ბესტოქსოლი / Bestoxol

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ბესტოქსოლი / Bestoxol-ის  საერთაშორისო დასახელება (აქტიური ნივთიერება): taurine

ბესტოქსოლი / Bestoxol-ის  კლინიკურ-ფარმაკოლოგიური ჯგუფი: თვალის პათოლოგიების სამკურნალო პრეპარატები. მეტაბოლური პროცესების მარეგულირებელი პრეპარატები.


ბესტოქსოლი / Bestoxol აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


პრეპარატის ათქ კოდი S01XA21

წამლის ფორმა: თვალის წვეთები 4%.

აღწერილობა: უფერო, გამჭვირვალე ხსნარი.

შემადგენლობა: პრეპარატის 1 მლ შეიცავს:
აქტიური ნივთიერება: ტაურინი  0,04 გ
დამხმარე ნივთიერებები:  მეთილპარაჰიდროქსიბენზოატი, ნატრიუმის ჰიდროქსიდი,გასუფთავებული წყალი

ფარმაკოლოგიური თვისებები:
ბესტოქსოლი – ოფთალმოლოგიური პრეპარატი, რომლის მოქმედ კომპონენტს წარმოადგენს ტაურინი.
ტაურინი – გოგირდის შემცველი ამინომჟავაა, რომელიც წარმოიქმნება ორგანიზმში ცისტეინის გარდაქმნის პროცესში. ტვინში ასრულებს ნეირომედიატორის როლს. ასტიმულირებს რეპარაციულ პროცესებს დისტროფიული ხასიათის დაავადებების დროს და აგრეთვე, იმ დაავადებებისას, რომლებსაც თან ახლავს თვალის ქსოვილის მეტაბოლიზმის მკვეთრი დარღვევა. ხელს უწყობს უჯრედული მემბრანების ფუნქციის ნორმალიზაციას, ენერგეტიკული და ცვლის პროცესების აქტივაციას.

გამოყენების ჩვენებები:
– ბადურის დისტროფიული ცვლილებები;
– თვალის თანდაყოლილი ტაპეტორეტინული დეგენერაცია;
– რქოვანას დისტროფია და ტრავმები (რეპარაციული პროცესების სტიმულაციის მიზნით);
– სხვადასხვა წარმოშობის კატარაქტა  (მოხუცებულობის, დიაბეტური, ტრავმული და სხივური);
– გლაუკომა (აძლიერებს თიმოლოლის მოქმედებას).

უკუჩვენებები:
– მომატებული მგრძნობელობა ტაურინის მიმართ.

გვერდითი მოქმედება:
შესაძლებელია: ალერგიული რეაქციები.

მიღების წესი და დოზები:
მხოლოდ ადგილობრივი გამოყენებისათვის.
პრეპარატ ბესტოქსოლს აწვეთებენ დაზიანებული თვალის კონიუნქტივალურ პარკში 2 წვეთს 3-4-ჯერ დღე-ღამეში, თუ ექიმის მიერ დოზირების სხვა რეჟიმი არ არის მითითებული.
კატარაქტის დროს – გამოიყენება ინსტილაციების სახით 2-3 წვეთი 2-4-ჯერ ყოველდღიურად 3 თვის განმავლობაში. კურსი მეორდება ერთ თვიანი ინტერვალით.
ტრავმების დროს – გამოიყენება ამავე დოზით ერთი თვის განმავლობაში.
გლაუკომის დროს – გამოიყენება ინსტილაციების სახით 2-ჯერ დღეში თიმოლოლის ჩაწვეთებამდე 20-30 წუთით ადრე.

ჭარბი დოზირება:
ბესტოქსოლის თვალის წვეთების გამოყენების დროს ჭარბი დოზირების შემთხვევები აღწერილი არ არის.

ურთიერთქმედება სხვა სამკურნალო საშუალებებთან:
გლაუკომით დაავადებულებში  აღინიშნება ჰიპოტენზიური მოქმედების მნიშვნელოვანი გაძლიერება ბესტოქსოლის თიმოლოლთან ერთობლივი გამოყენების დროს. ეფექტის გაძლიერება მიიღწევა განდევნის კოეფიციენტის გაზრდის და წყალწყალა ნამის პროდუქციის შემცირების ხარჯზე.

ზეგავლენა ავტოტრანსპორტის მართვისა და მექანიზმებთან მუშაობის უნარზე:
პაციენტებისათვის, რომლებსაც ბესტოქსოლის ინსტილაციის შემდეგ აღენიშნებათ მხედველობის ხანმოკლე დარღვევები, რომლებიც გავლენას ახდენს ავტოტრანსპორტის მართვის უნარზე, რთულ ტექნიკასთან, დაზგებთან და სხვა მოწყობილობასთან მუშაობაზე, რომლებიც, თავის მხრივ, საჭიროებს მხედველობის სიმახვილეს, არ არის რეკომენდებული მანქანის ტარება ან რთულ ტექნიკასთან მუშაობა.

გამოყენება პედიატრიაში, ორსულობის და ლაქტაციის დროს:
ორსულობის და ლაქტაციის დროს, ასევე ბავშვებში, პრეპარატის გამოყენების გამოცდილება არ არსებობს. პრეპარატის გამოყენება შესაძლებელია მხოლოდ მკურნალი ექიმის დანიშნულებით, თუ მოსალოდნელი სამკურნალო ეფექტი აღემატება გვერდითი ეფექტის განვითარების შესაძლო რისკს.

გამოშვების ფორმა:
ბესტოქსოლის თვალის წვეთები გამოდის 10 მლ-იან პლასტმასის ფლაკონში საწვეთურით და ხრახნიანი დამცავი რგოლით. ფლაკონი მოთავსებულია მუყაოს კოლოფში გამოყენების ინსტრუქციასთან ერთად.

შენახვის პირობები:
ინახება არა უმეტეს  25ºC ტემპერატურაზე, სინათლისაგან დაცულ, ბავშვებისათვის მიუწვდომელ ადგილას.

ვარგისიანობა: 3 წელი წარმოების თარიღიდან.
ფლაკონის გახსნის შემდეგ პრეპარატი გამოიყენება  4 კვირის განმავლობაში.
არ გამოიყენოთ ვარგისიანობის ვადის ამოწურვის შემდეგ.

გამოშვების ფორმა: 4% 10 მლ თვალის წვეთები პოლიეთილენის ფლაკონი №1 საწვეთურით

გაცემის რეჟიმი: III ჯგუფი (ურეცეპტოდ)

მწარმოებელი: Rompharm Company, რუმინეთი

გაფრთხილება

Share this...Share on Facebook
Facebook
Tweet about this on Twitter
Twitter
English English Georgian Georgian