ლაქტოფილტრუმი

ლაქტოფილტრუმი. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.


♦ ლაქტოფილტრუმი აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>


საერთაშორისო დასახელება (აქტიური ნივთიერება): ლაქტულოზა, ლიგნინი ჰიდროლიზური /  lactulose, hydrolyzed lignin

კლინიკურ-ფარმაკოლოგიური ჯგუფი: ენტეროსორბენტი.

ათქკოდი:  A07BC.

1 ტაბლეტის შემადგენლობა:
ჰიდროლიზური ლიგნინი
(მშრალ ნივთიერებაზე გაანგარიშებით) 355 მგ
ლაქტულოზა (100% ნივთიერებაზე გააგარიშებით) 120 მგ
დამხმარე ნივთიერებები:
ნატრიუმის კროსკარმელოზა 20 მგ
მაგნიუმის სტეარატი 5 მგ
მიკროკრისტალური ცელულოზა 550 მგ
მასის ტაბლეტის მიღებამდე

ფარმაკოლოგიური თვისებები: 
პრეპარატის ფარმაკოლოგიური მოქმედება განპირობებულია მასში შემავალი აქტიური კომპონენტების – ლიგნინის და ლაქტულოზას თვისებებით.
ჰიდროლიზური ლიგნინი – ბუნებრივი ენტეროსორბენტი, რომელიც შედგება მერქნის კომპონენტების ჰიდროლიზის პროდუქტებისგან, გააჩნია მაღალი ადსორბციული აქტივობა და არასპეციფიკური დეზინტოქსიკაციური მოქმედება. ნაწლავში ბოჭავს პათოგენურ ბაქტერიებს და ბაქტერიულ ტოქსინებს, სამკურნალო პრეპარატებს, მძიმე მეტალების მარილებს, ალკოჰოლს, ალერგენებს, ასევე ნივთიერებათა ცვლის ზოგიერთი პროდუქტის სიჭარბეს, მათ შორის ბილირუბინს, ქოლესტერინს, ჰისტამინს, სეროტონინს, შარდოვანას, სხვა ენდოგენური ტოქსიკოზის გამომწვევ მეტაბოლიტებს, და ხელს უწყობს მათ გამოდევნას ორგანიზმიდან.
არ არის ტოქსიკური, არ შეიწოვება, მთლიანად გამოიყოფა ნაწლავიდან 24 საათის განმავლობაში.
ლაქტულოზა წარმოადგენს სინთეზურ დისაქარიდს, რომლის მოლეკულა შედგება გალაქტოზას და ფრუქტოზას ნარჩენებისგან. ლაქტულოზა არ შეიწოვება და არ ჰიდროლიზდება კუჭსა და ნაწლავის ზედა ნაწილში. ტაბლეტიდან გამოთავისუფლებული ლაქტულოზა მსხვილ ნაწლავში სუბსტრატის სახის ფერმენტირდება ნაწლავის ნორმალური მიკროფლორით, ახდენს რა ბიფიდობაქტერიების და ლაქტობაცილების ზრდის სტიმულირებას. ლაქტულოზას ჰიდროლიზის შედეგად მსხვილ ნაწლავში წარმოიქმნება ორგანული მჟავები – რძემჟავა, ძმარმჟავა და ჭიანჭველამჟავა, რომლებიც თრგუნავენ პათოგენური მიკროორგანიზმების ზრდას და ამცირებენ აზოტის შემცველ ტოქსიკური ნივთიერებების პროდუქციას. აღნიშნული პროცესი იწვევს მსხვილი ნაწლავის სანათურში ოსმოსური წნევის ზრდას და პერისტალტიკის სტიმულირებას.

პრეპარატის კომპლექსური მოქმედება მიმართულია მსხვილ ნაწლავში ნორმალური მიკრობიოცენოზის აღდგენასა და ენდოგენური ტოქსიკური მდგომარეობების ინტენსივობის დაქვეითებისკენ.
პრეპარატის გამოყენება ბაქტერიული ვაგინოზის (საშოს დისბიოზის) კომპლექსურ თერაპიაში იწვევს თერაპიის ეფექტურობის ზრდას, მათ შორის საშოში ლაქტობაცილების რაოდენობის ზრდას, ასევე პირობით-პატოგენური ფლორის ეფექტურ დათრგუნვას.

გამოყენების ჩვენებები:
ნაწლავის მიკროფლორის დარღვევა (ნაწლავის დისბაქტერიოზი), მათ შორის ანტიბიოტიკოთერაპიით გამოწვეული; გაღიზიანებული ნაწლავის სინდრომის, ალერგიული დაავადებების (ატოპიური დერმატიტი, ჭინჭრის ციება), ბაქტერიული ვაგინოზის (საშოს დისბიოზი) კომპლექსური თერაპიის შემადგენლობაში.

უკუჩვენებები
პრეპარატის ინდივიდუალური აუტანლობა, ნაწლავთა გაუვალობა, სისხლდენა კუჭ-ნაწლავიდან, გალაქტოზემია. არასასურველია პრეპარატის გამოყენება კუჭისა და 12-გოჯა ნაწლავის წყლულოვანი დაავადების გამწვავების, ნაწლავთა ატონიის დროს.

გამოყენების წესი და დოზირება:
შიგნით, საჭიროების შემთხვევაში ტაბლეტის წინასწარ დაფხვნის შემდეგ, წყლის დაყოლებით, ერთი საათით ადრე ჭამამდე და სხვა სამკურნალო საშუალებების მიღებამდე.
ნაწლავთა დისბაქტერიოზის დროს:
– მოზრდილებსა და 12 წელზე მეტი ასაკის ბავშვებში – 2-3 ტაბლეტი 3-ჯერ დღეში,
– 8-დან – 12 წლამდე ასაკის ბავშვებში – 1-2 ტაბლეტი 3-ჯერ დღეში,
– 3-დან – 7 წლამდე ასაკის ბავშვებში – 1 ტაბლეტი 3-ჯერ დღეში,
– 1-დან – 3 წლამდე ასაკის ბავშვებში – 1/2 ტაბლეტი 3-ჯერ დღეში.
ბაქტერიული ვაგინოზის (საშოს დისბიოზის) დროს:
2 ტაბლეტი 3 ჯერ დღეში.
მკურნალობის კურსის საშუალო ხანგრძლივობა – 2-3 კვირა.
პრეპარატის ხანგრძლივი გამოყენება და განმეორებითი კურსების ჩატარება უნდა მოხდეს მხოლოდ ექიმის რეკომენდაციით.

გვერდითი მოქმედება
შესაძლებელია ალერგიული რეაქციები პრეპარატის კომპონენტების მიმართ, იშვიათად – დიარეა, მეტეორიზმი.

ჭარბი დოზირება
სიმპტომები: შეკრულობა, ტკივილი მუცლის არეში.
მკურნალობა: პრეპარატის გამოყენების შეწყვეტა.

ურთიერთქმედება სამკურნალო საშუალებებთან:
ერთდროულად შიგნით მიღებისას შესაძლებელია სხვა სამკურნალო პრეპარატების ეფექტის დაქვეითება.

განსაკუთრებული მითითებები
პრეპარატი შეიძლება გამოყენებული იქნას კომპლექსურ თერაპიაში სხვა სამკურნალო პრეპარატებთან ერთად ცალკე მიღების წესის დაცვის შემთხვევაში.

ვარგისობის ვადა
3 წელი. ნუ გამოიყენებთ პრეპარატს ვარგისიანობის ვადის გასვლის შემდეგ.

შენახვის პირობები
ინახება სინათლისაგან და სინოტივისაგან დაცულ ადგილას, არა უმეტეს 30ºჩ ტემპერატურაზე.
ინახება ბავშვებისათვის მიუწვდომელ ადგილას.

გამოშვების ფორმა: 355მგ + 120მგ ტაბლეტი №60

გაცემის რეჟიმი: III ჯგუფი (ურეცეპტოდ)

მწარმოებელი: AVVA RUS. რუსეთი

გაფრთხილება

Share this...Share on Facebook
Facebook