ფლუოქსეტინი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): ფლუოქსეტინი/fluoxetine

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი: ანტიდეპრესანტები, სეროტონინის უკუმიტაცების სელექტიური ინჰიბიტორები

შემადგენლობა
პრეპარატი პმს-ფლუოქსეტინი (pms-FLUOXETINE) აქტიური ნივთიერების სახით შეიცავს ფლუოქსეტინის ჰიდროქლორიდს.
წამლის ფორმა: 20 მგ კაფსულები, მუქი მწვანე თავსახურით და მუქი ძვლისფერი კორპუსით.

ჩვენებები
• დეპრესია (მოწყენილობა, მადის ან წონის ცვლილება, კონცენტრირების ან ძილის გაძნელება, დაღლილობის შეგრძნება, თავის ტკივილი, გაურკვეველი ტკივილები);
• ბულიმია (კვებითი აშლილობა, რასაც ახასიათებს კვების შემდგომ ხელოვნურად გულის არევა);
• ობსცესურ-კომპულსური დარღვევა (პერიოდული და აკვიატებული ფიქრები, შეგრძნება, აზრები. ქცევის აკვიატება ან არასასურველი ფიქრები და ქმედებები)

მიღების წესები და დოზები
დოზირება:
• პრეპარატი მიიღება მხოლოდ ექიმის დანიშნულებისამებრ. საწყისი სადღეღამისო დოზაა 20მგ. იმ შემთხვევაში თუკი პრეპარატის მიღებისას არ აღინიშნება სასურველი ეფექტი, მაშინ სადრეღამისო დოზა რამოდენიმე კვირის შემდეგ შესაძლებელია გაიზარდოს. მაქსიმალური სადღეღამისო დოზა შეადგენს 80მგ-ს. ჩვეულებრივ მიიღება 20-80მგ დღეში დეპრესიის და ობსცესიურ-კომპულსიური დარღვევების დროს, ხოლო 20-60მგ დღეში ბულიმიის დროს.
• პმს-ფლუოქსეტინი ჩვეულებრივ მიიღება დღეში ერთჯერ. პრეპარატის მიიღება შეიძლება საკვებთან ერთად ან მის გარეშე. კაფსულა უნდა გადაიყლაპოს მთლიანად, არ ჩაღეჭოთ.
• პრეპარატის მიღება უნდა განაგრძოთ იმის მიუხედავად თავს კარგად არ გრძნობთ თუ არა, რადგან შესაძლებელია ეფექტის მისაღებად რამდენიმე კვირა დაგჭირდეთ.
• თირკმელებისა და ღვიძლის ფუნქციების დარღვევისას, თანმხლები დაავადებების არსებობისა და იმ შემთხვევაში, როდესაც ღებულობთ სხვა ისეთ სამკურნალო საშუალებებს, რომლებიც ურთიერთქმედებაში შედიან ფლუოქსეტინთან, აუცილებელია პრეპარატის დოზის შემცირება ან მიღებებს შორის ინტერვალის გაზრდა.
• პრეპარატის თვითნებურად შეწყვეტამდე კონსულტაციისათვის მიმართეთ ექიმს.

თუ დაგავიწყდათ დოზის მიღება
თუ დაგავიწყდათ პმს-ფლუოქსეტინის დოზა, მიიღეთ როგორც კი გაგახსნედებათ. შემდეგი დოზა კი ჩვეულებრივი რეჟიმით მიიღეთ. დაუშვებელია დოზის გაორმაგება გამოტოვებული დოზის ასანაზღაურებლად.

გვერდითი მოვლენები
პაციენტების უმრავლესობაში გვერდითი ეფექტები საშუალო სირთულისაა და დროებითია. თუმცა იშვიათ შემთხვევებში შესაძლებელია სერიოზული შემთხვევებიც აღინიშნოს. ზოგიერთი გვერდითი ეფექტი შესაძლებელია გამოწვეული იყოს დოზით. გვერდითი ეფექტების გამოვლენის შემთხვევაში მიმართეთ ექიმს, რადგან შესაძლებელია საჭირო გახდეს დოზის დარეგულირება.
თუ შენიშნავთ ალერგიულ რეაქციებს (გამონაყარი კანზე, შეშუპება, სუნთქვის გართულება) ან სხვა მწვავე ან უჩვეულო გვერდით ეფექტებს მაშინვე შეწყვიტეთ პრეპარატის მიღება და დაუყოვნებლივ მიმართეთ მკურნალ ექიმს.
პმს-ფლუოქსეტინის ყველაზე მეტად გავრცელებული გვერდითი ეფექტებია:
გულისრევა, თავბრუსხვევა, თავის ტკივილი, აღლვება, ნერვიულობა, ძილიანობა, უძილობა, დაღლილობა, სისუსტე, ფაღარათი, მუცლის არევა, პირის სიმშრალე, მადის დაკარგვა, ჭარბი ოფლიანობა
ძილიანობის გამოვლენის შემთხვევაში დაუშვებელია ტრანსპორტის მართვა ან სხვა მექანიზმების გამოყენება.
ფსიქიატრიული დარღვევები შესაძლებელია დაკავშირებული იყოს სექსუალური აქტივობის დაქვეითებასთან, პრეპარატმაც აგრეთვე შესაძლებელია გავლენა მოახდინოს მასზე.

პრეპარატის შეწყვეტასთან დაკავშირებული სიმპტომები
პრეპარატის შეწყვეტამდე ან დოზის შემცირებამდე კონსულტაციისათვის მიმართეთ ექიმს. პმს-ფლუოქსეტინის შეწყვეტის შემდეგ შესაძლებელია განვითარდეს შემდეგი სიმპტომები: თავის ტკივილი, უძილობა, პარესთეზია (გაშეშების, კანკალის, წვის ან ჩხვლეტის შეგრძნება), ნერვიულობა, აღელვება, გულისრევა, ოფლიანობა, თავბრუსხვევა, კანკალი და სისუსტე და სხვა სიმპტომები. აღნიშნული სიმპტომები ქრება მკურნალობის გარეშე. თუ გამოგივლინდათ რომელიმე სიმპტომი აცნობეთ ექიმს. შესაძლებელია საჭირო გახდეს დოზის კორექტირება სიმპტომების შემცირების მიზნით.

უკუჩვენება
pms-ფლუოქსეტინი არ გამოიყენოთ:
• ექიმის დანიშნულების გარეშე.
• თუ გაქვთ მომატებული მგრძნობელობა პრეპარატის კომპონენტების მიმარათ
• ამჟამად ღებულობთ ან ბოლო პერიოდში მიგიღიათ თიორიდაზინი;
• ამჟამად ღებულობთ ან ბოლო პერიოდში მიგიღიათ მონოამინოქსიდაზას ინჰიბიტორებს (მაგ: ფენელზინის სულფატი, მოკლობემიდი).

ორსულობა და ლაქტაცია
• ორსულობის პერიოდში მისი გამოყენება შესაძლებელია მესამე ტრიმესტრში მხოლოდ მაშინ, როდესაც სარგებელი დედისთვის აჭარბებს ნაყოფზე უარყოფითი ზემოქმედების პოტენციურ რისკს.
• ლაქტაციის პერიოდში აუცილებელია პრეპარატის მიღების შეწყვეტა.

განსაკუთრებული მითითებები
პრეპარატის მიღებისას აუცილებელია ექიმის მუდმივი მეთვალყურეობა პმს-ფლუოქსეტინი არ გმოიყენება 18 წლამდე ასაკის მოზარდებში.
მკურნალობის პირველი რამდენიმე კვირის განმავლობაში ან პრეპარატის დოზის კორექტირებისას შესაძლებელია პაციენტმა გაუმჯობესების მაგივრად უარესად იგრძნოს თავი: (განიცადოს აღელვების უჩვეულო შეგრძნება, უარყოფითი ემოციები, იმპულსური ან შემაშფოთებელი აზრები, როგორიც არის საკუთარი თავის ან სხვებისათვის ზიანის მიყენება). ამ შემთხვევაში დაუყოვნებლივ მიმართეთ ექიმს, არ შეწყვიტოთ პრეპარატის მიღება თვითნებურად.

სხვა წამლებთან ურთიერთქმედება
არ გამოიყენოთ pms-ფლუოქსეტინი თუ ღებულობთ ან ბოლო პერიოდში მიგიღიათ მაო-ს ინჰიბიტორები ან თიორიდაზინი.
უნდა აცნობოთ ექიმს თუ ღებულობთ ან ბოლო პერიოდში მიგიღიათ სხვა (რეცეპტით, ურეცეპტოთ გაცემული ან ბუნებრივი/მცენარეული) მედიკამენტი, განსაკუთრებით: • სხვა ანტიდეპრესანტები, როგორიც არის სეროტონინის უკუმიტაცების სელექციური ინჰიბიტორები, ტრიციკლური პრეპარატები, რომლებიც გამოიყენება შიზოფრენიის, ბიპოლარული დეპრესიის სამკურნალოდ (მაგ: ლითიუმი);
• პრეპარატები, რომლებმაც შესაძლებელია გავლენა მოახდინონ სისხლის შედედებაზე და გააძლიეროს სისხლდენა, პრეპარატები, რომლებიც გამოიყენება სისხლის გასათხელებლად (ანტიკოაგულანტები, ვარფარინი), ასევე აცეტილსალიცილის მჟავა (ასპირინი) და ანთების საწინააღმდეგო სხვა არასტეროიდული პრეპარატები
• გარკვეული პრეპარატები, რომლებიც გამოიყენება არარეგულარული გულისცემის დროს;
• დიაბეტის სამკურნალო გარკვეული პრეპარატები;
• პრეპარატები, რომლებიც გავლენას ახდენენ სეროტონინზე, როგორიც არის ლითიუმი, ლინეზოლიდი, ტრამადოლი, პრეპარატები, რომლებიც შეიცავენ ტრიპტოფანს, ტრიპტანებს, რაც გამოიყენება შაკიკის სამკურნალოდ;
• სედატიური საშუალებები, როგორიც არის ბენზოდიაზეპინები.
ისევე როგორც სხვა პრეპარატების შემთხვევაში, რომლებიც პირდაპირ მოქმედებენ ტვინზე პმს-ფლუოქსეტინით მკურნალობის დროსაც ალკოჰოლის მიღება უნდა შეიზღუდოს.

შენახვის პირობები და ვადები
პრეპარატი ინახება ოთახის ტემპერატურაზე, მშრალ, სინათლისაგან დაცულ ადგილზე. ბავშვებისათვის მიუწვდომელ ადგილზე.

გამოშვების ფორმა: 20მგ კაფსულა #500

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: Pharma science, კანადა

გაფრთხილება

Share this...Share on Facebook
Facebook