კაფსიკამი პლასტირი / KAPSIKAM

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ტკივილგამაყუჩებელი პლასტირი კაფსიკამი®
კუნთებისა და სახსრების ქრონიკული ტკივილისას
გამოსაყენებლად მოსახერხებელი, ორმაგი მოქმედება
გამაგრილებელი და გამათბობელი ეფექტი

განსაკუთრებული თვისებები
ჰიდროგელურ ტკივილგამაყუჩებელ პლასტირ კაფსიკამს® აქვს ორმაგი მოქმედება – მას აქვს გამაგრილებელი და გამათბობელი ეფექტი, რომელიც მოქმედებს კანის ღრმა ფენებზე, ხსნის ტკივილს სხეულში. პლასტირის ზემოქმედება ხელს უწყობს სისხლის მიმოქცევას დაზიანებულ არეში და ეხმარება ტკივილის სწრაფ შემცირებაში. მისი ეფექტი ნარჩუნდება დიდი ხნის განმავლობაში გამოყენებიდან რამდენიმე წუთში. ტკივილგამაყუჩებელი პლასტირი კაფსიკამი® არ შეიცავს შეჩვევის გამომწვევ ნივთიერებებს. იგი უსაფრთხოა და შედგება ნატურალური ნივთიერებების ნარევისგან, არის გამოსაყენებლად მოსახერხებელი და მსუბუქი სხეულის ნებისმიერ ნაწილზე გამოყენებისას. მისი მოშორება ადვილია და არ ტოვებს წებოვან კვალს. გამოიყენება ნებისმიერი სახის ტკივილის დროს, მათ შორის, მისი გამოყენება შესაძლებელია, როგორც სპორტის მოყვარულებს, ასევე, პროფესიონალ სპორტსმენებს შორის.

ჩვენება  
ამცირებს ნებისმიერი სახის ტკივილს, მათ შორის, მხრებისა და კისრის გაბუჟებას, წელის არეში რადიკულარულ ტკივილს, ტკივილს ზურგის არეში, მისი გამოყენება შესაძლებელია სხვადასხვა სახის დაჟეჟილობისას, მყესების დაჭიმვისას, აგრეთვე, სახსრებისა და კუნთოვანი ქსოვილის ტკივილისას, აგრეთვე, ინსტრუქციაში მითითებულ სხვა შემთხვევებში.
შემადგენლობა
ვანილილბუტილის ეთერი, ეთილნიკოტინატი, ევკალიპტის ზეთი, არნიკის ექსტრაქტი.

გამოყენება
პლასტირს უნდა მოშორდეს გამჭვირვალე ფირფიტა და მიეწებოს სხეულის მტკივნეულ ნაწილზე, კანზე ხელის მიჭერით (იხ. შეფუთვის სურათი).

შენახვა
ინახება გრილ, მშრალ ადგილას ოთახის ტემპერატურაზე ჰაერგაუმტარ შეფუთვაში.
ინახება ბავშვებისთვის მიუწვდომელ ადგილას.
შეფუთვის გახსნის შემდეგ დარჩენილი პლასტირები ინახება ჰერმეტულად დახურულ ფოლგის შეკვრაში, გამოშრობისგან დასაცავად.


გაფრთხილება

მხოლოდ გარეგანი გამოყენებისთვის. პლასტირი არ გამოიყენება თვალის, პირის ირგვლივ, ტუჩებზე, ლორწოვან გარსებზე, ჭრილობებსა და კანის გაღიზიანებულ უბნებზე. პლასტირი არ უნდა იქნას გამოყენებული იმ შემთხვევაში, თუ ადრე გამოყენებისას გამოხატულ იქნა გვერდითი მოვლენები პლასტირში შემავალი კომპონენტების მიმართ. დაუყოვნებლივ უნდა შეწყდეს პლასტირის გამოყენება, თუ კანზე წარმოიქმნა რაიმე სახის გვერდითი მოვლენა, მათ შორის, გამონაყარი, ქავილი, სიწითლე და ა. შ. გვერდითი მოვლენებისა ან ალერგიული რეაქციების წარმოშობის შემთხვევაში, უნდა მიმართოთ ექიმს. სამკურნალწამლო და სამედიცინო ნაწარმის, ან კოსმეტიკური საშუალებების გამოყენებისას ორსულ ქალებში, მეძუძურ დედებსა და ალერგიული რეაქციების მქონე ადამიანებში (როგორიცაა გამონაყარი, ქავილი, სიწითლე და სხვ.), პლასტირის გამოყენებამდე კონსულტაციისთვის უნდა მიემართოს ექიმს.
ბავშვებში პროდუქტი გამოიყენება მხოლოდ უფროსების დაკვირვების ქვეშ.
კომპანია პასუხს არ აგებს პლასტირის უყურადღებობით გამოყენებისას წარმოქმნილი უბედური შემთხვევის დროს.
გამოშვების ფორმა: ტკივილგამაყუჩებელი პლასტირი #12
გაცემის რეჟიმი: III ჯგუფი (ურეცეპტოდ)
მწარმოებელი კომპანია: WOOSHIN LABOTTACH, კორეა

გაფრთხილება

Share this...Share on Facebook
Facebook