გაბაპენტინი / GABAPENTIN

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

გაბაპენტინი / GABAPENTIN-ის  საერთაშორისო დასახელება (აქტიური ნივთიერება): გაბაპენტინი /gabapentin

გაბაპენტინი / GABAPENTIN-ის  კლინიკურ-ფარმაკოლოგიური ჯგუფი: ანტიეპილეფსიური საშუალებები


გაბაპენტინი / GABAPENTIN აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა
პრეპარატი გაბაპენტინი კაფსულები, USP 300მგ (GABAPENTIN CAPSULES, USP 300 მგ) აქტიური ნივთიერების სახით შეიცავს გაბაპენტინს.
ჩვენებები
ნეიროპათიული ტკივილის მკურნალობა 18 წელზე უფროსი ასაკის პაციენტებში;
პარციალური კრუნჩხვები მეორადი გენერალიზაციით და მის გარეშე მოზრდილებში და 12 წელზე უფროსი ასაკის ბავშვებში მონოთერაპიის სახით;
პარციალური კრუნჩხვები მეორადი გენერალიზაციით და მის გარეშე მოზრდილებში და 3 წელზე უფროსი ასაკის ბავშვებში დამატებითი საშუალების სახით.
მიღების წესები და დოზები
ინდივიდუალური, ჩვენებისა და მკურნალობის სქემის მიხედვით.
პრეპარატის მიღება არ არის დამოკიდებული საკვების მიღებაზე.
ნეიროპათიული ტკივილის დროს: საწყისი დოზა – 900მგ/დღ გაყოფილი სამ მიღებაზე. აუცილებლობის შემთხვევაში დოზას თანდათანობით ზრდიან მაქსიმალურამდე – 3.6გ/დღ.
პარციალური კრუნჩხვების დროს მოზრდილებში და 12 წელზე უფროსი ასაკის ბავსვებში ეფექტური დოზა შეადგენს 900მგ-დან 3.6გ-მდე დღეში.
გვერდითი მოვლენები
ცნს-ისა და პერიფერიული ნერვული სისტემის მხრივ: ამნეზია, ატაქსია, მოძრაობის კოორდინაციის დარღვევა, დეპრესია, თავბრუსხვევა, ძილიანობა, ტრემორი, პარესთეზია, კრუნჩხვები, რეფლექსების შესუსტება ან გაძლიერება. საჭმლის მომნელებელი სისტემის მხრივ: კბილების შეფერილობის ცვლილება, დიარეა, მადის მომატება, პირის სიმშრალე, გულისრევა, ღებინება, მეტეორიზმი, ანორექსია, გინგივიტი, პანკრეატიტი.
სისხლმბადი სისტემის მხრივ: ლეიკოპენია, თრომბოციტოპენიური პურპურა.
სასუნთქი სისტემის მხრივ: რინიტი, ფარინგიტი, ხველა, პნევმონია.
ძვალ-კუნთოვანი სისტემის მხრივ: მიალგია, ართრალგია, ძვლების მოტეხილობა.
გულ-სისხლძარღვთა სისტემის მხრივ: არტერიული ჰიპერტენზია, ვაზოდილატაციის გამოვლინება.
შარდგამომყოფი სისტემის მხრივ: საშარდე გზების ინფექციები, შარდის შეუკავებლობა.
ალერგიული რეაქციები: მულტიფორმული ერითემა, სტივენს-ჯონსონის სინდრომი.
დერმატოლოგიური რეაქციები: კანის მაცერაცია, აკნე, ქავილი, გამონაყარი.
სხვადასხვა: პერიფერიული შეშუპება, დაღლილობა, იმპოტენცია, ასთენია, სხეულის მასის მომატება, გრიპის მაგვარი სინდრომი, სისხლში გლუკოზის დონის მერყეობა, ბავშვებში – ვირუსული ინფექცია, შუა ოტიტი.
უკუჩვენება
– 3 წლამდე ასაკი;
– მომატებული მგრძნობელობა გაბაპენტინის მიმართ
ორსულობა და ლაქტაცია
ორსულობის და ლაქტაციის დროს გაბაპენტინი ინიშნება მხოლოდ მაშინ, როდესაც მოსალოდნელი სარგებელი დედისთვის ჭარბობს შესაძლო რისკს ნაყოფისთვის ან ჩვილისთვის.
განსაკუთრებული მითითებები
პრეპარატის მიღების უეცარმა შეწყვეტამ პარციალური კრუნჩხვების მქონე პაციენტებში შესაძლოა გამოიწვიოს კრუნჩხვითი სტატუსის პროვოცირება. აუცილებლობის შემთხვევაში გაბაპენტინი უნდა მოიხსნას თანდათანობით, არანაკლებ 1 კვირის განმავლობაში.
თირკმლის ფუნქციის დარღვევებისას, ასევე ასაკოვან პაციენტებში საჭიროა დოზირების რეჟიმის კორექტირება.
მკურნალობის დროს აკრძალულია ალკოჰოლის მიღება.
პრეპარატის მიღებისას სასურველია პაციენტმა თავი შეიკავოს ისეთი სამუშაოს შესრულებისგან, რომელიც მოითხოვს ყურადღების მომატებულ კონცენტრაციასა და სწრაფ ფსიქომოტორულ რეაქციას.
ანტაციდებთან პრეპარატის ერთდროული გამოყენებისას მცირდება გაბაპენტინის შეწოვა კუჭ-ნაწლავის ტრაქტიდან.
შენახვის პირობები და ვადები
ინახება 20-25°С ტემპერატურაზე.
გამოშვების ფორმა: 300მგ კაფსულა №500
გაცემის რეჟიმი: I ჯგუფი (გაიცემა ფორმა N2 რეცეპტით)
მწარმოებელი: InvaGen Pharmaceuticals Inc. აშშ

გაფრთხილება

Share this...Share on Facebook
Facebook