ბუასილი და ანალური სექსი – განვითარების მიზეზები  ანალური სექსის დროს, სისხლდენის რისკები, რეკომენდაციები.
დღეისათვის ბევრი ადამიანი ინტერესდება, შეიძლება თუ არა ანალურმა სექსმა გამოიწვიოს ბუასილი (ჰემოროი) და სხვა პროქტოლოგიური დაავადებები
პროქტოლოგების მტკიცებით ინტიმური სიახლოვის ეს ტიპი ნამდვილად შეიძლება გახდეს უკიდურესად არასასიამოვნო შედეგების მიზეზი, რაც განპირობებულია სწორი ნაწლავის ტრავმირებით.
ასეთ დაავადებებს მიეკუთვნება ბუასილი (ჰემოროი), ჰემოროიდალური კვანძების თრომბოზი, ანალური ნახეთქები.
მუდმივი შეხება განაპირობებს ჰემოროიდალური კვანძების ანთებას, ამიტომაც  ანალური სექსის შედეგად მსუბუქად გამოხატული სიმპტომების დროსაც კი გამოჯანმრთელებამდე სასურველია თავშეკავება.
ასეთი სქესობრივი აქტის დროს ხდება ლორწოვანი გარსის გაღიზიანება, რამაც შესაძლოა გამოიწვიოს ანთებითი პროცესის განვითარება და სისხლდენა. რაც უფრო ძლიერადაა ანთება გამოხატული, მით უფრო მეტია სისხლდენის   ალბათობა, შედეგად იზრდება ინფიცირების რისკიც.
გარდა ამისა, უკანა გასავალში შეღწევა მავნე  ზეგავლენას  ახდენს მსხვილი ნაწლავის მიკროფლორაზე,  იწვევს სისხლის მიმოქცევის დარღვევას. ეს თავის მხრივ შეიძლება გახდეს  შესაბამისი მიდამოს სისხლძარღვებში სისხლის შეგუბებისა და ჰემოროიდული კვანძების თრომბოზის მიზეზი.
დამხმარე საშუალებების (მალამოები, გელები და სხვ.)  გამოყენებაც კი არ  ცვლის შედეგებს. ისინი მხოლოდ ლორწოვანი გარსის ახალი დაზიანებისაგან იცავენ.

ზოგიერთ შემთხვევაში კი თვით ეს საშუალებები ხდება ალერგიული რეაქციის მიზეზი,  რაც კიდევ უფრო აღრმავებს ბუასილის (ჰემოროის) არსებობისას  დაავადებას. ასევე სპერმის გამოყოფა განაპირობებს ქავილის გაძლიერებას. შედეგად კი ყველა ეს პროცესი პარტნიორებს მტკივნეულ შეგრძნებებსა და დისკომფორტს უქმნის.
ჰემოროიდული კვანძების ოპერაციული მოცილებიდან დაახლოებით 3-6 კვირა საჭიროა თავის შეკავება ანალური სექსისგან.
წინააღმდეგ შემთხვევაში არსებობს არტერიული სისხლდენის მომატებული რისკი, რაც საკმაოდ სახიფათოა ჯანმრთელობისათვის და იშვიათ შემთხვევაში შესაძლოა დასრულდეს ლეტალური გამოსავლით, რადგანაც ასეთი სისხლდენის შეჩერება შესაძლებელია მხოლოდ სტაციონარის პირობებში.
ბუასილის (ჰემოროის) მკურნალობამ შესაძლოა ნეგატიური გავლენა მოახდინოს ქალის ფსიქიკაზე. რვაწლიანი დაკვირვების შედეგად დადგენილ იქნა, რომ ასეთი ოპერაციის შემდეგ პაციენტების მესამედს ეკარგება სექსის სურვილი.
იმისათვის რომ არ შეიქმნას პრობლემები სექსუალურ ცხოვრებაში, ბუასილის (ჰემოროის) პირველი ნიშნების გამოვლენისთანავე უნდა მიმართოს  პროქტოლოგს. დაავადების ადრეულ სტადიაზე განკურნება გაცილებით სწრაფად ხდება.

  არჩილ შენგელია. საავტორო უფლებები დაცულია

ბმები:
კოლოპროქტოლოგია, ბუასილი, მწვავე ბუასილი, ქრონიკული ბუასილი, ჰემოროიდული კვანძები, ჰემოროიდული კვანძების თრომბოზი, ანალური ნაპრალი, ბუასილის (ჰემოროის) ნიშნები, სისხლდენა სწორი ნაწლავიდან, პარაპროქტიტი, ანალური ქავილი, პერიანალური დერმატიტი, პროქტიტი, ბუასილის პროფილაქტიკა, ბუასილი და კვება, ბუასილი. ფიტოთერაპია, ბუასილის ქირურგიული მკურნალობა, სკლეროთერაპია, ინფრაწითელი კოაგულაცია, ლიგირება ლატექსის რგოლებით, კრიოთერაპია, ჰემოროიდექტომია, ლონგოს ოპერაცია, დეზარტერიზაცია, ჰემოროიდული არტერიების დეზარტერიზაცია, ბუასილის სკლეროთერაპია, ბუასილი ორსულობის დროს, ბუასილი და მშობიარობა, ბუასილის (ჰემოროის) მკურნალობა ლაქტაციის პერიოდში, მწვავე პარაპროქტიტი (ახალშობილებში), ბუასილი (ჰემოროი) ბავშვებში, ბუასილი (ჰემოროი) და ანალური სექსი

…..