ენტეროკოკი (ლათ.
Enterococcus) – Enterococcaceae-ის ოჯახის ბაქტერიების გვარი. გრამდადებითი კოკები, წარმოდგენილია წყვილებად (დიპლოკოკები) ან მოკლე ჯაჭვებად. ადამიანის ნაწლავებში ძირითადი სიმბიოზური სახეობებია: Enterococcus faecalis (90—95 %) და Enterococcus faecium (5—10 %). ზოგჯერ სხვა სახეობებთან წარმოქმნიან კლასტერებს, მათ შორის Enterococcus casseliflavus, Enterococcus raffinosus და იწვევენ ისეთ ინფექციებს როგორიც არის: შარდგამომყოფი გზების ანთება, ბაქტერიემია, ბაქტერიული ენდოკარდიტი, დივერკულიტი და მენინგიტი. ბოლო წლებში გამოჩნდა, განსაკუთრებით რეზისტენტული შტამები ვანკომიცინის მიმართ, რომელმაც საავადმყოფოს შიდა ინფექციები გამოიწვია (vancomycin-resistant enterococcus, or VRE). ენტეროკოკური მენინგიტი არის ნეიროქირურგიული ოპერაციების იშვიათი გართულება.
პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.