ლინექსი ეუბიოტიკი

  ლინექსი ეუბიოტიკი

ლინექსი ეუბიოტიკის ზოგადი ინფორმაცია

ლინექსი ეუბიოტიკი. LINEX  eubiotic. ნაწლავის მიკროფლორის წონასწორობის მარეგულირებელი სამკურნალო საშუალება. აქტიური ნივთიერებები – ბიფიდობაქტერიები + ლაქტობაქტერიები. Bifidobacterium + Lactobacillus. ათქ.კლასიფიკაციის კოდი – A07FA . მწარმოებელი ფირმა – OTC – Sandoz (სლოვენია).

ლინექსი ეუბიოტიკის შემადგენლობა და გამოშვების ფორმა

ლინექსი ეუბიოტიკი. LINEX  eubioticგამოდის კაფსულის ფორმით. ერთი კაფსულა შეიცავს არანაკლებ 1,2×107 ცოცხალ ლიოფილიზებულ ბაქტერიას Bifidumbacterium infantis, Lactobacillus acidophilus (sp.L.gasseri) და Enterococcus faecium, რომლებიც მდგრადნი არიან ანტიბიოტიკებისა და ქიმიოთერაპიული საშუალებების მიმართ. დამხმარე ნივთიერებებია: ლაქტოზა, კარტოფილის სახამებელი, მაგნიუმის სტეარატი.კაფსულის გარსი: ჟელატინი, მეთილის პარაჰიდროქსიბენზოატი (E218), პროპილის პარაჰიდროქსიბენზოატი (E216), ტიტანის დიოქსიდი (E171).

ლინექსი ეუბიოტიკის ფასები ქართულ ფარმაცევტულ ბაზარზე

ლინექსი ეუბიოტიკის ფასები ფარმადეპოში
ლინექსი ეუბიოტიკის ფასები ავერსში
ლინექსი ეუბიოტიკის ფასები psp-ში
ლინექსი ეუბიოტიკის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ლინექსი ეუბიოტიკი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ლინექსი ეუბიოტიკის ფასების შესახებ შეუძლიათ მოგვაწოდონ  mpifarm@gmail.com

ლინექსი ეუბიოტიკის აქტიური ნივთიერებები

ბიფიდობაქტერიები + ლაქტობაქტერიები. Bifidobacterium + Lactobacillus. ბიფიდობაქტერიებს + ლაქტობაქტერიებს მიაკუთვნებენ ნაწლავის მიკროფლორის ნორმალიზების საშუალებების ჯგუფს.

ლინექსი ეუბიოტიკის სინონიმები                

ლინექს ფორტე (NOVARTIS CONSUMER HEALTH S.A),  ლინექსი ეუბიოტიკი (LINEX  eubiotic, NOVARTIS CONSUMER HEALTH S.A, სლოვენია), პრობილაკი (Probilac, Asfarma, აშშ).

ლინექსი ეუბიოტიკის გამოყენების ძირითადი მიმართულებებია

  • ნაწლავური დისბაქტერიოზი (ნაწლავური მიკლოფლორის ბალანსის დარღვევა)

ლინექსი ეუბიოტიკის საფირმო აღწერიდან

ფარმაკოლოგიური თვისებები
ლინექსის შემადგენლობაში შემავალ რძემჟავა ბაქტერიებს გააჩნიათ ნაწლავის მიკროფლორის ფიზიოლოგიური წონასწორობის შემანარჩუნებელი და მარეგულირებელი მოქმედება.
ჩვენებები
პრეპარატი ლინექსი რეკომენდებულია ნაწლავის მიკროფლორის წონასწორობის დარღვევის – დისბაქტერიოზის მკურნალობისა და პროფილაქტიკისათვის. დისბაქტერიოზს ახასიათებს შემდეგი სიმპტომები და ნიშნები: დიარეა (ფაღარათი), საჭმლის მონელების სხვა დარღვევები (დისპეფსია): ყაბზობა, მეტეორიზმი (ჭარბი აირი ნაწლავებში), გულისრევა, ღებინება, ბოყინი, ტკივილი მუცლის არეში, ალერგიული გამონაყარი.
მიღების წესები და დოზები
ჩვილი და 2 წლამდე ასაკის ბავშვები: რეკომენდებულია 1 კაფსულა სამჯერ დღეში ჭამის შემდეგ, მცირე რაოდენობით სითხის მიყოლებით.
2-12 წლამდე ასაკის ბავშვები: რეკომენდებულია 1 ან 2 კაფსულა სამჯერ დღეში ჭამის შემდეგ, მცირე რაოდენობით სითხის მიყოლებით.
თუ ბავშვს არ შეუძლია მთლიანი კაფსულის ჩაყლაპვა, კაფსულა უნდა გაიხსნას და მისი შიგთავსი შეერიოს მცირე რაოდენობის სითხეს (ჩაი, წვენი, შაქრიანი წყალი).
მოზრდილები და ბავშვები 12 წლის ასაკის ზემოთ: რეკომენდებულია 2 კაფსულა სამჯერ დღეში ჭამის შემდეგ, მცირე რაოდენობით სითხის მიყოლებით. მკურნალობის ხანგრძლივობა დამოკიდებულია დისბაქტერიო
ზის განვითარების მიზეზებზე და ორგანიზმის ინდივიდუალურ თავისებურებებზე.
გვერდითი მოვლენები
ცნობილი არ არის.
უკუჩვენება
ჰიპერმგრძნობელობა პრეპარატის რომელიმე კომპონენტის ან რძის პროდუქტის მიმართ.
სიფრთხილე
ლინექსის კაფსულების მიღებამდე საჭიროა ექიმის კონსულტაცია თუ პაციენტს აღენიშნება შემდეგი:
• ტემპერატურის მომატება – 380C და მეტი;
• განავალში ფარული სისხლის ან ლორწოს არსებობა;
• ორ დღეზე მეტ ხანს მიმდინარე დიარეა;
• მწვავე დიარეა, მიმდინარე დეჰიდრატაციით და წონაში დაკლებით;
• დიარეა, მიმდინარე ძლიერი ტკივილით მუცლის არეში;
• სხვა ქრონიკული დაავადებების (დიაბეტი) და იმუნოდეფიციტური დაავადების (შიდსი, აივ) დროს.
6 წლამდე ასაკის ბავშვებში პრეპარატი უკუნაჩვენებია ექიმის კონსულტაციის გარეშე. დიარეის მკურნალობისას, საჭიროა დაკარგული წყლის და ელექტროლიტების შევსება.
განსაკუთრებული მითითებები
გაფრთხილება არ შეიძლება პრეპარატის მიღება ცხელი სასმელების მიყოლებით და ალკოჰოლთან ერთად.
თუ პრეპარატის გამოყენებისას, ორი დღის განმავლობაში არ აღინიშნება მდგომარეობის გაუმჯობესება, აუცილებლია მიმართოთ ექიმს.
სხვა წამლებთან ურთიერთქმედება
არ არის გამოვლენილი ლინექსის უარყოფითი მოქმედება სხვა პრეპარატებზე.
ლინექსის გამოყენება შეიძლება ანტიბიოტიკებთან და ქიმიოთერაპიულ პრეპარატებთან კომბინაციაში.
შენახვის პირობები და ვადები
მშრალ ადგილას, არაუმეტეს 250C ტემპერატურაზე. ინახება ბავშვებისათვის მიუწვდომელ ადგილას!
ვარგისიანობის ვადა მითითებულია კოლოფზე.
არ შეიძლება პრეპარატის გამოყენება ვარგისიანობის ვადის გასვლის შემდეგ.
აფთიაქში გაცემის წესი
გაიცემა ექიმის რეცეპტის გარეშე.