პლაცენტარული პოლიპი

პლაცენტური პოლიპი

პლაცენტური პოლიპი  (polypus placentalis) – წარმოადგენს საშვილოსნოს  ღრუში აბორტის ან მშობიარობის შემდეგ ჩარჩენილ პლაცენტური ქსოვილის ნაწილს, რომელმაც განიცადა ორგანიზაცია. >>>>

აბორტის დროს სანაყოფე კვერცხის არასრულყოფილი მოცილების ან მშობიარობის შემდგომი პერიოდის არარაციონალური წარმართვის გამო  დარჩენილი პლაცენტის ქსოვილი ანელებს ირგვლიმყოფი ქსოვილების, საშვილოსნოს  ლორწოვანი გარსის  რეგენერაციას და განაპირობებს სისხლიანი გამონადენის გახანგრძლივებას. პლაცენტური ქსოვილის ირგვლივ წარმოიქმენება სისხლის კოლტები და ფიბრინის გროვები, მოგვიანებით ხდება ჩანაცვლება შემაერთებელი ქსოვილით.

პლაცენტური პოლიპის ძირითად გამოვლინებას მიეკუთვნება საშვილოსნოსმიერი სისხლდენა. აბორტის ან მშობიარობის პირველი დღეებში შედარებით სუსტადაა გამოხატული, თუმცა მოგვიანებით შეიძლება გაძლიერდეს და გადავიდეს მასიურ სისხლდენაში, რაც თავის მხრივ გამოიწვევს მძიმე ანემიას, შეიძლება დაერთოს მეორადი ინფექცია და ენდომეტრიტის განვითარება. აბორტის ან მშობიარობის შემდეგ საშვილოსნოსმიერი სისხლდენის გამოვლენისას აუცილეებლია ჰოსპიტალიზაცია. პლაცენტურ პოლიპზე ეჭვის მიტანისას ტარდება ჰისტეროსკოპია და საშვილოსნოს ლორწოვანი გარსის გამოფხეკა, რომლის დროსაც ახდენენ პლაცენტური პოლიპის მოცილებას. გამოფხეკა ტარდება ჰისტეროსკოპიის კონტროლის ქვეშ. ჩვენების შემთხვევაში უნდა დაინიშნოს ანტიბაქტეიული და ანტიანემიური თერაპია. დროული სამედიცინო ჩარევისას პროგნოზი კეთილსაიმედოა.

პროფილაქტიკა მოიცავს ხელოვნური აბორტების რიცხვის შემცირებას, საშვილოსნოს ღრუდან სანაყოფე კვერცხის ნარჩენების  გულმოდგინე მოცილებას, როგორც ხელოვნური ასევე თვითნებითი აბორტის დროს, მშობიარობის შედმგომი პერიოდის სწორ წარმართვას (მომყოლის ყურადღებით დათვალიერება,, საშვილოსნოს  ღრუს ხელით გამოკვლევას პლაცენტის  მთლიანობაზე ეჭვის მიტანისას)

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

მეანობა