პმს-ვალაციკლოვირი

პმს-ვალაციკლოვირი. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.


♦ პმს-ვალაციკლოვირი აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>


საერთაშორისო დასახელება (აქტიური ნივთიერება): ვალაციკლოვირი/valaciclovir

კლინიკურ-ფარმაკოლოგიური ჯგუფი: ანტივირუსული საშუალებები

შემადგენლობა
პრეპარატი პმს-ვალაციკლოვირი (pms-VALACYCLOVIR) აქტიური ნივთიერების სახით შეიცავს ვალაციკლოვირის ჰიდროქლორიდს

ჩვენებები
შემომსალტველი ლიქენის (Herpes zoster) მკურნალობა და პროფილაქტიკა;
1 და 2 ტიპის მარტივი ჰერპესის ვირუსით (Herpes simplex) გამოწვეული კანისა და ლორწოვანი გარსის ინფექციების მკურნალობა და პროფილაქტიკა;
ციტომეგალოვირუსული ინფექციის პროფილაქტიკა.

მიღების წესები და დოზები
შემომსალტველი ლიქენით (Herpes zoster) გამოწვეული ინფექციური დაავადებების მკურნალობისას ჩვეულებრივ ინიშნება 1გ (2კაპლეტი) სამჯერ დღეში, 7 დღის განმავლობაში.
თირკმლის ფუნქციის მძიმე დარღვევების მქონე პაციენტებში საჭიროა დოზირების რეჟიმის კორექტირება.

გვერდითი მოვლენები
• გულისრევა, დისკომფორტის შეგრძნება, მუცლის ტკივილი, ღებინება, დიარეა, ანორექსია, იშვიათად – ღვიძლის სინჯის მაჩვენებლების ტრანზიტორული გაზრდა;
• თავის ტკივილი, დაღლილობა, თავბრუსხვევა, ჰალუცინაციები; იშვიათად – აზროვნების დარღვევა, ცალკეულ შემთხვევებში – კომა;
• ალერგიული რეაქციები: იშვიათად – ქავილი, გამონაყარი, ანგიონევროტული შეშუპება, ანაფილაქსია;
• იშვიათად – თრომბოციტოპენია, ქლოშინი, თირკმლის ფუნქციის დარღვევა, ფოტოსენსიბილიზაცია.

უკუჩვენება
მომატებული მგრძნობელობა ვალაციკლოვირის, აციკლოვირის მიმართ.

ორსულობა და ლაქტაცია
ორსულობისა და ლაქტაციის პერიოდში პმს-ვალაციკლოვირის გამოყენება დასაშვებია მაშინ, როცა მოსალოდნელი სარგებელი დედისთვის აღემატება პოტენციურ რისკს ნაყოფისა და ჩვილისთვის.

განსაკუთრებული მითითებები
ხანდაზმულ პაციენტებში მკურნალობის პერიოდში აუცილებელი მოხმარებული სითხის რაოდენობის გაზრდა.
თირკმლის უკმარისობის მქონე პაციენტებში იზრდება ნევროლოგიური გართულებების რისკი პმს-ვალაციკლოვირის გამოყენებისას.
სიფრთხილით ინიშნება ღვიძლის დაავადებების მქონე პაციენტებში.
ბავშვებში პრეპარატის გამოყენების კლინიკური გამოცდილება არ არსებობს.

სხვა წამლებთან ურთიერთქმედება
pms-ვალაციკლოვირის ერთდროულმა გამოყენებამ ციკლოსპორინთან, ტაკროლიმუსთან შესაძლოა თირკმლის ფუნქციის გაუარესება გამოიწვიოს.

შენახვის პირობები და ვადები
ინახება ოთახის ტემპერატურაზე (15-30C°), სინათლისაგან დაცულ ადგილზე.
არ გამოიყენოთ ვადის გასვლის შემდეგ.

გამოშვების ფორმა: 500მგ კაფსულა #100

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: Pharma science, კანადა

გაფრთხილება

Azerbaijani Azerbaijani English English Georgian Georgian