სისხლის შრატის ელექტროფორეზისას ცილოვანი ფრაქციები 5 ნაწილად იყოფა: ალბუმინი, α1 – გლობულინები, α2 – გლობულინები, β – გლობულინები, γ – გლობულინები. ალბუმინი – წარმოადგენს სისხლის შრატის ძირითად ცილოვან ფრაქციას – 53-66%.
საქართველოდან ბევრი მიმართავს უცხოურ კლინიკებს, დიაგნოზის გადასამოწმებლად, კონსულტირებისა და თუ აუცილებელია – სამკურნალოდაც. განსაკუთრებით ხშირია დიაგნოზის გადამოწმება. უცხო ქვეყნების სამედიცინო ინფრასტუქტურაში გარკვევა, კლინიკებისა და ექიმების არჩევა, რომლებიც ყველაზე უკეთ და მისაღებ ფასებში გადაჭრიან თქვენს პრობლემებს, საკმაოდ რთულია. ამაში დაგეხმარებიან სამედიცინო ტურიზმის სპეციალიზებული ფირმები. შეკითხვები უნდა გააგზავნოთ სპეციალური ფორმიდან. საკონტაქტო ფორმაზე გახვალთ ამ ტექსტზე დაკლიკებით. წერილს მიიღებენ სამედიცინო ტურიზმის წამყვანი ფირმები. პირველი შეკითხვაზე პასუხი უფასოა. ენა ქართული. შეეცადეთ შეკითხვა და თქვენი მდგომარეობა ჩამოაყალიბოთ ზუსტად: რა პრობლემა გაქვთ და რა მოთხოვნები გაქვთ კლინიკის მიმართ.
ცილის ფრაქციების განსაზღვრის ჩვენებები:
- მწვავე და ქრონიკული ანთებითი პროცესები
- ტრავმები
- ალერგიული და სტრესული სიტუაციები
- ონკოლოგიური დაავადებები
- კვებითი დარღვევები და მალაბსორბციის სინდრომი
- ცილოვანი ცვლის მდგომარეობის შეფასება
- ეჭვი მიელომური დაავადებაზე და სხვა მონოკლონურ გამაპათიებზე
ცილის ფრაქციები – მომზადება ანალიზისათვის
ცილის ფრაქციების განსაზღვრისათვის ანალიზი აღება უნდა მოხდეს დილით უზმოზე, შესაძლებელია მხოლოდ წყლის დალევა, საკვების მიღებიდან გასული უნდა იყოს არანაკლებ 8 საათისა, წინა დღით თავი უნდა ავარიდოთ ალკოჰოლის, ცხიმიანი და შემწვარი საკვების მიღებას, ფიზიკურ დატვირთვას. გარდა ამისა სისხლის აღება უნდა მოხდეს მედიკამენტების მიღების დაწყებამდე (თუ ეს შესაძლებელია) ან მათი შეწყვეტიდან არანაკლებ 1-2 კვირის შემდეგ. გარკვეული მედიკამენტების მიღება (ალოპურინოლი, ასპარაგინაზა, აზათიოპრინი, ქლორპროპამიდი, დექსტრანი, ესტროგენები, იბუპროფენი, იზონიაზიდი, პერორალური კონტრაცეპტივები, ფენიტოინი, პრედნიზოლონი, ვალპროის მჟავა) ცვლის რეალურ შედეგებს.
ცილის ფრაქციები – შედეგების ინტერპრეტაცია
ცილოვან ფრაქციების ანალიზის დროს შედეგების ინტერპრეტაცია უნდა მოხდეს ყველა მაჩვენებლის კომპლექსში განხილვით. შესაძლებელია ცილოვანი ცვლის დარღვევის სამი ძირითადი ტიპის გამოყოფა:
- დისპროტეინემია (ცილოვანი ფრაქციების ურთიერთდამოკიდებულების ცვლილება)
- ცილის სინთეზის გენეტიკური დეფექტები
- პარაპროტეინემია (სისხლში ანომალური ცილების გამოჩენა)
სხვადასხვა მდგომარეობების დროს შესაძლებელია აღინიშოს ცილის ფრაქციების შემდეგი ცვლილებები:
- მწვავე ანთება (მწვავე პნევმონია, ბრონქიტი, ვირუსული ინფექციები, პიელონეფრიტი, მიოკარდიუმის ინფარქტი, ტრავმები, ახალწარმონაქმნები) – α1 და α2 – გლობულინების მატება
- ქრონიკული ანთება (რევმატოიდული ართრიტი, ქრონიკული ჰეპატიტი) – γ – გლობულინების მომატება
- ნეფროზული სინდრომი დაკავშირებულია α2 – მაკროგლობულინის დაგროვებასთან ალბუმინისა და სხვა ცილების დაკარგვის ფონზე თირკმლის მილაკებში ფილტრაციისას.
- ღვიძლის ციროზისას აღინიშნება γ – გლობულინების მნიშვნელოვანი მომატება
პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.
- გაფრთხილება
- წყაროები: 1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით. 2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
.