ბაქტერიული ვაგინოზი

ბაქტერიული ვაგინოზი საშოს ინფექციური დაავადებაა, რომელიც ხასიათდება არასასიამოვნო სუნის გამონადენით, ლორწოვანი გარსის ანთების ნიშნების გარეშე. წარმოიქმნება ქალის საშოშო არსებული საკუთარი მიკროფლორის დაზიანების შედეგად.

ზრდასრული ჯანმრთელი ქალის საშოს მიკროფლორის 90%-ს შეადგენს ლაქტობაქტერიები (დედერლეინის  ჩხირები). მათ კვებავს გლიკოგენი – შაქარი, რომელიც ლაქტობაქტერიების მოქმედებით გარდაიქმნება რძის მჟავად.  რძის მჟავა განაპირობებს საშოს ბუნებრივ მჟავე არეს, რომელიც სხვადასხვა სახეობის გარედან შემოსული მიკრობებისთვის დამღუპველია. დისბაქტერიოზის დროს ლაქტობაქტერიების რაოდენობა მკევთრად ქვეითდება, იცვლება საშოს მჟავიანობა და პათოგენური მიკროორგანიზმებისთვის იქმნება გამრავლების არე, რომელთა ცხოველმოქმედების  პროდუქტები უფრო მეტად თრგუნავენ  ლაქტობაქტერიების ზრდას.


♥  ქალის ჯანმრთელობის ,,ამაზონის” განყოფილება >>
ქალის მოვლის საშუალებები
საფუარის სოკოთი გამოწვეული ინფექციების დროს გამოსაყენებელი საშუალებები

♦ როგორ გამოვიწეროთ ,,ამაზონიდან” >>
♦ Medgeo.net-ის ინტერნეტ-მარკეტი >>


როგორ  ვლინდება ბაქტერიული ვაგინოზი?

ბაქტერიული ვაგინოზის დასაწყისში გამონადენი მატულობს. თავიდან იგი  მოთეთრო-მონაცრისფროა, შემდეგ სქელდება და ხდება წებოვანი, ზოგჯერ  ქაფიანიც;  გამონადენის ფერი იცვლება  მომწვანო-მოყვითალომდე. გამონადენის რაოდენობა იზრდება 10-ჯერ, მისი არშემჩნევა შეუძლებელია! მითუმეტეს,  რომ აქვს  არასასიამოვნო სუნი (ხშირად თევზის ან ლპობის). არასასიამოვნო შეგრძნებებს შეიძლება დაემატოს ქავილი და სქესობრივი აქტის დროს დისკომფორტი.

ბაქტერიული  ვაგინოზის საშიშროება იმაში გამოიხატება, რომ ის ,,უხსნის გზას“ სხვა დაავადების გამომწვევ მიკროორგანიზმებს. საშოში გამრავლებისას პათოგენური ბაქტერიები იწვევენ საშვილოსნოს კედლისა და ყელის ანთებას. დისბაქტერიოზის დროს ასევე ხდება შარდსადენისა  და შარდის ბუშტის ინფიცირება, რამაც შეიძლება გამოიწვიოს ცისტიტისა და ურეთრიტის სიმპტომები.

უნდა აღინიშნოს, რომ ბაქტერიული  ვაგინოზი ძალიან გავრცელებულია: ანთებითი გინეკოლოგიური დაავადებების მქონე  ყოველ მეორე პაციენტთან, ექიმი სვამს საშოს დისბაქტერიოზის დიაგნოზს.

როგორ მკურნალობენ ბაქტერიულ ვაგინოზს?

ბაქტერიული  ვაგინოზის დიაგნოზი დგინდება გამონადენის ლაბორატორიული კვლევის საფუძველზე. საშოს მიკროფლორის ნორმალიზება შეუძლია მხოლოდ კომპლექსურ მკურნალობას რომელიც მოიცავს :

• საშოში არსებული ბაქტერიების გამოდევნა ან მოშორება.
• საშოს ნორმალური მიკროფლორის აღდგენა.
• საშოს კედლის იმუნიტეტის აღდგენა იმისთვის, რათა ,,საკუთარი კონტროლის ქვეშ“ ქონდეს ვაგინალური მიკროფლორა.

უნდა ვიცოდეთ, რომ ყოველ მეორე ქალს,  საშოს დისბაქტერიოზის პარალელურად აღენიშნება კუჭ-ნაწლავის დისბაქტერიოზიც. ასეთ შემთხვევაში უფრო შედეგიანია ბაქტერიული ვაგინოზისა და კუჭ-ნაწლავის დისბაქტერიოზის ერთდროული მკურნალობა. გადასვლა >> გინეკოლოგიური დაავადებები


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

  • გაფრთხილება
  • წყაროები: 1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით. 2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა.  ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

Share this...Share on Facebook
Facebook