყეობდეს 30-120 მგ-ის (1-4 ტაბლეტი) ფარგლებში. მაქსიმალური დღიური დოზა 120 მგ-ია. პრეპარატი ინიშნება დღეში ერთხელ საუზმის დროს. დოზის გამოტოვების შემთხვევაში დაუშვებელია შემდეგი დოზის გაზრდა. არანამკურნალებ პაციენტებში პრეპარატის საწყისი დოზა 30 მგ-ია, შემდგომში დოზირება ხდება ინდივიდუალურად საკმარისი თერაპიული ეფექტის მიღწევამდე. სხვა ჰიპოგლიკემიური საშუალებიდან გლუკოტონი Mღ-ზე გადასვლა არ მოითხოვს გარდამავალ პერიოდს. ხანგრძლივი ნახევარგამოყოფის სულფონილშარდოვანას წარმოებულებიდან გლუკოტონი MR-ზე გადასვლისას, ჰიპოგლიკემიის თავიდან აცილების მიზნით, 1-2 კვირის განმავლობაში საჭიროა სისხლში გლუკოზის დონის კონტროლი.
გვერდითი მოვლენები
ენდოკრინული სისტემის მხრივ: შესაძლებელია ჰიპოგლიკემია; საჭმლის მომნელებელი სისტემის მხრივ: ძალიან იშვიათად – გულისრევა, ღებინება, მუცლის ტკივილი, ყაბზობა ან დიარეა (როგორც წესი შექცევადი), ღვიძლის ფერმენტების აქტივობის მატება; სისხლმბადი სისტემის მხრივ: ერთეულ შემთხვევაში – თრომბოციტოპენია, აგრანულოციტოზი ან ლეიკოპენია, ანემია (ჩვეულებისამებრ შექცევადი); ალერგიული რეაქციები: ქავილი, ჭინჭრის ციება, მაკულო-პაპულოზური გამონაყარი. აღნიშნული სიმპტომები პრეპარატის მოხსნის შემდეგ, როგორც წესი, ქრება.
უკუჩვენება
– ინსულინდამოკიდებული შაქრიანი დიაბეტი (I ტიპის);
– დიაბეტური კეტოაციდოზი;
– დიაბეტური პრეკომა და კომა;
– ღვიძლისა და თირკმლების ფუნქციათა მძიმე დარღვევები;
– ორსულობისა და ლაქტაციის პერიოდი;
– მიკონაზოლთან ერთდროული გამოყენება;
– პრეპარატის კომპონენტებისადმი ან სულფონილშარდოვანას წარმოებულებისადმი მაღალი მგრძნობელობა.
განსაკუთრებული მითითებები
გლუკოტონი MR-ის დანიშვნისას პაციენტმა მკაცრად უნდა დაიცვას კვების რეჟიმი, ექიმის მიერ დანიშნული დიეტა, პრეპარატის დოზა და მიღების წესი, ასევე პერიოდულად ჩაიტაროს სისხლის და შარდის ანალიზი გლუკოზის შემცველობაზე. გლუკოტონი MR-ის დანიშვნისას საჭიროა პაციენტის ინფორმირება ჰიპოგლიკემიის განვითარების რისკის, მისი სიმპტომების, მკურნალობის და ჰიპოგლიკემიის ხელშემწყობი ფაქტორების შესახებ. ჰიპოგლიკემიის განვითარების რისკი იზრდება ხანდაზმულ ასაკში, პაციენტებში საერთო სისუსტით ან რომლებიც მუდმივად ვერ იღებენ საკმარის კალორიულ საკვებს, თირკმელზედა და ჰიპოფიზის უკმარისობის ან გადაჭარბებული ფიზიკური დატვირთვის დროს, ალკოჰოლის ან რამდენიმე ჰიპოგლიკემიური საშუალების ერთდროულად გამოყენებისას. ინფექციური დაავადებების, ტრავმებისა და ქირურგიული ჩარევების დროს საჭიროა გლუკოტონი MR-ის მოხსნა და ინსულინის დანიშვნა. გლუკოტონი MR-ისა და გლიკლაზიდის ფარმაკოკინეტიკაზე მოქმედი პრეპარატების ერთდროული გამოყენებისას პაციენტებმა მუდმივად უნდა აკონტროლონ სისხლში გლუკოზის დონე. გლუკოტონი MR-თან ერთად დასაშვებია ბიგუანიდების, ალფა-გლუკოზიდაზის ინჰიბიტორების ან ინსულინის დანიშვნა. გლუკოტონი MR-თან ერთად დაუშვებელია ალკოჰოლის და ეთანოლის შემცველი პრეპარატების მიღება. მანქანის ან სხვა მექანიზმების მართვის დროს გასათვალისწინებელია ჰიპოგლიკემიის განვითარების საშიშროება.
ჭარბი დოზირება
სიმპტომები: ჰიპოგლიკემია. მკურნალობა: ჰიპოგლიკემიის ზომიერი სიმპტომების კორექტირება ხდება ნახშირწყლების მიღებით, დოზის ცვლილებით ან დიეტის შეცვლით. ჰიპოგლიკემიური კომის დროს საჭიროა დაუყოვნებლივ 50 მლ გლუკოზის კონცენტრირებული (40%) ხსნარის ინტრავენური შეყვანა, შემდეგ 5% განზავებული ხსნარით სისხლში გლუკოზის საჭირო დონის შენარჩუნება და 48 საათის მანძილზე მუდმივი კონტროლი. გლიკლაზიდისა და მიკონაზოლის (სისტემური გამოყენების) ერთდროული დანიშვნა უკუნაჩვენებია. ფენილბუტაზონი, ეთანოლის შემცველი პრეპარატები გლუკოტონთან ერთდროული დანიშვნისას აძლიერებენ მის ჰიპოგლიკემიურ მოქმედებას. ბეტა-ადრენობლოკატორები გლუკოტონი MR-თან ერთდროულად დანიშვნისას ნიღბავენ ჰიპოგლიკემიის სიმპტომებს (ტაქიკარდია, გულისცემის გაძლიერება) და აძლიერებენ ჰიპოგლიკემიის გამოვლინების სიხშირესა და სიმძიმეს. ფლუკონაზოლი ზრდის ჰიპოგლიკემიის განვითარების რისკს. დანაზოლი ამცირებს გლიკლაზიდის ეფექტურობას. გლუკოკორტიკოსტეროიდები (სისტემური, გარეგანი და ადგილობრივი მოქმედების), ტეტრაკოზაკტიდი, რიტოდრინი, სალბუტამოლი, ტერბუტალინი (ინტრავენური) სისხლში ზრდიან გლუკოზის დონეს. პროგესტოგენების დიდი დოზის გამოყენებისას გასათვალისწინებელია დიაბეტოგენური ეფექტი.
შენახვის პირობები და ვადები
პრეპარატის ვარგისიანობის ვადაა 3 წელი, ინახება 10-25oC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
აფთიაქში გაცემის წესი
ექიმის რეცეპტით!