კალციქეა / CalciCare

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): კომბინირებული/comb. drug

შემადგენლობა:
200 მლ სუსპენზია ფორთოხლის არომატით.
10 მლ შეიცავს:
კალციუმი კარბონატი – 500მგ ელემენტარული კალციუმის ექვივალენტი;
მაგნიუმი – 150მგ;
თუთია – 4მგ;
ვიტამინი D3 – 400სე

ინგრედიენტების დახასიათება:
კალციუმი:
ბავშვებისათვის აუცილებელია სრულყოფილი ძვლოვანი მასის მისაღწევად, ხოლო უფრო გვიანეულ ასაკში ოსტეოპოროზის თავიდან ასაცილებლად. ასევე მყარი კბილების ფორმირებისათვის.  ხოლო ორსულობის დროს იგი საშუალებას გვაძლევს თავიდან ავოცილოთ ეკლამპსია, სისხლძარღვების გაფართოვება.
მაგნიუმი: მას აქვს გარკვეული როლი კალციუმის მეტაბოლიზმში.კალციუმის შეწოვა გაადვილებულია ფარისებრახლო ჯირკვლის ჰორმონის საშუალებით. მაგნიუმის დეფიციტი გამოიწვევს პარათჰორმონის დონის შემცირებას რაც თავის მხრივ კალციუმის დეფიციტის და ჰიპოკალცემიის მიზეზი შეიძლება გახდეს.  ასევე მაგნიუმი ხელს უწყობს კბილის მყარი ემალის ჩამოყალიბებას. მაგნიუმის დეფიციტმა ორსულობის დროს შეიძლება მიგვიყვანოს თვითნებურ აბორტამდეც.
თუთია: ზრდის პერიოდი მოიცავს მნიშვნელოვან ფაზას, უჯრედების დაყოფას. თუთია მნიშვნელოვანი კოფაქტორია უჯრედების დაყოფის, მრავალი ფერმენტის სინთეზის პროცესში, ასევე იგი მონაწილეობს დნმ-ის და რნმ-ის სინთეზში. ორსულობის დროს თუთიის დეფიციტს უკავშირდება ბევრი გართულება, მათ შორის სიმახინჯეები.  თუთია აუცილებელია იმისათვის, რომ წარმოიქმნას ცილის მატრიცა, რომელიც ხელს უწყობს კალციუმის ჩალაგებას ძვლებში.
ვიტამინი D3: უზრუნველყოფს კალციუმის შეწოვას, ძირითადად ნაწლავებიდან, ამცირებს მის თირკმლოვან გამოყოფას და აძლიერებს მის ნაწლავურ რეაბსორბციას.

ჩვენებები:
· კალციუმისა და D3-ის დეფიციტი
· მზარდი მოთხოვნა კალციუმზე ინტენსიური ზრდის პერიოდში
· რაქიტის პროფილაქტიკა და მკურნალობა
· ოსტეოპოროზის პროფილაქტიკა
· ორსულობა და ლაქტაცია
· სტეროიდებისა და სხვა ჰორმონალური პრეპარატების ხანგრძლივი გამოყენება
დოზირება:
ბავშვები (6 თვიდან-1წ): 1/2 ჩაის კოვზი 1-ჯერ დღეში.
ბავშვები (1-4წ): 1/2 ჩაის კოვზი 2-ჯერ დღეში.
ბავშვები (5-12წ): 1 ჩაის კოვზი 2-ჯერ დღეში.
მოზრდილები: 2 ჩაის კოვზი 2-ჯერ დღეში.
ორსულები და მეძუძური დედები: 2 ჩაის კოვზი 2-ჯერ დღეში.
მიღებამდე კარგად შეანჯღრიეთ.

უკუჩვენება: არ გააჩნია, პრეპარატი ძირითადად კარგად აიტანება ორგანიზმის მიერ.

გვერდითი მოვლენები: პრეპარატ Calci Care – ის მიღებისას გვერდითი მოვლენები არ აღენიშნება.

განსაკუთრებული მითითებები: მარტივია გამოსაყენებლად. არ შეიცავს ხელოვნურ დანამატებს, საღებავებს, საფუარს და არომატიზატორებს.

ჭარბი დოზირება: პრეპარატ Calci Care -ს არ ახასიათებს ჰიპერდოზირებით გამოწვეული მოვლენები.
ვარგისიანობის ვადა და შენახვის პირობებიინახება მშრალ, გრილ, ბნელ და ბავშვებისათვის მიუწვდომელ ადგილს, 25 °C – ზე დაბალ ტემპერატურაზე. ვარგისია გამოშვებიდან სამი წელი.
გამოშვების ფორმა: 200 მლ სუსპენზია ფორთოხლის არომატით
გაცემის რეჟიმი: III ჯგუფი (ურეცეპტოდ)
მწარმოებელი: Vitane Pharma, გერმანია

გაფრთხილება

Share this...Share on Facebook
Facebook