ბუდექტონი / BUDECTON

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ბუდექტონი / BUDECTON-ის  საერთაშორისო დასახელება (აქტიური ნივთიერება): ბუდესონიდი / budesonide

ბუდექტონი / BUDECTON-ის  კლინიკურ-ფარმაკოლოგიური ჯგუფი: გლუკოკორტიკოსტეროიდები საინჰალაციო გამოყენებისათვის ბრონქული ასთმის სამკურნალოდ.


ბუდექტონი / BUDECTON აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


პრეპარატის ათქ კოდი: R03BA02

შემადგენლობა
ბუდექტონი 200 მკგ
კაფსულა შეიცავს
აქტიური ნივთიერება: ბუდესონიდი 200 მკგ.
დამხმარე ნივთიერება: ლაქტოზას მონოჰიდრატი.
კაფსულის შემადგენლობა: ჟელატინი, რკინის ოქსიდი წითელი, ტიტანის დიოქსიდი.
ბუდექტონი 400 მკგ
კაფსულა შეიცავს
აქტიური ნივთიერება: ბუდესონიდი 400 მკგ.
დამხმარე ნივთიერება: ლაქტოზას მონოჰიდრატი.
კაფსულის შემადგენლობა: ჟელატინი, რკინის ოქსიდი შავი, რკინის ოქსიდი წითელი, ტიტანის დიოქსიდი.

ფარმაკოლოგიური თვისებები
ფარმაკოდინამიკა
ბუდესონიდი წარმოადგენს სინთეზურ გლუკოკორტიკოსტეროიდს საინჰალაციო გამოყენებისათვის, პრაქტიკულად არ გააჩნია სისტემური მოქმედება. ბუდესონიდი ახდენს ანთების საწინააღმდეგო, ანტიალერგიულ და იმუნოდეპრესიულ მოქმედებას. ზრდის ლიპოკორტინის პროდუქციას, რომელიც წარმოადგენს ფოსფოლიპაზა А2-ის ინჰიბიტორს, ამუხრუჭებს არაქიდონის მჟავას გამოთავისუფლებას, თრგუნავს არაქიდონის მჟავას მეტაბოლიზმის პროდუქტების _ ციკლური ენდოპეროქსიდების და პროსტაგლანდინების სინთეზს. ხელს უშლის ნეიტროფილების მიერ ანთებითი კერის შემოსაზღვრას, ამცირებს ციტოკინების ანთებით ექსუდაციას და პროდუქციას, აფერხებს მაკროფაგების მიგრაციას, ამცირებს ინფილტრაციის და გრანულაციის პროცესების გამოხატულებას, ქემოტაქსისის სუბსტანციის წარმოქმნას (რითაც აიხსნება ეფექტურობა ალერგიის `გვიანი~ რეაქციების დროს); აფერხებს ანთების მედიატორების გამოთავისუფლებას პოხიერი უჯრედებიდან (დაუყოვნებელი ალერგიული რეაქცია). ზრდის `აქტიური~ β-ადრენორეცეპტორების რაოდენობას, აღადგენს ავადმყოფის რეაქციას ბრონქოდილატატორებზე, იძლევა რა მათი გამოყენების სიხშირის შემცირების საშუალებას, ამცირებს ბრონქების ლორწოვანი გარსის შეშუპებას, ლორწოს პროდუქციას, ნახველის წარმოქმნას და ამცირებს სასუნთქი გზების ჰიპერაქტივობას. აძლიერებს მუკოცილიარულ ტრანსპორტს.
ერთი დოზის ინჰალაციის შემდეგ პრეპარატის თერაპიული ეფექტის დაწყების დრო შეადგენს რამდენიმე საათს. მაქსიმალური თერაპიული ეფექტი მიიღწევა თერაპიის დაწყებიდან 1-2 კვირის შემდეგ. რეგულარული გამოყენებისას პაციენტებში ბრონქული ასთმით ბუდესონიდი ამცირებს ფილტვებში ქრონიკული ანთების გამოხატულებას და ამგვარად აუმჯობესებს ფილტვის ფუნქციას, ბრონქული ასთმის მიმდინარეობას, ამცირებს ბრონქების ჰიპერაქტივობას და ახდენს დაავადების გამწვავების პრევენციას.

ფარმაკოკინეტიკა:
შეწოვა
ბუდესონიდი სწრაფად და მთლიანად აბსორბირდება ინჰალაციის შემდეგ, ამასთან მაქსიმალური კონცენტრაცია სისხლის პლაზმაში მიიღწევა ინჰალაციის დაწყებიდან 30 წუთის განმავლობაში. ბუდესონიდის ინჰალაციის შემდეგ პირ-ხახის ლორწოვანაზე პრეპარატის დალექვის გათვალისწინებით აბსოლუტური ბიოშეღწევადობა შეადგენს 73%-ს.
განაწილება
განაწილების მოცულობა შეადგენს 3 ლ/კგ. შეკავშირება პლაზმის ცილებთან შეადგენს 88%-ს. ინჰალაციის გზით შეყვანილი პრეპარატის სისტემური კლირენსი _ 0,5 ლ/წთ.
მეტაბოლიზმი
შეწოვის შემდეგ ბუდესონიდი განიცდის ინტენსიურ ბიოტრანსფორმაციას (90%-ზე მეტი) ღვიძლში დაბალი გლუკოკორტიკოსტეროიდული აქტივობის მქონე მეტაბოლიტების წარმოქმნით. ძირითადი მეტაბოლიტების 6β-ჰიდროქსიბუდესონიდის და 16α-ჰიდროქსიპრედნიზოლონის გლუკოკორტიკოსტეროიდული აქტივობა შეადგენს ბუდესონიდის გლუკოკორტიკოსტეროიდული აქტივობის 1%-ზე ნაკლებს. ბუდესონიდს გააჩნია მაღალი სისტემური კლირენსი (დაახლოებით 1,2 ლ/წთ) და ნახევარგამოყოფის მოკლე პერიოდი (2,8 საათი). ბუდესონიდი მეტაბოლიზდება ძირითადად CYP3A4 ფერმენტის მონაწილეობით.
გამოყოფა 
გამოიყოფა ნაწლავებით მეტაბოლიტების სახით _ 10%, თირკმელებით _ 70%.
ბუდესონიდის ფარმაკოკინეტიკა პროპორციულია პრეპარატის მიღებული დოზის სიდიდისა.

ფარმაკოკინეტიკა განსაკუთრებულ კლინიკურ შემთხვევებში
ბუდესონიდის კონცენტრაცია სისხლის პლაზმაში იზრდება პაციენტებში ღვიძლის დაავადებებით.

გამოყენების ჩვენებები
– ბრონქული ასთმა, რომელიც საჭიროებს შემანარჩუნებელ თერაპიას გლუკოკორტიკოსტეროიდებით;
– ფილტვების ქრონიკული ობსტრუქციული დაავადება.

გამოყენების წესი და დოზირება
ბუდექტონი განკუთვნილია საინჰალაციო გამოყენებისათვის. არ შეიძლება პრეპარატის შიგნით მიღება. პრეპარატი წარმოადგენს კაფსულებს, რომლებიც შეიცავენ საინჰალაციო ფხვნილს, რომელიც უნდა იქნას გამოყენებული მხოლოდ შეფუთვის კომპლექტში შემავალი სპეციალური მოწყობილობის დახმარებით. კაფსულის რღვევის გამო გარსის მცირე ნაწილები ინჰალაციის შედეგად შეიძლება მოხვდეს პირში ან ყელში. ამ მოვლენის მინიმუმამდე დასაყვანად არ არის რეკომენდებული კაფსულის გახვრეტა 1 ჯერზე მეტად. კაფსულა უნდა იქნას ამოღებული ბლისტერის შეფუთვიდან უშუალოდ გამოყენების წინ.
პრეპარატის 1 დოზა (200 მკგ ან 400 მკგ) შეესაბამება 1 ინჰალაციას.
დოზა შეირჩევა ინდივიდუალურად, დაავადების სიმძიმის და პაციენტის რეაქციის მიხედვით. ბუდექტონის ჩვეულებრივი რეკომენდებული დოზა შეადგენს 200-1600 მკგ დღე-ღამეში. პაციენტის მდგომარეობის სტაბილიზაციის შემდეგ აუცილებელია შემანარჩუნებელი დოზის შერჩევა, რომელიც უნდა შეესაბამებოდეს ყველაზე დაბალ ეფექტურ დოზას.
მოზრდილებში და ბავშვებში 12 წლის ასაკიდან: 200 მკგ ბუდესონიდი 1-2 ჯერ დღე-ღამეში. მაქსიმალური სადღეღამისო დოზა _ 1600 მკგ ბუდესონიდი.
6-დან 12 წლამდე ასაკის ბავშვებში: 200 მკგ ბუდესონიდი 1-2-ჯერ დღე-ღამეში. მაქსიმალური სადღეღამისო დოზა _ 800 მკგ ბუდესონიდი, დაყოფილი რამდენიმე მიღებაზე. პრეპარატის მიღება უნდა განხორციელდეს მხოლოდ უფროსების კონტროლის ქვეშ.
პრეპარატი ავლენს ანთების საწინააღმდეგო მოქმედებას, ამიტომ ის უნდა იქნას გამოყენებული მუდმივად და რეგულარულად პაციენტის მდგომარეობის გაუმჯობესების შემდეგაც კი. როგორც წესი, ბუდექტონი ინიშნება მკურნალობის ხანგრძლივი კურსით, რომელიც განისაზღვრება ინდივიდუალურად.
ხანდახან ბრონქების სეკრეტის დიდი რაოდენობის გამო პრეპარატის შეღწევა ანთების ზონაში გაძნელებულია. ასეთ შემთხვევებში რეკომენდებულია პერორალური გამოყენების გლუკოკორტიკოსტეროიდებით მკურნალობის მოკლე კურსის წინასწარი ჩატარება. ინჰალაციას ატარებენ პერორალური გლუკოკორტიკოსტეროიდების დოზის თანდათან შემცირების შემდეგ.
თუ პაციენტი იღებს პერორალური გამოყენების გლუკოკორტიკოსტეროიდებს, იგი გადაჰყავთ პრეპარატ ბუდექტონით მკურნალობაზე დაავადების სტაბილურ ფაზაში. გლუკოკორტიკოსტეროიდების მოხსნას განახორციელებენ თანდათანობით. 7-10 დღის განმავლობაში საჭიროა შერჩეული დოზით გლუკოკორტიკოსტეროიდების პერორალური მიღების და მაღალ დოზებში (1600 მკგ-მდე დღე-ღამეში) პრეპარატ ბუდექტონით ინჰალაციის კომბინირება. შემდეგ გლუკოკორტიკოსტეროიდების დოზას თანდათანობით ამცირებენ პრედნიზოლონის 2,5 მგ-ით ყოველ 1-2 კვირაში.
კლინიკური სიმპტომატიკის გამწვავებისას სასუნთქი გზების მწვავე რესპირაციული დაავადებების დროს საჭიროა ანტიბიოტიკოთერაპიის დანიშვნა. ასევე შეიძლება საჭირო გახდეს პრეპარატ ბუდექტონის დოზის კორექცია ან გლუკოკორტიკოსტეროიდების პერორალური დანიშვნა.
ფილტვების ქრონიკული ობსტრუქციული დაავადება: ბუდესონიდის რეკომენდებული დოზა შეადგენს 400 მკგ 2-ჯერ დღე-ღამეში. პაციენტებში, რომლებსაც გააჩნიათ პოზიტიური პასუხი მკურნალობაზე ბუდექტონით თერაპიის პირველი 3-6 თვის განმავლობაში, პრეპარატს იყენებენ ხანგრძლივი დროის განმავლობაში.

ინჰალაციის ჩატარების წესები
ბავშვებში და მოზარდებში ინჰალაცია ბუდექტონით უნდა ტარდებოდეს უფროსების დაკვირვების ქვეშ. საჭიროა იმაში დარწმუნება, რომ ბავშვი სწორად ასრულებს ინჰალაციის ტექნიკას. პირის ღრუს გამოვლებამ წყლით ბუდესონიდით ინჰალაციის შემდეგ შეიძლება მოახდინოს პირის და ხახის ლორწოვანას გაღიზიანების პრევენცია, ასევე შეამციროს სისტემური არასასურველი მოვლენების განვითარების რისკი.

ინჰალაციის მოწყობილობის გამოყენების ინსტრუქცია
1. მოხსენით თავსახური საინჰალაციო მოწყობილობას.
2. მაგრად დაიჭირეთ საინჰალაციო მოწყობილობა ფუძით და მოატრიალეთ მუნდშტუკი ისრის მიმართულებით.
3. მოათავსეთ კაფსულა ბუდეში, რომელიც მდებარეობს საინჰალაციო მოწყობილობის ფუძეში (მას აქვს კაფსულის ფორმა). უნდა გახსოვდეთ, რომ კაფსულა ბლისტერის შეფუთვიდან უნდა იქნას ამოღებული უშუალოდ ინჰალაციის ჩატარების წინ.
4. მოატრიალებთ რა მუნდშტუკს, დახურეთ საინჰალაციო მოწყობილობა.
5. დაიჭირეთ მოწყობილობა მკაცრად ვერტიკალურ მდგომარეობაში, ერთხელ ბოლომდე დააჭირეთ გვერდებზე მდებარე წითელ ღილაკებს. შემდეგ გაუშვით ხელი ღილაკებს.
ამ ეტაპზე კაფსულის გაჩხვლეტისას ის შეიძლება დაზიანდეს, რის შედეგადაც გარსის მცირე ნაწილები შეიძლება მოხვდეს პირში ან ყელში. იმისათვის, რომ კაფსულა მთლიანად არ დაზიანდეს, საჭიროა შემდეგი მოთხოვნების შესრულება: არ გაჩხვლიტოთ კაფსულა ერთ ჯერზე მეტად; დაიცავით შენახვის წესები; გამოიღეთ კაფსულა ბლისტერიდან მხოლოდ უშუალოდ ინჰალაციის გამოყენების წინ.
6. ღრმად ამოისუნთქეთ.
7. ჩაიდეთ მუნდშტუკი პირში და თავი ოდნავ უკან გადახარეთ. მოუჭირეთ მუნდშტუკს ტუჩები და სწრაფად, თანაბრად, მაქსიმალურად ღრმად ჩაისუნთქეთ. ამასთან პაციენტმა უნდა გაიგონოს დამახასიათებელი მსხვრევის ხმა, რომელიც წარმოიქმნება კაფსულის ბრუნვითა და ფხვნილის გაფრქვევით. თუ დამახასიათებელი ხმა არ ყოფილა, მაშინ უნდა გახსნათ საინჰალაციო მოწყობილობა და ნახოთ რა დაემართა კაფსულას. შესაძლებელია, ის ბუდეში გაიჭედა. ამ შემთხვევაში საჭიროა კაფსულის ფრთხილად ამოღება. არავითარ შემთხვევაში არ გამოათავისუფლოთ კაფსულა გვერდებზე არსებული ღილაკების განმეორებითი დაჭერით.
8. თუ ჩასუნთქვისას ისმის დამახასიათებელი ხმა, საჭიროა სუნთქვის შეჩერება რაც შეიძლება დიდხანს. ამავე დროს ამოიღეთ პირიდან მუნდშტუკი. შემდეგ ამოისუნთქეთ. გახსენით მოწყობილობა და ნახეთ, ხომ არ დარჩა კაფსულაში ფხვნილი. თუ კაფსულაში დარჩა ფხვნილი, გაიმეორეთ მე-6-8 პუნქტებში აღწერილი მოქმედებები.
9. ინჰალაციის პროცედურის დასრულების შემდეგ გახსენით მოწყობილობა, ამოიღეთ ცარიელი კაფსულა, დახურეთ მუნდშტუკი და დაახურეთ მოწყობილობას თავსახური.
ფხვნილის ნარჩენების მოსაშორებლად საჭიროა მუნდშტუკის და ბუდის მშრალი ქსოვილით გაწმენდა. ასევე შეიძლება რბილი ფუნჯის გამოყენება.

უკუჩვენებები
– მომატებული მგრძნობელობა პრეპარატის ნებისმიერი კომპონენტის მიმართ;
– ტუბერკულოზის აქტიური ფორმა;
– 6 წლამდე ბავშვთა ასაკი.

გვერდითი მოქმედება
ენდოკრინული სისტემის მხრივ: იშვიათად _ თირკმელზედა ჯირკვლის ქერქის ფუნქციის დათრგუნვა, კუშინგის სინდრომი, ჰიპერკორტიციზმი, ზრდის შეფერხება ბავშვებში და მოზარდებში.
მხედველობის ორგანოების მხრივ: იშვიათად _ კატარაქტა, გლაუკომა.
ალერგიული რეაქციები: იშვიათად _ ჰიპერმგრძნობელობის რეაქციები, გამონაყარი, ჭინჭრის ციება, ანგიონევროზული შეშუპება, ქავილი.
ცენტრალური ნერვული სისტემის მხრივ: იშვიათად _ უჩვეულო ქცევა, დეპრესიის ჩათვლით (აღწერილია ბავშვებში).
ძვალ-კუნთოვანი სისტემის მხრივ: ძვლის ქსოვილის მინერალური სიმკვრივის დაქვეითება.
სასუნთქი სისტემის მხრივ: ხშირად _ ხველა; იშვიათად _ პარადოქსული ბრონქოსპაზმი, პირის და ხახის ლორწოვანი გარსის კანდიდოზი, ხახის გაღიზიანება, დისფონია, რომელიც ქრება ბუდესონიდით თერაპიის შეწყვეტის ან პრეპარატის დოზის შემცირების შემდეგ.

განსაკუთრებული მითითებები
აუცილებელია ავადმყოფების ინფორმირება იმის შესახებ, რომ პრეპარატი განკუთვნილია არა შეტევების კუპირებისათვის, არამედ რეგულარული ყოველდღიური პროფილაქტიკური გამოყენებისათვის ბრონქული ასთმის სიმპტომების არარსებობის დროსაც კი.
პარადოქსული ბრონქოსპაზმის განვითარებისას საჭიროა მაშინვე ბუდექტონის გამოყენების შეწყვეტა, პაციენტის მდგომარეობის შეფასება და აუცილებლობის შემთხვევაში სხვა სამკურნალო პრეპარატებით თერაპიის დანიშვნა. პარადოქსული ბრონქოსპაზმი დაუყოვნებლივ უნდა იქნას კუპირებული ხანმოკლე მოქმედების β2-ადრენომიმეტიკის დახმარებით. პაციენტებმა ყოველთვის უნდა იქონიონ ინჰალატორი ხანმოკლე მოქმედების β2-ადრენომიმეტიკით ბრონქული ასთმის მკვეთრი გამწვავების კუპირებისათვის.
აუცილებელია ავადმყოფების ინფორმირება ექიმთან მიმართვის აუცილებლობის შესახებ მდგომარეობის გაუარესების შემთხვევაში (ხანმოკლე მოქმედების ბრონქოდილატატორებზე მოთხოვნის გაზრდა, ქოშინის შეტევების გაძლიერება). ასეთ შემთხვევებში აუცილებელია პაციენტის გამოკვლევის ჩატარება და საკითხის განხილვა გლუკოკორტიკოსტეროიდების საინჰალაციო ან პერორალური დოზების გაზრდის შესაძლებლობის შესახებ.
პირის ღრუს და ხახის კანდიდოზური ინფექციის განვითარების რისკის შესამცირებლად პაციენტმა სათანადოდ უნდა გამოივლოს პირი წყლით პრეპარატის თითოეული ინჰალაციის შემდეგ. პირის ღრუს და ხახის კანდიდოზური ინფექციის განვითარების შემთხვევაში შესაძლებელია სოკოს საწინააღმდეგო ადგილობრივი თერაპიის ჩატარება ბუდექტონით მკურნალობის შეწყვეტის გარეშე.
საინჰალაციო გლუკოკორტიკოსტეროიდებით ხანგრძლივი თერაპიისას საჭიროა ბავშვებისა და მოზარდების ზრდის დინამიკის რეგულარული კონტროლი. ზრდის შეფერხების შემთხვევაში უნდა განიხილოს საინჰალაციო გლუკოკორტიკოსტეროიდების დოზის შემცირების აუცილებლობა (დანიშვნა მინიმალური ეფექტური დოზით) და ბავშვის გაგზავნა ალერგოლოგთან კონსულტაციაზე. ზრდის შეფერხების გრძელვადიანი შედეგები (ზემოქმედება საბოლოო სიმაღლეზე მოზრდილებში) ბავშვებში, რომლებიც იღებენ თერაპიას საინჰალაციო გლუკოკორტიკოსტეროიდებით, არ არის შესწავლილი.
საინჰალაციო გლუკოკორტიკოსტეროიდების დანიშვნისას მაღალი დოზებით ან დროის ხანგრძლივი პერიოდის განმავლობაში შესაძლებელია სისტემური არასასურველი მოვლენების განვითარება (მაგრამ უფრო იშვიათად, ვიდრე პერორალური გლუკოკორტიკოსტეროიდების დანიშვნისას).
პაციენტების გადაყვანისას სისტემური გლუკოკორტიკოსტეროიდებიდან ბუდექტონით ინჰალაციურ თერაპიაზე შეიძლება გამოვლინდეს ისეთი რეაქციები, როგორიცაა ალერგიული რინიტი, ეგზემა, შენელებული მოქმედებები, სახსრების და კუნთების ტკივილი, ხანდახან გულისრევა და ღებინება, რომლებიც ადრე ითრგუნებოდა სისტემური გლუკოკორტიკოსტეროიდების მიღებით. მითითებული რეაქციების მკურნალობა უნდა ჩატარდეს ანტიჰისტამინური პრეპარატებით ან ადგილობრივი გლუკოკორტიკოსტეროიდებით.

ზემოქმედება ავტოტრანსპორტის ტარებისა და მექანიზმების მართვის უნარზე
მონაცემები პრეპარატ ბუდექტონის ზემოქმედების შესახებ ავტოტრანსპორტის და/ან სხვა მექანიზმების მართვის უნარზე არ არსებობს.

გამოყენება ორსულობის და ლაქტაციის დროს
პრეპარატის გამოყენება პაციენტების ამ კატეგორიაში შესაძლებელია მხოლოდ იმ შემთხვევაში, თუ თერაპიის მოსალოდნელი სარგებელი დედისთვის აღემატება პოტენციურ რისკს ნაყოფისათვის ან ჩვილისათვის.

გამოყენება პედიატრიაში
პრეპარატი არ არის რეკომენდებული 6 წლამდე ასაკის ბავშვებში.

ურთიერთქმედება სხვა სამკურნალო საშუალებებთან
სისხლის პლაზმაში ძალიან დაბალი კონცენტრაციის შედეგად, რაც მიიღწევა საინჰალაციო გამოყენებით, კლინიკურად მნიშვნელოვანი ურთიერთქმედება სხვა სამკურნალო საშუალებებთან მთლიანობაში ნაკლებად სავარაუდოა.
მაგრამ პრეპარატის გამოყენებამ CYP3A4 ინჰიბიტორებთან ერთად (მაგალითად, იტრაკონაზოლთან, კეტოკონაზოლთან, რიტონავირთან, ნელფინავირთან, ამიოდარონთან, კლარითრომიცინთან) შეიძლება გამოიწვიოს ბუდესონიდის მეტაბოლიზმის შემცირება და მისი სისტემური კონცენტრაციის მომატება. ბუდესონიდის CYP3A4 ინჰიბიტორებთან ერთად დანიშვნისას საჭიროა რეგულარულად თირკმელზედა ჯირკვლის ქერქის ფუნქციის კონტროლი და აუცილებლობის შემთხვევაში ბუდესონიდის დოზის შეცვლა. ბუდესონიდის გამოყენებისას CYP3A4 მაინდუცირებელ პრეპარატებთან ერთად (მაგალითად, რიფამპიცინთან, ფენობარბიტალთან, ფენიტოინთან) შესაძლებელია ბუდესონიდის მეტაბოლიზმის ზრდა და მისი სისტემური კონცენტრაციის დაქვეითება.
მეტანდროსტენოლონი, ესტროგენები აძლიერებენ ბუდესონიდის მოქმედებას.

დოზის გადაჭარბება
გამოყენების ინსტრუქციის შესაბამისად პრეპარატ ბუდექტონით მკურნალობის დროს დოზის მწვავე გადაჭარბება, რომელიც მოითხოვს ზომებს მის აღმოსაფხვრელად, ფაქტიურად შეუძლებელია.
პრეპარატის დიდი რაოდენობის ერთჯერადმა ინჰალაციამ შეიძლება გამოიწვიოს ჰიპოტალამო-ჰიპოფიზარულ-თირკმელზედა ჯირკვლის სისტემის ფუნქციის დროებითი დათრგუნვა, რაც არ საჭიროებს სასწრაფო თერაპიას. ბუდესონიდით დოზის გადაჭარბების დროს მკურნალობა შეიძლება იქნას გაგრძელებული დოზებით, რომლებიც საკმარისია თერაპიული ეფექტის შესანარჩუნებლად.

შენახვის პირობები
ინახება მშრალ ადგილას არაუმეტეს 25ºС ტემპერატურაზე.  ინახება ბავშვებისათვის მიუწვდომელ ადგილას!

ვარგისიანობის ვადა
3 წელი წარმოების თარიღიდან. ნუ გამოიყენებთ ვარგისიანობის ვადის გასვლის შემდეგ.

გამოშვების ფორმა: 200მკგ და 400 მკგ საინჰალაციო ფხვნილი კაფსულა N60 საინჰალაციო მოწყობილობასთან ერთად

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: World Medicine ilac san ve tic as, თურქეთი

გაფრთხილება

Share this...Share on Facebook
Facebook