მკურნალობა უცხოეთში


ბისაკოდილი

ბისაკოდილის ზოგადი ინფორმაცია

ბისაკოდილი. Bisacodyl. ნაწლავის პერისტალტიკის მასტიმულირებელი სამკურნალო საშუალება. აქტიური ნივთიერება – ბისაკოდილი.Bisacodyl. ათქ.კლასიფიკაციის კოდი – A06AB02. მწარმოებელი ფირმა – ICN Polfa Rzeszow S.A (პოლონეთი).

ბისაკოდილის შემადგენლობა და გამოშვების ფორმა

ბისაკოდილი. Bisacodyl გამოდის 5 მგ ტაბლეტის ფორმით. 1 დრაჟე შეიცავს მოქმედ ნივთიერებას ბისაკოდილს 5 მგ. დამხმარე ნივთიერებები: კარტოფილის სახამებელი, ლაქტოზა, ტალკი, მაგნიუმის სტეარატი, ჟელატინი და გარსი. აღწერილობა: ვარდისფერი დრაჟე, განატეხზე თეთრი, ფორმა მრგვალი და ამობურცული.

ბისაკოდილის ფასები ქართულ ფარმაცევტულ ბაზარზე

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ბისაკოდილი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ბისაკოდილის ფასების შესახებ შეუძლიათ მოგვაწოდონ  mpifarm@gmail.com

ბისაკოდილის ფასები ფარმადეპოში
ბისაკოდილის  ფასები ავერსში
ბისაკოდილის  ფასები psp-ში
ბისაკოდილის  ფასები სხვა აფთიაქებში

ბისაკოდილის აქტიური ნივთიერება

ბისაკოდილი. Bisacodyl.

ბისაკოდილის გამოყენების ძირითადი მიმართულებებია

  • ყაბზობა, სხვადასხვა ეტიოლოგიის
  • ნაწლავების გასუფთავება დიაგნოსტიკური კვლევის წინ
  • ნაწლავების გასუფთავება ქირურგიული ოპერაციის წინ ოყნის საშუალებით
  • ნაწლავების სასწრაფო გასუფთავება სამშობიაროდ მომზადების წინ

ბისაკოდილის საფირმო აღწერიდან

ბისაკოდილის ფარმაკოლოგიური თვისებები

ბისაკოდილი წარმოადგენს საფაღარათო საშუალებას, რომელიც უშუალოდ მოქმედებს მსხვილ ნაწლავზე. პრეპარატის დამატებით თვისებას მის ანტიდიარეულ მოქმედებასთან დაკავშირებით წარმოადგენს ის, რომ იგი მსხვილ ნაწლავში ზრდის არააბსორბირებული წყლისა და ელექტროლიტების რაოდენობას. ნაწლავების დაცლა იმდენად ეფექტურია, რომ ზოგიერთ შემთხვევაში ცვლის ოყნის გამოყენებას.
ბისაკოდილი შეიწოვება საჭმლის მომნელებელ ტრაქტში მინიმალური რაოდენობით. პრეპარატის მოქმედება აღინიშნება მისი პერორალური მიღებიდან 6 სთ-ის, ხოლო ძილის წინ მიღებისას 8-12 სთ-ის შემდეგ.

ბისაკოდილის ფარმაკოკინეტიკა

ბისაკოდილი პერორალურად მიღების შემდეგ მინიმალური რაოდენობით შეიწოვება.იგი ორგანიზმიდან ძირითადად ფეკალიებით გამოიყოფა, ხოლო მცირე რაოდენობით თირკმლებით გლუკურონიდების სახით. პერისტალტიკის გაძლიერება იწყება ჩვეულებრივ დაახლოებით 6 სთ-ის შემდეგ მისი პერორალურად მიღებიდან (12სთ-ის შემდეგ ძილის წინ მიღებისას).

ბისაკოდილის ჩვენებები

• სხვადასხვა ეტიოლოგიის ყაბზობა (მწოლიარე პაციენტებში ქრონიკული და ჩვეული ყაბზობა,აგრეთვე ჩვეული ყაბზობა ხანდაზმულებში,დიეტის შეცვლის შემდეგ,ოპერაციის შემდგომ პერიოდში არსებული ყაბზობა);
• დიაგნოსტიკური კვლევის წინ ნაწლავების გასუფთავების მიზნით;
• ქირურგიული ოპერაციის წინ ოყნის საშუალებით ნაწლავების გასუფთავების მიზნით;
• ნაწლავების სასწრაფო გასუფთავების მიზნით სამშობიაროდ მომზადების წინ.

ბისაკოდილის მიღების წესები და დოზები

პერორალურად, ინდივიდუალურად პაციენტის რეაქციის მიხედვით.
მოზრდილებსა და 12 წლის ასაკის ზევით ბავშვებში:1-3 დრაჟე ერთ მიღებაზე;
6-12 წლის ასაკის ბავშვებში: 1 დრაჟე ერთ მიღებაზე.
შენიშვნა: დრაჟე გამოიყენება მთლიანად, დაუღეჭავად, ძილის წინ ან ½1/2 სთ-ით ადრე საუზმემდე.

ბისაკოდილის გვერდითი მოვლენები

მუცლის არეში დისკომფორტი, სპასტიური ტკივილი მუცელში ნაწლავის ჭვალამდეც კი. პრეპარატის ხანგრძლივმა გამოყენებამ შესაძლებელია გაამწვავოს ყაბზობა, შეიძლება გახდეს ფაღარათის მიზეზი და შედეგად წყლისა და ელექტროლიტების დიდი რაოდენობით დაკარგვამ გამოიწვიოს (განსაკუთრებით კალიუმის) მსხვილი ნაწლავის ფიზიოლოგიური ფუნქციის დარღვევა.

ბისაკოდილის უკუჩვენება

პრეპარატის მიმართ მომატებული მგრძნობელობა. მწვავე მუცლის სინდრომი, ნაწლავების გაუვალობა, აპენდიციტი, საჭმლის მომნელებელი ტრაქტის ანთებითი მდგომარეობა, საჭმლის მომნელებელი ტრაქტიდან სისხლდენა.

ბისაკოდილის განსაკუთრებული მითითებები

ბისაკოდილის ხანგრძლივი და სისტემატიური გამოყენება არ არის რეკომენდებული,ვინაიდან ეს იწვევს ყაბზობის გამწვავებას და სულ უფრო ძლიერი მოქმედების საშუალებების გამოყენების საჭიროებას.
პრეპარატის გამოყენება გულისრევითა და ღებინებით მიმდინარე უცნობი ეტიოლოგიის მუცლის ტკივილის დროს არ შეოძლება.
ბისაკოდილის საფაღარათო მოქმედებამ შეიძლება გამოიწვიოს კალიუმის უკმარისობა, რის გამოც სიფრთხილეა საჭირო დიურეზული და ბეტა-ადრენომიმეტური ან იმ საშუალებების გამოყენებისას, რომელთა ტოქსიურობა იზრდება ორგანიზმში კალიუმის უკმარისობის დროს ( მაგალითად საგულე გლიკოზიდები.)
ბისაკოდილის დრაჟეს გააჩნია გარსი, რომელიც იცავს კუჭის ლორწოვანს პრეპარატის გამაღიზიანებელი მოქმედებისგან, ამიტომ დრაჟე რეკომენდებულია მივიღოთ მთლიანად დაუღეჭავად.
ორსულობის და ლაქტაციის პერიოდში პრეპარატი მიიღება ექიმის რეკომენდაციით.

ბისაკოდილის ჭარბი დოზირება

პრეპარატის ჭარბი დოზით მიღება პაციენტისთვის სახიფათოა ფაღარათის შედეგად წყლისა და ელექტროლიტების (განსაკუთრებით კალიუმის) დაკარგვის გამო, რისი მკურნალობაც სიმპტომატურია.

ბისაკოდილის სხვა წამლებთან ურთიერთქმედება

პრეპარატმა შეიძლება გააძლიეროს წყლისა და ელექტროლიტების უკვე არსებული დეფიციტი. რძე და ის საშუალებები,რომლებიც ანეიტრალებენ კუჭის შიგთავსს – ასუსტებენ ბისაკოდილის მოქმედებას.

ბისაკოდილის შენახვის პირობები და ვადები

ბისაკოდილი შენახულ უნდა იქნეს ორიგინალყრ შეფუთვაში ოთახის ტემპერატურაზე 15 – 25 გრადუსზე, დაიცავით ნესტისგან, შეინახეთ ბავშვებისათვის მიუწვდომელ ადგილას.

ვარგისიანობის ვადა: 3 წელი.

ბისაკოდილი არ გამოიყენოთ ვარგისიანობის ვადის გასვლის შემდეგ.

ბისაკოდილის გაცემის წესი

აფთიაქიდან გაიცემა ექიმის რეცეპტის გარეშე.

Comments are closed.

nostalgia

vaka