კონდომი

კონდომი იგივეა რაც პრეზერვატივი
კონდომი – ჩასახვის საწინააღმდეგო ერთ-ერთ ყველაზე გავრცელებულ, ეფექტურ და უვნებელ საშუალებას წარმოადგენს.
კონდომის მრავალი სახეობა არსებობს, მაგრამ, როგორც წესი, ყველა მათგანი სპეციალური თხელი რეზინის – ლატექსისაგან მზადდება.
კონდომი შეიძლება იყოს ჩვეულებრივი ან საცხით დაფარული; საცხი შესაძლოა სპერმიციდების (მამაკაცის სასქესო უჯრედების დამშლელი ნივთიერების) შემცველიც იყოს. კონდომები ზომით, ფორმით და ფერითაც კი შეიძლება განსხვავდებოდნენ, მაგრამ მათი ხარისხი თითქმის თანაბარია.

კონდომის მოქმედების მექანიზმი:

სქესობრივი აქტის დროს მამაკაცის სასქესო ასოდან გამოყოფილი სპერმა კონდომში გროვდება და საშოში ვეღარ შეაღწევს. თუ საშოში სპერმა არ მოხვდება, ორსულობა არ ვითარდება.


კონდომი♥♥ უსაფრთხო სექსის ნივთები ,,ამაზონზე” 

ქალის კონტრაცეპტივები
პრეზერვატივები 
ლუბრიკანტები 
სპერმიციდები

♦ როგორ გამოვიწეროთ ინტერნეტ-მაღაზია ,,ამაზონიდან”
♦ ინტერნეტ-მაღაზიები


კონდომის უპირატესობები:

  • კონდომი ხასიათდება მაღალი ეფექტურობით (98-99%);
  • კონდომი იცავს სქესობრივი გზით გადამდები ინფექციებისაგან და აივ/შიდსისაგან;
  • კონდომი მარტივია მოხმარებაში;
  • კონდომი ხელმისაწვდომია ფინანსურად ;
  • კონდომი უსაფრთხოა და პრაქტიკულად არ გააჩნია გვერდითი მოვლენები (ძალზე იშვიათად, განსაკუთრებული მგრძნობელობის პირებში შეიძლება გამოიწვიოს ალერგიული რეაქცია);
  • კონდომი ქალს თავიდან აცილებს ჩასახვის საწინააღმდეგო პრეპარატების მიღების აუცილებლობას.

ვის შეუძლია პრეზერვატივის ანუ კონდომის გამოყენება?

  • კონდომის გამოყენება შეუძლია ყველა წყვილს, ნებისმიერ დროს, განსაკუთრებით აუცილებელია მაშინ, თუ არსებობს სქესობრივი გზით გადამდები დაავადების რისკი;
  • კონდომი სავსებით მისაღებია ცოლ-ქმრულ ურთიერთობაში, როგორც კონტრაცეპციის ერთ-ერთი მეთოდი;
  • კონდომი ეხმარება ჩასახვის საწინააღმდეგო სხვა მეთოდის მომხმარებლებსაც დამატებითი კონტრაცეპტიული ეფექტის მისაღებად.

კონდომის გამოყენების წესი

გამოიყენება ერთჯერადად. კონდომი ფრთხილად უნდა ამოიღოთ პაკეტიდან და წინასწარი გაშლის გარეშე ჩამოიცვათ გამაგრებულ ასოზე, ისე რომ ბოლოში დარჩეს თავისუფალი ადგილი სპერმის ჩაღვრისათვის, საიდანაც თითების მოჭერით ჰაერი წინასწარ უნდა გამოიდევნოს. სქესობრივი აქტის დასრულების და საშოდან გამოსვლის შემდეგ კონდომი უნდა მოიხსნას ჯერ კიდევ გამაგრებული ასოდან ფრთხილად, ისე რომ სპერმა არ გადმოიღვაროს, გაიხვიოს ქაღალდში და მოთავსდეს სანაგვეში.

უმჯობესია კონდომის გამოყენება სპერმიციდებთან (სპერმატოზოიდების დამშლელი ნივთიერებები) ერთად, ამით თქვენ ორმაგად იქნებით დაცული, განსაკუთრებით იმ შემთხვევაში, თუ კონდომი გაიხევა. არ შეიძლება ვადაგასული, დაზიანებული პაკეტიდან პრეზერვატივის მოხმარება და დამხმარე საცხის სახით ვაზელინის, ან სხვა ცხიმის გამოყენება.


აღებულია: http://www.genesis.org.ge/brochure29/brochure29.htm; გადასვლა > ოჯახის დაგეგმვა, კონტრაცეფცია