ბროქსევინი / Brocsevin

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ბროქსევინი / Brocsevin-ის  საერთაშორისო დასახელება (აქტიური ნივთიერება): კომბინირებული/comb. drug

ბროქსევინი / Brocsevin-ის  კლინიკურ-ფარმაკოლოგიური ჯგუფი: მუკოლიზური, ხველის საწინააღმდეგო,
იმუნომასტიმულირებელი, დეტოქსიკაციური საშუალება.


ბროქსევინი / Brocsevin აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა: 150 მლ სიროფის 10 მლ სიროფი შემცველობა:
N-აცეტილცისტეინი 250 მგ.
თაფლი 0,5 გ.
ტოლუს ბალზამი (Toluiferum Moryxolon) 0,25 მლ.
ბეგქონდარა (Thymus Serpyiium) 0,25 მლ.
ტუხტი (Althea officinalis) 0,125 მლ.
ევკალიპტი (Eucalyptus globules Labill) 0,07 მლ
ლიმონი (Citrus Limona) 0,07 მლ.
ცვრიანა (Drosera) 0.25 მლ.
ძირტკბილა (Glycyrrhiza glabra L) 0,20 მლ.
შავი მოცხარი (Rubus nigrum) 0,1 მლ.

ფარმაკოლოგიური მოქმედება:
აცეტილცისტეინი ათხელებს ნახველს, ზრდის მის მოცულობას, აადვილებს მის გამოყოფას და ამოხველების პროცესს. აცეტილცისტეინის მოქმედება დაკავშირებულია მასში შემავალი სულფჰიდრილური ჯგუფის თვისებასთან დაარღიოს ნახველის მჟავე მუკოპოლისაქარიდების დისულფიდური კავშირები, რაც იწვევს მუკოპროტეინების დეპოლიმერიზაციას და ლორწოს სიბლანტის შემცირებას. იგი ინარჩუნებს აქტივობას ჩირქოვანი ნახველის არსებობისას.

თაფლი წარმოადგენს ნატურალურ პროდუქტს, რომლის შემადგენლობაშიც შედის ფერმენტები, მიკროელემენტები: რკინა, კალიუმი, სპილენძი, მაგნიუმი, ვერცხლი.
ვიტამინები, ორგანული და არაორგანულიმჟავები: მარილმჟავა, ფოსფორმჟავა,  ვაშლისა და ღვინის მჟავა. თაფლს გამოხატული აქვს ანტიბაქტერიული, ანთების საწინააღმდეგო, იმუნომასტიმულირებელი თვისებები.
ტოლუს ბალზამი მიიღება ხე მცენარე Moryxolon –ის ქერქის ჩეხვის შედეგად,
იგი შეიცავს ფისისებრ ნივთიერებებს: ცინამენებს, ბენზოლის მჟავას, ფლავონოიდ
კუმარინს, ვანილინს და ფერნეზოლს. ბალზამი გავლენას ახდენს სასუნთქი გზების
ლორწოვანზე. ავლენს რა ანტისეპტიურ, ანტიბაქტერიულ და ამოსახველებელ
თვისებებს. იგი გამოიყენება ქრონიკული კატარის, ლარინგიტის, ქვემო სასუნთქი
გზების ანთების დროს.
ბეგქონდარა შეიცავს ეთერზეთს რომლის მთავარი კომპონენტია თიმოლი,
მთრიმლავ ნივთიერებებს, მინერალურ მარილებს. გამოიყენება მშრალი სპასტიური
ხველის, ყივანახველის, ბრონქიტის, ბრონქული ასთმის, ფილტვების ანთების დროს.
სამკურნალო ტუხტი შეიცავს 10% პენტოზას და ჰექსოზას; 37% საქაროზას,
და 10% ცხიმოვან ნივთიერებებს. გამოიყენება როგორც ამოსახველებელი, ანთების
საწინააღმდეგო და ანტისეპტიური საშუალება სასუნთქი გზების კატარის დროს.
ევკალიპტის სამკურნალო ნედლეულია ფოთლები, რომლებიც შეიცავს ეთერზეთებს-2,5%, ცინეოლს-60%. ევკალიპტისგან მიღებული ეთეროვანი ზეთები
გამოიყენება როგორც ბაქტერიციდული საშუალება სასუნთქი გზების
დაავადებების დროს, გამოხატული აქვს ხველის საწინააღმდეგო მოქმედება.
ლიმონის ნაყოფი შეიცავს: ფრუქტოზას-0,63%, გლუკოზას-1,99%, საქაროზას- 1,20%,
პექტინს-3,79%, ცელულოზას-3,17%, ეთერზეთებს-1,31%, მინერალურ ნივთიერებებს-0,69%, ვიტამინებს- A, B1, B2, C-93%, ციტრინს. ნაყოფის წვენი შეიცავს
ფლავონოიდ კუმარინს, სიტოსტეროლს. ლიმონის ეთერზეთი გამოიყენება
გაციებისა და სასუნთქი გზების დაავადებების დროს, ზრდის ორგანიზმის
შრომისუნარიანობას, ხსნის დაღლილობას.
ცვრიანას ფოთლები მოფენილია ჯირკვლოვანი ბუსუსებით, რომლებიც გამოყოფენ
წებოვან სეკრეტს, გამოიყენება სურდოს, სასუნთქი გზების კატარის, ხველის დროს
როგორც ამოსახველებელი საშუალება.
ძირტკბილა შეიცავს გლიკოზიდ გლიცირიზინს, ფლავანოიდებს, ასკორბინის მჟავას. ფესვებიდან მიღებული ექსტრაქტი გამოიყენება ზემო სასუნთქი გზების
დაავადებების დროს, როგორც ამოსახველებელი, დამარბილებელი და ანთების
საწინააღმდეგო საშუალება.
შავი მოცხარის სამკურნალო ნედლეულია ფოთლები, რომლებიც შეიცავენ
ეთერზეთებს, ვიტამინებს-C, B და P, ორგანულ მჟავებს, პექტინს, მთრიმლავ
და მინერალურ ნივთიერებებს. იგი გამოიყენება როგორც მატონიზირებელი,
ანთების საწინააღმდეგო და კუჭ-ნაწლავის დაავადებების სამკურნალო საშუალება.

ჩვენებები:
პრეპარატი გამოიყენება სასუნთქი სისტემის მწვავე და ქრონიკული დაავადებების
დროს:
– მწვავე და ქრონიკული ბრონქიტი;
– ბაქტერიული ან ვირუსული ინფექციებით გამოწვეული ტრაქეიტი;
– პნევმონია;
– ბრონქოექტაზიური დაავადება;
– ბრონქული ასთმა;
– ატელექტაზი, გამოწვეული ლორწოვანი საცობის მიერ ბრონქების ობსტრუქციით;
– მუკოვისციდოზი (კომბინირებული თერაპიის დროს);
– ტრავმისა და ოპერაციის შემდგომ პერიოდში სასუნთქი გზებიდან ბლანტი სეკრეტის ევაკუაციისათვის დასინუსიტების დროს სეკრეციის შესამსუბუქებლად.

გამოყენების წესი და დოზირება:
ბროქსევინი მიიღება 2-3 ჯერ დღეში ჭამამდე 20 წუთით ადრე.

მკურნალობის ხანგრძლივობა 1-4 კვირა

                     ასაკი ერთჯერადი დოზა მაქსიმალური დღიური დოზა
  ბავშვბი 1 წლამდე             2,0 მლ                             6 მლ
  1-3 წელი              3,5 მლ                          11,5 მლ
  3-5 წელი               5,0 მლ                          15 მლ
   5-8 წელი               7,0 მლ                          21 მლ
   8-12 წელი              10,0 მლ                          30 მლ
  12 წლის ზემოთ ბავშვები   დამოზრდილები              15,0 მლ                          45 მლ

გვერდითი მოვლენები:
იშვიათად შემთხვევაში დისპეფსიური მოვლენები, თავბრუსხვევა და ალერგიული
რეაქციები.

უკუჩვენებები:
მომატებული მგრძნობელობა პრეპარატში შემავალი კომპონენტების მიმართ.

დოზის გადაჭარბება:
ანორექსია, მადის დაქვეითება, დაღლილობა, გულისრევა ღებინება

შენახვის პირობები:
ინახება მშრალ და ბნელ, ბავშვებისათვის მიუწვდომელ ადგილას არა უმეტეს
26ºC ტემპერატურაზე.

მოქმედების ვადა: პრეპარატი არ გამოიყენება მუყაოს შეფუთვასა და ფლაკონზე მითითებული ვარგისიანობის ვადის ამოწურვისშემდეგ.

გამოშვების ფორმა: 150 მლ ფლაკონი #1

გაცემის რეჟიმი: III ჯგუფი (ურეცეპტოდ)
მწარმოებელი კომპანია: GRICAR CHEMICAL, იტალია

გაფრთხილება

Share this...Share on Facebook
Facebook