ატრამი / ATRAM

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ატრამი / ATRAM-ის  საერთაშორისო დასახელება (აქტიური ნივთიერება): კარვედილოლი/carvedilol

ატრამი / ATRAM-ის  კლინიკურ-ფარმაკოლოგიური ჯგუფი: არასელექტიური ბეტა (β1, β2) ბლოკატორი / ალფა1 (α1) ბლოკატორი.


ატრამი / ATRAM აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა
ტაბლეტები: შეფუთვაში 30 ც.
1 ტაბ.
კარვედილოლი…… 6.25 მგ
1 ტაბ.
კარვედილოლი…… 12.5 მგ
1 ტაბ.
კარვედილოლი…… 25 მგ

ფარმაკოლოგიური თვისებები
პერორალურად მიღებისას კარვედილოლი სწრაფად და ექსტენსიურად შეიწოვება. მაქსიმალურ კონცენტრაციას სისხლის პლაზმაში აღწევს 1 საათში. 98%-ზე მეტი უკავშირდება სიხლის შრატის ცილებს. ნახევრად გამოყოფის პერიოდი 6 საათია. აქტიურად მეტაბოლიზდება ღვიძლში. გამოყოფა ძირითადად ხდება ნაწლავის გზით, ნაღველთან ერთად (60%), 16% გამოიყოფა თირკმელებით სხვადასხვა მეტაბოლიტის სახით.

ჩვენებები
– არტერიული ჰიპერტენზია: ესენციალური ჰიპერტენზია (მონოთერაპია ან კომბინაციაში სხვა ანტიჰიპერტენზიულ საშუალებებთან – მაგალითად, კალციუმის “ნელი” არხების ბლოკატორებთან და დიურეტიკებთან ერთად);
– გულის იშემიური დაავადება: (მათ შორის არასტაბილური სტენოკარდია და მიოკარდიუმის იშემია ტკივილის გარეშე);
– ქრონიკული გულის უკმარისობა: სტაბილური და სიმპტომატური ქრონიკული გულის უკმარისობა – მსუბუქი, საშუალო სიმძიმის და მძიმე (II-IV – NYHA), იშემიური და არაიშემიური გენეზის, ანგიოტენზინგარდამქმნელი ფერმენტის ინჰიბიტორებთან და დიურეზულ საშუალებებთან კომბინაციაში, საგულე გლიკოზიდებთან ერთად ან მათ გარეშე, უკუჩვენებების არარსებობისას. (სტანდარტული თერაპია).

დოზირების რეჟიმი
მიიღება ჭამის დროს საკმარისი რაოდენობით სითხესთან ერთად.
არტერიული ჰიპერტენზიის დროს: ატრამის რეკომენდებული დოზა მკურნალობის დაწყებისას პირველი ორი დღის განმავლობაში არის 12.5 მგ ერთხელ დღეში. შემდგომში – 25 მგ ერთხელ დღეში. საჭიროების შემთხვევაში დოზის გაზრდა შესაძლებელია ეტაპობრივად ორკვირიანი ინტერვალებით რეკომენდებულ მაქსიმალურ დოზამდე 50 მგ-ის ოდენობით დღეში ერთხელ ან გაყოფილი ორ მიღებაზე.
სტენოკარდიის დროს: ატრამის საწყისი რეკომენდებული დოზა  არის 12.5 მგ 2-ჯერ დღეში პირველი ორი დღის განმავლობაში. შემდეგ დოზა შესაძლებელია გაიზარდოს 25 მგ-მდე 2-ჯერ დღეში. საჭიროების შემთხვევაში – მაქსიმალურ დღიურ დოზამდე 100 მგ-ის ოდენობით, გაყოფილი ორ მიღებაზე.
ასაკოვანი პაციენტებისათვის რეკომენდებულია დღიური დოზა 50 მგ-ის ოდენობით გაყოფილი ორ მიღებზე.
გულის უკმარისობის დროს: ატრამის რეკომენდებული დოზა მკურნალობის დაწყებისას პირველი ორი კვირის განმავლობაში არის 3.125 მგ 2-ჯერ დღეში. თუ პაციენტი ამ დოზას კარგად იტანს, შესაძლებელია დოზის მომატება არაუმოკლეს ორი კვირის ინტერვალებით, ჯერ 6.25 მგ-მდე 2-ჯერ დღეში, შემდეგ კი 12.5 მგ-მდე 2-ჯერ დღეში და საბოლოოდ 25 მგ-მდე 2-ჯერ დღეში. დოზის მომატება შესაძლებელია იმ მაქსიმალურ ოდენობამდე, რომელსაც პაციენტი იტანს.

გვერდითი მოვლენები
ძალიან ხშირი: მკურნალობის დასაწყისში შესაძლოა თავბრუსხვევა.
ხშირი: წონის მომატება, გულის რითმის შენელება, გულისრევა, დიარეა, ტკივილი მუცლის არეში, სისხლში შაქრის დონის მომატება (განსაკუთრებით დიაბეტიან პაციენტებში), ქოლესტერინის დონის მომატება სისხლში, სისხლის წნევის დაცემა, შეშუპება, ცხვირის შეგუბება, ცრემლწარმოქმნის შემცირება, კიდურების, თავის ტკივილი,  დაღლილობის შეგრძნება.
ნაკლებად ხშირი გვერდითი მოვლენები: გულის ფუნქციისა და რითმის დარღვევები,  სისხლის მიმოქცევის დარღვევები, ტვინის ჟანგბადით არასაკმარისი მომარაგებით გამოწვეული გონების ხანმოკლე დაკარგვა, მხედველობის გაუარესება, სუნთქვის გაძნელება, შეკრულობა, პირღებინება, პირის სიმშრალე, შარდვის გაძნელება, ჩხვლეტები, თვალების გაღიზიანება, კანის ალერგიული რეაქციები (გამონაყარი, ჭინჭრის ციება, ქავილი), სქესობრივი ფუნქციის დარღვევები, უძილობა, დეპრესია.
იშვიათი გვერდითი მოვლენები: თრომბოციტების ან/და ლეიკოციტების რაოდენობის შემცირება, თირკმლის ფუნქციის დარღვევები, ლაბორატორიული მაჩვენებების ცვლილებები.

უკუჩვენებები
მომატებული მგრძნობელობა კარვედილოლის ან პრეპარატის ნებისმიერი კომპონენტის მიმართ; ასაკი 18 წლამდე; მწვავე და ქრონიკული გულის უკმარისობა დეკომპენსაციის სტადიაში; თირკმლის ფუნქციათა კლინიკურად მნიშვნელოვანი დარღვევები; ატრიოვენტრიკულური ბლოკადა II და III ხარისხის (გულის რითმის ხელოვნური წამყვანის მქონე პაციენტების გამოკლებით); გამოხატული ბრადიკარდია (< 50 წუთში), სინუსური კვანძის სისუსტის სინდრომი; გამოხატული არტერიული ჰიპოტენზია (სისტოლური სისხლის წნევა 100 მმ Hგ-ზე ნაკლები), კარდიოგენური შოკი; ანამნეზში ბრონქოსპაზმი და ბრონქული ასთმა; ლაქტოზის აუტანლობა, ლაქტაზის დეფიციტი, გლუკოზო-გალაქტოზური მალაბსორბცია, ღვიძლის უკმარისობა, ორსულობა და ლაქტაციის პერიოდი.

სიფრთხილით ინიშნება: ფილტვების ქრონიკული ობსტრუქციული დაავადების, დეპრესიის, მიასთენიის, ჰიპოგლიკემიის, I ხარისხის ატრიოვენტრიკულური ბლოკადის, თირეოტოქსიკოზის, პრინცმეტალის სტენოკარდიის, შაქრიანი დიაბეტის, დიდი ქირურგიული ჩარევების (ზოგადი ანესთეზიის ჩატარებისას), პერიფერიული სისხლძარღვების ოკლუზიური დაავადებების, თირკმლის უკმარისობის, ფეოქრომოციტომის, ფსორიაზის დროს.
კონტაქტური ლინზების ტარებისას აუცილებელია ცრემლის გამოყოფის შემცირების შესაძლებლობის გათვალისწინება.

სხვა წამლებთან ურთიერთქმედება
ატრამის ერთდოული მიღებისას დილტიაზემისა ან ვერაპამილის შემცველ პერორალურ პრეპარატებთან, იშვიათად ადგილი აქვს გულის რითმის დარღვევას. ატრამი აძლიერებს ინსულინისა და დიაბეტის სამკურნალო სხვა მედიკამენტების მოქმედებას. რიფამპიცინის შემცველი ანტიბიოტიკები თრგუნავს ატრამის სამკურნალო ეფექტს. ციმეტიდინის შემცველ მედიკამენტებთან ერთდროული გამოყენებისას მოსალოდნელია ატრამის მოქმედების გაძლიერება.
საჭიროა პაციენტების მონიტორინგი რეზერპინთან, გუანეტიდინთან, მეთილდოფასთან, გუანფაცინთან, დეპრესიის სამკურნალო პრეპარატებთან ან დიჰიდროპირიდინთან Aერთობლივი მიღების დროს.
ერთობლივი მკურნალობისას ტკივილგამაყუჩებელი და ანთებისსაწინააღმდეგო პრეპარატებით ან ესტროგენებისა და კორტიკოსტეროიდების შემცველი მედიკამენტებით, ატრამის მოქმედება სუსტდება.
ატრამი აძლიერებს ერგოტამინისა და კუნთის ნერვების ბლოკატორების სამკურნალო მოქმედებას.
თერაპიული დოზებით პრეპარატი ატრამის გამოყენების დროს ავტოტრანსპორტისა და მექანიზმების მართვის შესაძლებლობაზე რაიმე სახის გავლენა არ არის ცნობილი.

შენახვის პირობები და ვადა
პრეპარატი ინახება არა უმეტეს 30°C ტემპერატურაზე, ბავშვებისათვის მიუწვდომელ ადგილას.

გამოშვების ფორმა: 6,25მგ, 12.5მგ, 25მგ ტაბლეტი №30

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: Zentiva, ჩეხეთი

გაფრთხილება

Share this...Share on Facebook
Facebook