რესპირო

რესპირო. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.


♦ რესპირო აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>


საერთაშორისო დასახელება (აქტიური ნივთიერება): სალმეტეროლი, ფლუტიკაზონი/ salmeterol, fluticasone propionate

კლინიკურ-ფარმაკოლოგიური ჯგუფი: β2 ადრენორეცეპტორების შერჩევითი აგონისტისა და გლუკოკორტიკოსტეროიდის შემცველი საშუალება

ფარმაკოლოგიური მოქმედება
რესპირო არის კომბინირებული ბრონქოდილატატორი (შეიცავს სალმეტეროლს და ფლუტიკაზონს). სალმეტეროლი – ხანგრძლივი მოქმედების β2 ადრენორეცეპტორების შერჩევითი აგონისტია (12 საათი). სალმეტეროლის მოლეკულას აქვს გრძელი ჯაჭვი, რომელიც უკავშირდება რეცეპტორის გარე ნაწილს. თავისი ფარმაკოლოგიური თვისებების გამო, სალმეტეროლი უფრო ეფექტურია ჰისტამინინდუცირებული ბრონქოსპაზმის საპრევენციოდ, იწვევს უფრო ხანგრძლივ ბრონქოდილატაციას სხვა ჩვეულებრივი ხანმოკლე მოქმედების β2-ადრენორეცეპტორების აგონისტებისგან განსხვავებით. ეფექტურად და ხანგრძლივად თრგუნავს ფილტვის ქსოვილში პოხიერი უჯრედების მედიატორების(ჰისტამინი,ლეიკოტრიენები, PgD2)
გამოყოფას. თრგუნავს ალერგიულ რეაქციებს ადრეულ და მოგვიანებით ეტაპზე. ერთჯერადი დოზის მიღების შემდეგ მცირდება ბრონქული ჰიპერრეაქტიულობა, მოგვიანებითი სტადიის დათრგუნვა გრძელდება 30 საათი,მას შემდეგ როცა ბრონქოდილატაციური ეფექტი უკვე არ აღინიშნება.ფლუტიკაზონი – ადგილობრივი მოქმედების კორტიკოსტეროიდია. ინჰალაციური მიღებისას აქვს გამოხატული ანთების საწინააღმდეგო მოქმედება. სასუნთქი გზების ობსტრუქციისას ამცირებს დაავადების სიმპტომებს და გამწვავების სიხშირეს. საინჰალაციო ფლუტიკაზონის მაქსიმალური დოზით მიღებისას თირკმელზედა ჯირკვლის დღიური და სარეზერვო სეკრეცია,როგორც ბავშვებში ასევე მოზრდილებში რჩება ნორმის ფარგლებში. თირკმელზედა ჯირკვლის სარეზერვო ფუნქციის შემცირება მკურნალობის შემდგომ შეიძლება ხანგრძლივად შენარჩუნდეს.

ჩვენებები
ბრონქო-ობსტრუქციული დაავადება (პაციენტებში, რომლებიც იტარებენ შემანარჩუნებელ მკურნალობას ხანგრძლივი მოქმედების β2~ადრენორეცეპტორების აგონისტებით და საინჰალაციო გლუკოკორტიკოსტეროიდებით; მუდმივი მკურნალობის ფონზე დაავადების სიმპტომების შენარჩუნებისას; ბრონქოდილატატორების ხანგრძლივი გამოყენებისას, როდესაც ნაჩვენებია გკს-ით მკურნალობა).

უკუჩვენება
ჰიპერმგრძნობელობა, 4 წლამდე ბავშვთა ასაკი.

დოზირება
რესპირო გამოიყენება ინჰალაციურად. პრეპარატის საწყის დოზას განსაზღვრავენ ფლუტიკაზონის დოზის მიხედვით,რომელიც რეკომენდირებულია დაავადების მოცემული სიმძიმის დროს. შემდგომ საწყისი დოზა თანდათან უნდა შემცირდეს მინიმალურ ეფექტურ დოზამდე.
მოზრდილებში და 12 წლის ზევით მოზარდებში-
2 შესხურება (25 მკგ სალმეტეროლი და 125 მკგ ფლუტიკაზონი) 2-ჯერ დღეში.

სხვა პრეპარატებთან ურთიერთქმედება
ბეტა-ადრენობლოკატორები ამცირებენ CYP3A4 ფერმენტის ინჰიბიტორების (მათ შორის, კეტოკონაზოლი, რიტონავირი) ეფექტურობას.ზრდიან ფლუტიკაზონის კონცენტრაციას პლაზმაში.

განსაკუთრებული მითითებები
პრეპარატი განკუთვნილია გრძელვადიანი მკურნალობისთვის და დაავადების გამწვავების საპრევენციოდ და არა შეტევების კუპირებისთვის (გამოიყენება ხანმოკლე მოქმედების ინჰალაციური ბრონქოდილატატორები)..
პრეპარატი გამოიყენება რეგულარულად სიმპტომების მოხსნის მიუხედავად.
ხანმოკლე მოქმედების ბრონქოდილატატორების საჭიროების გაზრდა მიუთითებს დაავადების მიმდინარეობის გაუარესებაზე.
არ არის რეკომენდირებული მკურნალობის უეცარი შეწყვეტა.
ნებისმიერი საინჰალაციო გკს-ის ხანგრძლივი გამოყენებისას (განსაკუთრებით მაღალი დოზებით) შეიძლება განვითარდეს სისტემური ეფექტი. მნიშვნელოვანია, რომ თერაპიული ეფექტის მიღწევის შემდეგ საინჰალაციო გკს-ს დოზა შემცირდეს მინიმალურ ეფექტურ დოზამდე, სისტემური გვერდითი მოვლენების თავიდან აცილების მიზნით.
მიზანშეწონილია ბავშვებში ზრდის დინამიკის რეგულარული მონიტორინგი თუ ისინი ხანგრძლივად ღებულობენ საინჰალაციო კორტიკოსტეროიდებს.

შენახვის პირობები
შეინახეთ ოთახის ტემპერატურაზე, 25°C ქვემოთ.
მოარიდეთ  მზის პირდაპირ სხივებს. არ გაყინოთ.

გამოიყენეთ ვარგისიანობის ვადის შესაბამისად
არ გამოიყენოთ ეტიკეტზე ან შეფუთვაზე მითითებული ვარგისობის ვადის ამოურვის შემდეგ.

გამოშვების ფორმა: (25მკგ + 125მკგ)/დოზა 120 დოზა საინჰალაციო აეროზოლი (სუსპენზია), მეტალის კონტეინერი №1 მადოზირებელი სარქველით აქტივატორთან ერთად

გაცემის რეჟიმი: II ჯგუფი (გაიცემა ფორმა N3 რეცეპტით)
მწარმოებელი: DEVA Holding, თურქეთი

გაფრთხილება

Azerbaijani Azerbaijani English English Georgian Georgian