დიანორმი MR / dianorm MR

  • თურმანიძის მალამოები

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

დიანორმი MR / dianorm MR-ის საერთაშორისო დასახელება (აქტიური ნივთიერება): გლიკლაზიდი/gliclazide

დიანორმი MR / dianorm MR-ის კლინიკურ-ფარმაკოლოგიური ჯგუფი: პერორალური ჰიპოგლიკემიური საშუალებები. სულფონილშარდოვანას წარმოებულები


დიანორმი MR / dianorm MR აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა
დიანორმი MR-ის მოდიფიცირებული გამოთავისუფლების ერთი ტაბლეტი შეიცავს აქტიური ნივთიერების – გლიკლაზიდის 60 მგ-ს.
დამხმარე ნივთიერებები: ჰიპრომელოზა K4 MCR, ჰიპრომელოზა 5CPC,  მანიტოლი, მალტოდექსტრინი, მაგნიუმის სტეარატი, სილიციუმის დიოქსიდი.

მოქმედების მექანიზმი
II თაობის პერორალური ჰიპოგლიკემიური საშუალება (სულფონილშარდოვანას წარმოებული).
დიანორმ MR პანკრეასის ბეტა-უჯრედების მიერ ინსულინის გამომუშავების სტიმულაციის გზით სისხლში ამცირებს გლუკოზის დონეს.
ინსულინდამოუკიდებელი შაქრიანი დიაბეტით დაავადებულ პაციენტებში დიანორმ MR აღადგენს ინსულინის სეკრეციის ადრეულ პიკს და აძლიერებს ინსულინის სეკრეციის მეორე ფაზას. ინსულინის გამომუშავების მნიშვნელოვანი გაძლიერება აღინიშნება საკვების მიღების ან გლუკოზის შეყვანის საპასუხოდ.
დიანორმ MR აძლიერებს პერიფერიული ქსოვილების მგრძნობელობას ინსულინის მიმართ და ასტიმულირებს უჯრედშიგა ფერმენტების (მათ შორის გლიკოგენ-სინთეტაზას) აქტივობას.
დიანორმ MR ნახშირწყლების ცვლაზე ზემოქმედებასთან ერთად გავლენას ახდენს მიკროცირკულაციაზეც. ამცირებს მიკროთრომბოზის განვითარების რისკს, რაც თრომბოციტების ადჰეზიისა და აგრეგაციის ინჰიბირებით და თრომბოციტების აქტივაციის ფაქტორების კონცენტრაციის შემცირებით მიიღწევა. ასევე, აძლიერებს სისხლძარღვთა ენდოთელიუმის ფიბრინოლიზურ და ქსოვილოვანი აქტივატორის – პლაზმინოგენის აქტივობას.
გლიკლაზიდი ხასიათდება ანტიოქსიდანტური და ანტიათეროგენული მოქმედებით.

ფარმაკოკინეტიკა
პრეპარატის მიღების შემდეგ გლიკლაზიდი მთლიანად აბსორბირდება კუჭ-ნაწლავის ტრაქტიდან, სისხლში Cmax მიიღწევა დაახლოებით 6-12 სთ-ში. პლაზმის ცილებს უკავშირდება 95%. გლიკლაზიდი მეტაბოლიზდება ღვიძლში. გამოიყოფა ძირითადად თირკმლების საშუალებით, T1/2 – 16 სთ.

ჩვენება
ინსულინდამოუკიდებელი შაქრიანი დიაბეტი (II ტიპის), დიეტოთერაპიასა და ფიზიკურ დატვირთვასთან ერთად, როცა ეს უკანასკნელნი არაეფექტურია.
უკუჩვენება
– ინსულინდამოკიდებული შაქრიანი დიაბეტი (I ტიპის);
– დიაბეტური კეტოაციდოზი;
– დიაბეტური პრეკომა და კომა;
– ღვიძლისა და თირკმლების ფუნქციათა მძიმე დარღვევები;
– ორსულობისა და ლაქტაციის პერიოდი;
– მიკონაზოლთან ერთდროული გამოყენება;
– პრეპარატის კომპონენტებისადმი ან სულფონილშარდოვანას წარმოებულებისადმი მომატებული მგრძნობელობა.

უსაფრთხოების ზომები
დიანორმ MR-ის დანიშვნისას პაციენტმა მკაცრად უნდა დაიცვას კვების რეჟიმი, ექიმის მიერ დანიშნული დიეტა, პრეპარატის დოზა და მიღების წესი, ასევე პერიოდულად ჩაიტაროს სისხლის და შარდის ანალიზი გლუკოზის შემცველობაზე.
დიანორმ MR-ის დანიშვნისას საჭიროა პაციენტის ინფორმირება ჰიპოგლიკემიის განვითარების რისკის, მისი სიმპტომების, მკურნალობის და ჰიპოგლიკემიის ხელშემწყობი ფაქტორების შესახებ.
ჰიპოგლიკემიის განვითარების რისკი იზრდება ხანდაზმულ ასაკში, პაციენტებში საერთო სისუსტით ან რომლებიც მუდმივად ვერ იღებენ საკმარის კალორიულ საკვებს, თირკმელზედა ჯირკვლისა და ჰიპოფიზის უკმარისობის ან გადაჭარბებული ფიზიკური დატვირთვის დროს, ალკოჰოლის ან რამდენიმე ჰიპოგლიკემიური საშუალების ერთდროულად გამოყენებისას.
ინფექციური დაავადებების, ტრავმებისა და ქირურგიული ჩარევების დროს საჭიროა დიანორმ MR-ის მოხსნა და ინსულინის დანიშვნა.
დიანორმ MR-ისა და გლიკლაზიდის ფარმაკოკინეტიკაზე მოქმედი პრეპარატების ერთდროული გამოყენებისას პაციენტებმა მუდმივად უნდა აკონტროლონ სისხლში გლუკოზის დონე.
დიანორმ MR-თან ერთად დასაშვებია ბიგუანიდების, ალფა-გლუკოზიდაზის ინჰიბიტორების ან ინსულინის დანიშვნა.
დიანორმ MR-თან ერთად დაუშვებელია ალკოჰოლის და ეთანოლის შემცველი პრეპარატების მიღება.

ავტომობილისა და სხვა მექანიკური საშუალებების მართვაზე გავლენა
მანქანის ან სხვა მექანიზმების მართვის დროს გასათვალისწინებელია ჰიპოგლიკემიის განვითარების საშიშროება.

დოზის გადაჭარბება
სიმპტომები: ჰიპოგლიკემია.
მკურნალობა: ჰიპოგლიკემიის ზომიერი სიმპტომების კორექტირება ხდება ნახშირწყლების მიღებით, დოზის ცვლილებით ან დიეტის შეცვლით. ჰიპოგლიკემიური კომის დროს საჭიროა დაუყოვნებლივ 50 მლ გლუკოზის კონცენტრირებული (40%) ხსნარის ინტრავენური შეყვანა, შემდეგ 5% განზავებული ხსნარით სისხლში გლუკოზის საჭირო დონის შენარჩუნება და 48 საათის მანძილზე მუდმივი კონტროლი.

ორსულობა და ლაქტაციის პერიოდი
ორსულობისა და ლაქტაციის პერიოდში პრეპარატის მიღება უკუნაჩვენებია.

სხვა სამკურნალო საშუალებებთან ურთიერთქმედება
გლიკლაზიდისა და მიკონაზოლის (სისტემური გამოყენების) ერთდროული დანიშვნა უკუნაჩვენებია.
ფენილბუტაზონი, ეთანოლის შემცველი პრეპარატები დიანორმ Mღ-თან ერთდროული დანიშვნისას აძლიერებენ მის ჰიპოგლიკემიურ მოქმედებას.
ბეტა-ადრენობლოკატორები დიანორმ Mღ-თან ერთდროულად დანიშვნისას ნიღბავენ ჰიპოგლიკემიის სიმპტომებს (ტაქიკარდია, გულისცემის გაძლიერება) და აძლიერებენ ჰიპოგლიკემიის გამოვლინების სიხშირესა და სიმძიმეს.
ფლუკონაზოლი ზრდის ჰიპოგლიკემიის განვითარების რისკს.
დანაზოლი ამცირებს გლიკლაზიდის ეფექტურობას.
გლუკოკორტიკოსტეროიდები (სისტემური, გარეგანი და ადგილობრივი მოქმედების), ტეტრაკოზაკტიდი, რიტოდრინი, სალბუტამოლი, ტერბუტალინი (ინტრავენური) სისხლში ზრდიან გლუკოზის დონეს.
პროგესტოგენების დიდი დოზის გამოყენებისას გასათვალისწინებელია დიაბეტოგენური ეფექტი.

დოზირება და მიღების წესი
დიანორმ MR ინიშნება მხოლოდ მოზრდილებში.
პრეპარატის დღიური დოზა დასაშვებია მერყეობდეს 30-120 მგ-ის (1/2 – 2 ტაბლეტი) ფარგლებში. მაქსიმალური დღიური დოზა 120 მგ-ია. პრეპარატი ინიშნება დღეში ერთხელ საუზმის დროს. ტაბლეტის ნახევარი ან მთლიანი ტაბლეტი უნდა გადაიყლაპოს მთლიანად, დაღეჭვის ან დაფხვნის გარეშე.
რეკომენდებული საწყისი დოზა შეადგენს 30 მგ-ს (1/2 ტაბლეტი). დოზის შერჩევა ხდება სისხლში გლუკოზის მუდმივი კონტროლის ფონზე. ასევე, დოზის ნებისმიერი ცვლილება უნდა მოხდეს თანდათანობით, 1 თვიანი ინტერვალის დაცვით, გარდა იმ შემთხვევებისა, როცა სისხლში გლუკოზის დონის შემცირება არ აღინიშნება 2 კვირის განმავლობაში. ასეთ შემთხვევაში დოზის გაზრდა დასაშვებია 2 კვიარიანი მკურნალობის შემდეგ.
შემანარჩუნებელი თერაპიის დროს შერჩეული დოზის ყოველდღიური მიღება უზრუნველყოფს სისხლში გლუკოზის დონის ეფექტურ კონტროლს.
დოზის გამოტოვების შემთხვევაში დაუშვებელია შემდეგი დოზის გაზრდა.
არანამკურნალებ პაციენტებში პრეპარატის საწყისი დოზა 30 მგ-ია, შემდგომში დოზირება ხდება ინდივიდუალურად საკმარისი თერაპიული ეფექტის მიღწევამდე.
სხვა ჰიპოგლიკემიური საშუალებიდან დიანორმ Mღ-ზე გადასვლა არ მოითხოვს გარდამავალ პერიოდს. ხანგრძლივი ნახევარგამოყოფის სულფონილშარდოვანას წარმოებულებიდან დიანორმ MR-ზე გადასვლისას, ჰიპოგლიკემიის თავიდან აცილების მიზნით, 1-2 კვირის განმავლობაში საჭიროა სისხლში გლუკოზის დონის კონტროლი.
საჭიროების შემთხვევაში დასაშვებია დიანორმ Mღ-ის კომბინაცია ბიგუანიდებთან, ალფა-გლუკოზიდაზას ინჰიბიტორებთან და ინსულინთან. ამ შემთხვევაში აუცილებელია მუდმივი სამედიცინო დაკვირვება და კონტროლი.
ასაკოვან პაციენტებში (65 წელზე მეტი) პრეპარატის დოზირების რეჟიმი არ განსხვავდება 65 წლამდე ასაკის პაციენტებისგან.
პაციენტებში თირკმლის მსუბუქი და საშუალო უკმარისობით დოზირების რეჟიმი ისეთივეა, როგორც თირკმლის ნორმალური ფუნქციის პაცინტებში, მხოლოდ საჭიროებენ მუდმივ დაკვირვებას.
ჰიპოგლიკემიის განვითარების რისკის ჯგუფის პაციენტებში პრეპარატის საწყისი დოზაა 30 მგ/დღეში.
პაციენტებში სისხლძარღვების მძიმე დაავადებებით (გულის იშემიური დაავადება, კორონარული სისხლძარღვების მძიმე პათოლოგიები, სისხლძარღების დიფუზური დაავადებები) რეკომენდებულია მინიმალური საწყისი დოზა 30 მგ/დღეში.

გვერდითი მოვლენები
ენდოკრინული სისტემის მხრივ: შესაძლებელია ჰიპოგლიკემია;
საჭმლის მომნელებელი სისტემის მხრივ: ძალიან იშვიათად – გულისრევა, ღებინება, მუცლის ტკივილი, ყაბზობა ან დიარეა (როგორც წესი შექცევადი), ღვიძლის ფერმენტების აქტივობის მატება;
სისხლმბადი სისტემის მხრივ: ერთეულ შემთხვევაში – თრომბოციტოპენია, აგრანულოციტოზი ან ლეიკოპენია, ანემია (ჩვეულებისამებრ შექცევადი);
ალერგიული რეაქციები: ქავილი, ჭინჭრის ციება, მაკულო-პაპულოზური გამონაყარი.
აღნიშნული სიმპტომები პრეპარატის მოხსნის შემდეგ, როგორც წესი, ქრება.

ვარგისობა და შენახვის პირობები
პრეპარატის ვარგისობის ვადა – 2 წელი.
ინახება არა უმეტეს 25°C ტემპერატურაზე.
ინახება ბავშვებისათვის ხელმიუწვდომელ ადგილზე!

გამოშვების ფორმა: 60მგ მოდიფიცირებული გამოთავისუფლების ტაბლეტი №30
გაცემის რეჟიმი: II ჯგუფი (გაიცემა ფორმა N3 რეცეპტით)
მწარმოებელი: VALPHARMA INTERNATIONAL, იტალია

გაფრთხილება

Share this...Share on Facebook
Facebook