მკურნალობა უცხოეთში


ქრონიკული ვენური უკმარისობა

ქრონიკული ვენური უკმარისობა - ეტიოლოგია, პათოგენეზი, ძირითადი ნიშნები, ქრონიკული ვენური უკმარისობა – დიაგნოსტიკა,  მკურნალობა >>>

ლალი დათეშიძე, არჩილ შენგელია

ქრონიკული ვენური უკმარისობა სისხლძარღვოვანი სინდრომია, რომელიც ხასიათდება ღრმა ვენების სარქვლების უკმარისობით და ხშირად ვითარდება ღრმა ვენების თრომბოზის გადატანის შემდეგ.

ქრონიკული ვენური უკმარისობა – ეტიოლოგია, პათოგენეზი

ღრმა ვენების თრომბოზის შემთხვევაში დროთა განმავლობაში მიმდინარეობს ე.წ. რეკანალიზაცია, თუმცა  ვენები კარგავს ელასტიურობას, აღინიშნება ფიბროზული გადაგვარება. დაზიანებული სარქვლები ვეღარ ეწინააღმდეგება  ვენური სისხლის უკუდინებას, რაც განაპირობებს ვენებში წნევის მატებას, იზრდება სისხლძარღვის გამავლობა, ვითარდება  შეშუპება. ამასთან შეშეპების გამო  აღინიშნება ზეწოლა წვრილ სისხლძარღვებზე და მათი შესაბამისი უბნის იშემია, შედეგად კი წარმოიქმნება ტროფიკული წყლულებიქრონიკული ვენური უკმარისობის ერთერთი მთავარი ნიშანი.

ქრონიკული ვენური უკმარისობის ძირითადი ნიშნებია:

  • ქვემო კიდურების შეშუპება
  • ტკივილი, რომელიც ძლიერდება ხანგრძლივი დგომისას და სუსტდება მოსვენების პერიოდში
  • წვივის კუნთების კრუნჩხვები ღამის საათებში
  • წვივის ქვედა ნაწილში კანის ჰიპერპიგმენტაცია
  • ლოკალური ანთებითი პროცესი, დერმატიტები
  • ვენების ვარიკოზული გაფართოება
  • ტროფიკული წყლულები, განსაკუთრებით კოჭის მიდამოში

ქრონიკული ვენური უკმარისობა – დიაგნოსტიკა

ქრონიკული ვენური უკმარისობის დიაგნოზი ძირითადად ეყრდნობა კლინიკურ სურათსა და ულტრაბგერით კვლევას, კერძოდ კი დუპლექს სკანირება და დოპლეროგრაფია.  კვლევის დამატებით მეთოდებს მიეკუთვნება   რენტგენოკონტრასტული მეთოდი – ფლებოგრაფია, რადიონუკლიდური კვლევა.

ქრონიკული ვენური უკმარისობა – მკურნალობა

ქრონიკული ვენური უკმარისობის მკურნალობის მიზანია: ქვემო კიდურის ვენური სისტემის ნორმალური ფუნქციის აღდგენა და მეორადი პროფილაქტიკა.

ქრონიკული ვენური უკმარისობის საზოგადოდ მიღებული მეთოდებია მედიკამენტოზური მკურნალობა, კომპრესიული თერაპია, სკლეროთერაპია და მკურნალობის ქირურგიული მეთოდები – ვარიკოზულად გაგანიერებული ვენების თერმული აბლაცია, ფლებექტომია, ვენების შუნტირება, ვენების დაზიანებული სარქვლის აღდგენა.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

Comments are closed.

nostalgia

დარგობრივი საიტები

vaka