ზიფორი (ნატუროპათი)

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): მეტფორმინი, გლიკლაზიდი /metformin, gliclazide

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი: პერორალური ჰიპოგლიკემიური საშუალებები

შემადგენლობა:
თითოეული შემოუგარსავი ტაბლეტი შეიცავს:
მეტფორმინის ჰიდროქლორიდი BP………………500 მგ
გლიკლაზიდი BP………….……………………80 მგ
დამხმარე ნივთიერებები…………………………Q.S.

დამხმარე ნივთიერებები
მიკროკრისტალური ცელულოზა, სიმინდის სახამებელი, ნატრიუმის კროსკარმელოზა, პოვიდონი (PVP K 30), კოლოიდური უწყლო სილიციუმი, მაგნიუმის სტეარატი

ღწერა:
თეთრი ფერის შემოუგარსავი ტაბლეტები
თერაპიული კატეგორია
გლიკლაზიდი ამცირებს სისხლში გლუკოზის დონეს ინსულინის სეკრეციის და პერიფერული ინსულინის რეზისტენტობის კორექციის მეშვეობით.
მეტფორმინს გააჩნია ანტიჰიპერგლიკემიური მოქმედება ღვიძლის და პერიფერული ქსოვილების ინსულინის მიმართ მგრძნობელობის გაუმჯობესების გზით.

ფარმაკოკინეტიკა
გლიკლაზიდის ერთჯერადი პერორალური დოზა 40-120მგ იწვევს Cmax -ის 2.2-8მგ/ლ 2-8 სთ-ში. წონასწორული მდგომარეობის კონცენტრაციები მიიღწევა 40-120მგ გლიკლაზიდის მიღებიდან 2 დღეში.
გლიკლაზიდის მიღება საკვებთან ერთად ამცირებს Cmax და აყოვნებს Tmax. დისტრიბუციის მოცულობა მცირეა ცილებთან ძლიერი კავშირის გამო (85-97%). გლიკლაზიდის ნახევარგამოყოფის პერიოდი მერყეობს 8.1-20.5 სთ-ს შორის ერთჯერადი პერორალური დოზის მიღების შემდეგ. გლიკლაზიდი ჭარბად მეტაბოლიზდება 7 მეტაბოლიტად უპირატესად შარდში გამოყოფით, ძირითადია კარბოქსილის მჟავას წარმოებული; დოზის 60-70% გამოიყოფა შარდში და 10-20% ფეკალიებში.
მეტფორმინს გააჩნია აბსოლუტური პერორალური ბიოშეღწევადობა 50-60%. კუჭ-ნაწლავის ტრაქტში შეწოვა სრულია 6 სთ-ის განმავლობაში და იგი სწრაფად ვრცელდება ორგანიზმში აბსორბციის შემდეგ. მეტფორმინის თირკმლისმიერი ელიმინაცია ორფაზიანია. აბსორბირებული მეტფორმინის 95% ელიმინირდება ნელი ტერმინალური ელიმინაციის ფაზის დროს საშუალო ნახევარგამოყოფის პერიოდით 20სთ. მეტფორმინი არ უკავშირდება პლაზმურ ცილებს, 40-60% გამოიყოფა უცვლელი პრეპაპრატის სახით შარდში ხოლო დანარჩენი 30% უცვლელად ფეკალიებში.

ფარმაკოდინამიკა
გლიკლაზიდი ამცირებს სისხლში გლუკოზის დონეს ინსულინის დარღვეული სეკრეციის და პერიფერული ინსულინის რეზისტენტობის კორექციის საშუალებით. რაც ხორციელდება K+ არხების დახურვით პანკრეასის ბეტა უჯრედებში. შედეგად, Ca 2+ არხი იხსნება, რაც იწვევს უჯრედშიდა კალციუმის ზრდას და ინსულინის გამოყოფის ინდუცირებას. გლიკლაზიდი ასევე ზრდის ბეტა-უჯრედების მგრძნობელობას გლუკოზის მიმართ. გლიკლაზიდი აღადგენს პერიფერული ინსულინის მგრძნობელობას, როგორიცაა ღვიძლში გლუკოზის წარმოების შემცირება და გლუკოზის კლირენსის მომატება. მას გააჩნია ანტითრომბული, ადჰეზიური მოქმედება და ამცირებს თავისუფალი რადიკალების დონებს, რის შედეგადაც ხელს უშლის ვასკულარულ გართულებებს. გლიკლაზიდი ამცირებს პლაზმური ქოლესტერინის და ტრიგლიცერიდის დონეს განმეროებითი მიღების შემდეგ.
მეტფორმინი მოქმედებს ანტიჰიპერგლიკემიური საშუალების სახით ღვიძლის და პერიფერული ქსოვილების მგრძნობელობის გაუმჯობესებით ინსულინის მიმართ. მას ასევე გააჩნია დადებითი ეფექტი შრატში ცხიმების დონეებზე და ფიბრინოლიზურ მოქმედებაზე. მეტფორმინის თერაპია არ ასოცირდება სხეულის წონის მატებასთან.

ჩვენებები
არაინსულინდამოკიდებული შაქრიანი დიაბეტი; დიაბეტი მოზრდილებში სიმსუქნით ან მის გარეშე.

უკუჩვენებები
ინსულინდამოკიდებული შაქრიანი დიაბეტი, თირკმლის ან ღვიძლის უკმარისობა, ალკოჰოლიზმი, NIDDM გართულებული მწვავე კეტოზის და აციდოზის მიერ, დიაბეტური პრეკომა და კომა, პაციენტები ქირურგიული ოპერაციის დროს, მწვავე ტრავმის შემდეგ ან ინფექციების დროს, ფილტვის ქრონიკული ობსტრუქციული დაავადება, გულის კორონარული დაავადება, გულის უკმარისობა, პერიფერული ვასკულარული დაავადება, ორსულობა, რომელიმე ნივთიერების მიმართ ცნობილი მომატებული ჰიპერმგრძნობელობა.

გვერდითი მოვლენები
კუჭ-ნაწლავის ტრაქტის მხრივ – გულისრევა, დიარეა, კუჭის ტკივილი, ყაბზობა, ღებინება, მეტალის გემო პირში.
დერმატოლოგიური  – გამონაყარი, პრურიტი, ჭინჭრის ციება, ერითემა და ჰიპერემია.
სხვადსხვა -თავის ტკივილი და თავბრუსხვევა.
გლიკლაზიდი ასოცირდება ჰიპოგლიკემიის განვითარების დაბალ ინტენსივობასთან. გლიკლაზიდს შესაძლოა გააჩნდეს პოტენციალი გამოიწვიოს გვერდითი ეფექტები გულსიხსლძარღვთა მხრივ, თუმცა, როგორც დადგინდა, გლიკლაზიდი  წარმოადგენმდა NIDDM -ის სამკურნლაო საშუალებას მრავალი წლის განმავლობაში გულსისხლძარღვთა მხრივ გვერდითი მოვლენების განვითარების გარეშე. კუჭ-ნაწლავიდან B12 ვიტამინის და ფოლის მჟავას შეწოვის დარღვევა ასოცირდება მეტფორმინის ხანგრძლივ თერაპიასთან.

ურთიერთქმედება სხვა პრეპარატებთან
შარდმდენებმა, ბარბიტურატებმა, ფენიტოინმა, რიფამპიცინმა, კორტიკოსტეროიდებმა, ესტროგენებმა, ესტროპროგესტერონებმა და სუფთა პროგესტოგენებმა შესაძლოა შეამცირონ გლიკემიური კონტროლი.  ჰიპოგლიკემიური მოქმედება შესაძლებელია გაძლიერდეს სალიცილატების, ფენილბუტაზონის, სულფონამიდების, ბეტა-ბლოკატორების, კლოფიბრული მჟავას, K ვიტამინის ანტაგონისტის, ალოპურინოლის, თეოფილინის, კოფეინის და მონოამინ ოქსიდაზას ინიჰიბიტორების მიერ. მიკონაზოლთან, პერჰექსილინთან ან ციმეიტიდინთან ერთად მიღებისას შესაძლებელია ჰიპოგლიკემიის განვითარება. ისეთი პრეპარატების  გლიკლიაზიდთან ერთად გამოყენება, რომლებიც ზრდიან სისხლში გლუკოზის დონეს დაუშვებელია სისხლში გლუკოზის დონის სათანადო მინოტრინგის გარეშე ჰიპოგლიკემიის თავიდან ასაცილებლად. აკარბოზა და გუარის ფისი მნიშვნელოვნად ამცირებენ მეტფორმინის ბიოშეღწევადობას.

გაფრთხილებები და სიფრთხილის ზომები
გაფრთხილებები
ჰიპოგლიკემიის განვითარება შესაძლებელია არასათანადო კვების ან შემთხვევითი ან განზრახ დოზის გადაჭარბების ან ძლიერი ფიზიკური დატვირთვის, ტრავმის და სტრესის შემთხვევაში. ჰიპოგლიკემიის სიმპტომების შემცირება შესაძლებელია დიაბეტური კვების რეჟიმის მეშვეობით. საჭიროა დაუყოვნებლივი ინტერვენცია ჰიპოგლიკემიის ნიშნების და სიმპტომების გამოვლენისას.
სიფრთხილის ზომები:
კომბინაციის დოზის კორექცია უნდა მოხდეს სისხლის და შარდში გლუკოზას დონეების მიხედვით პირველი რამოდენიმე თვის განმავლობაში. თუმცა, ადგილი ჰქონდა ლაქტაციდოზის განვითარების რამოდენიმე შემთხვევას თირკმლის ან ღვიძლის დაავადების მქონე პაციენტებში.
გამოყენება პედიატრიაში
უსაფრთხოება და ეფექტურობა ბავშვებში არ დადგენილა

ორსულობა და ლაქტაცია
ორსულობა
უკუნაჩვენებია.
ლაქტაცია
დოზირება
1-2 ტაბლეტი დღეში ერთხელ ან ორჯერ ჭამის დროს; მაქსიმუმ 4 ტაბლეტი დღეში.

ჭარბი დოზირება
ჭარბი დოზირების შემთხვევაში შესაძლებელია ჰიპოგლიკემიის განვითარება. ჭარბი დოზირებისას უნდა ჩატარდეს კუჭის ამორეცხვა და ჰიპოგლიკემიის კორექცია ინტრავენური ჰიპერტონული გლუკოზის (10 ან 30%) მიღებით, პაციენტის სისხლში გლუკოზის დონის უწყვეტი მონიტორინგით.

მიღების წესი
ტაბლეტი მიიღება მთლიანად წყლის მიყოლებით..

ვარგისიანობის ვადა 24 თვე

შენახვის პირობები
ინახება არაუმეტეს 30°C ტემპერატურაზე. დაიცავით სინათლისა და ნესტისგან.
შეინახეთ ბავშვებისთვის მიუწვდომელ ადგილას.

გამოშვების ფორმა: ტაბლეტი #30

გაცემის რეჟიმი: III ჯგუფი (ურეცეპტოდ)

მწარმოებელი კომპანია: ratnamani healthcare pvt. ltd, ინდოეთი

გაფრთხილება

Share this...Share on Facebook
Facebook