[print_thumbnail_slider]

მკურნალობა უცხოეთში

პოზიტრონულ-ემისიური ტომოგრაფია – PET/CT (Positron emission tomography-computed tomography) ონკოლოგიური დაავადებების დიაგნოსტიკის უახლესი ტექნოლოგიაა, რომელიც დაფუძნებულია რადიოფარმპრეპარატების გამოყენებაზე. მეთოდი გამოიყენება ქსოვილებისა და ორგანოების არა ანატომიური თავისებურებების, არამედ მათი  ფუნქციური აქტივობის შესასწავლად; სხვაგვარად მას „ფუნქციურ ტომოგრაფიასაც“ უწოდებენ. Read the rest of this entry »

გამოკვლევის რადიონუკლიდური (რადიოიზოტოპური) მეთოდი დაფუძნებულია რადიოაქტიური იზოტოპების და მონიშნული შენაერთების გამოსხივების რეგისტრაციის მეთოდზე. აღნიშნული ნაერთები შეყავთ ავადმყოფის ორგანზმში, რის შემდეგაც მონიშნული ნივთიერება ნაწილდება მთელ სხეულში ორგანოებისა და სისტემების ფუნქციონირების მიხედვით. რეგისტრირდება რა ორგანიზმში გადანაწილება. გადადგილება, გარდაქმნა და  გამოყოფა რადიოაქტიური ინდიკატორების მეშვეობით, ექიმს საშუალება ეძლევა შეაფასოს შესაბამისი უბნები და ბიოქიმიური და ფიზიოლოგიურ პროცესების მიმდინარეობა. Read the rest of this entry »

თავის ტვინის მაგნიტურ – რეზონანსული ტომოგრაფია

თავის ტვინის მაგნიტურ – რეზონანსული ტომოგრაფია ტარდება თავის ტკივილის ისეთი სახიფათო მიზეზის აღმოსაჩენად, როგორიცაა თავის ტვინის სიმსივნეები, კეროვანი წარმონაქმნები, ლიქვორული სისტემის მდგომარეობის დარღვევები, ანთებითი და დემიელინიზირებადი  ცვლილებები. განსაკუთრებული მნიშვნელობა ენიჭება თავის ტვინის მაგნიტურ – რეზონანსული ტომოგრაფიას  ონკოლოგიაში, თავის ტვინის პირველადი სიმსივნეები  და მეტასტაზების გამოვლენისათვის. Read the rest of this entry »

 თავის ტვინის კომპიუტერული ტომოგრაფია

თავის ტვინის კომპიუტერული ტომოგრაფია წარმოადგენს  კვლევის არაინვაზიურ მეთოდს თავის ტვინის, თავის ტვინის სისხლძარღვების და ასევე ქალას ძვლების  სხვადასხვა პათოლოგიური მდგომარეობების დიაგნოსტირებისათვის. 

თავის ტვინის კომპიუტერული ტომოგრაფია  ხშირად გამოიყენება ისეთი სიმპტომების მიზეზის აღმოსაჩენად, როგორიცაა თავის ტკივილი, ზოგადი სისუსტე, კრუნჩხვები, თავბრუსხვევა, ცნობიერების არევა. Read the rest of this entry »

რენტგენოლოგიური გამოკვლევა

რენტგენოლოგიური გამოკვლევა ერთერთი საკმაოდ ინფორმატიული მეთოდია მედიცინაში, რომელიც გამოიყენება მთელი რიგი დაავადებების დიაგნოსტირებისათვის. რენტგენოლოგიური გამოკვლევისას გამოიყენება რენტგენის სხივები, რომელიც ქსოვილებში გავლისას სხვადასხვა ხარისხით შთაინთქმება და მიიღება გამოსახულება სპეციალურ ეკრანზე (რენტგენოსკოპია) ან რენტგენოგრაფიულ (რენტგენოგრაფია) ფირზე.

რენტგენოლოგიური გამოკვლევისას ბუნებრივი კონტრასტულობის წყალობით სპეციალური მომზადების გარეშე შესაძლებელია მოხდეს ძვლების, სახსრების, ფილტვების, გულისა და ზოგიერთი სხვა ორგანოს გამოკვლევა, თუმცა ისეთი ორგანოების (კუჭი, ღვიძლი, თირკმლები, სისხლძარღვები) გამოსაკვლევად, რომელთა ბუნებრივი კონტრასტულობა არაა საკმარისი, მიმართავენ ხელოვნურ კონტრასტულობას: ორგანიზმში შეყავთ რენტგენოკონტრასტული ნივთიერება, რომელიც უფრო ძლიერად (ბარიუმის სულფატი) ან სუსტად (აირი) შთანთქავს რენტგენის სხივებს, ვიდრე გამოსაკვლევი ორგანო, რის შედეგადაც მიიღება კონსტრასტული გამოსახულება. რენტგენოკონტრასტული ნივთიერების შეყვანა ხდება შინაგანად კუჭის გამოკვლევისას, სისხლძარღვოვან კალაპოტში, მაგ. უროგრაფიის დროს ან უშუალოდ ღრუში და პარენქიმულ ორგანოში, მაგ. ჰაიმოროგრაფია, ბრონქოგრაფია, ჰეპატოგრაფია. ოპტიმალური მეთოდის შერჩევა დამოკიდებულია გამოსაკვლევ ორგანოსა და კონკრეტულ დიაგნოსტიკურ ამოცანაზე.

რენტგენოლოგიური გამოკვლევის უკუჩვენებები

რენტგენოლოგიური გამოკვლევის ნებისმიერი მეთოდის (რენტგენოგრაფია, რენტგენოსკოპია, ფლუოროგრაფია, კომპიუტერული ტომოგრაფია) დროს გამოიყენება მაიონიზირებელი რენტგენის სხივები, რომელიც (მიუხედავად იმისა, რომ თანამედროვე რენტგენოლოგიურ აპარატებში გამოიყენება გამოსახულების მიღების ციფრული ტექნოლოგია და გამოსხივების მინიმალური დოზა), ახდენს არასასურველ გავლენას ორგანიზმზე, რაც განპირობებულია რენტგენის სხივების მავნე ზემოქმედებით გენეტიკურ მასალაზე, დნმ-ზე. განსაკუთრებით მგრძნობელობით გამირჩევა რენტგენის სხივების მიმართ სწრაფად გამრავლებადი უჯრედები.

განსაკუთრებით მგრძნობიარეა რენტგენოლოგიური დასხივებისადმი:

1. სასქესო ჯირკვლები – მაღალი დოზით დასხივებამ შესაძლოა გამოიწვიოს სტერილიზაცია
2. ძვლის ტვინი უჯრედები – ირღვევა სისხლწარმოქმნის  პროცესები
3. თვალის ბროლის უჯრედების  – ვითარდება სხივური კატარაქტა
4. კანის საფარველისა და შინაგანი ორგანოების ეპითელიუმი – ვითარდება ატროფიული პროცესები, რეგენერაციის დარღვევა ავთვისებიან გადაგვარებამდეც კი
5. ნაყოფის ქსოვილები და ორგანოები – იწვევს განვითარების ანომალიას, რის გამოც რენტგენოლოგიური გამოკვლევა უკუნაჩვენებია ორსულებისათვის, გარდა იმ გამონაკლისი შემთხვევებისა, როდესაც ორსულის სიცოცხლის გადარჩენაზეა საუბარი და სხვა ალტერნატიული მეთოდის გამოყენება არაა შესაძლებელი
6. ორგანოები და ქსოვილები სქესობრივი მომწიფების ხანამდე, გარდა გამონაკლისი შემთხვევებისა (მოტეხილობა, პნევმონია  და ა.შ)
7. ორგანოები და ქსოვილები ინტენსიური ნივთიერებათა ცვლით (ფარისებრი და მკერდუკანა ჯირკვალი, სასქესო ორგანოები და სხვა)

გარდა ზემოთ აღნიშნულისა რენტგენოლოგიური გამოკვლევის უკუჩვენებები განისაზღვრება ავადმყოფის მდგომარეობით და კონკრეტული სპეციფიურ მეთოდით, მაგ. ბრონქოგრაფია უკუნაჩვენებია სასუნთქი გზების მწვავე ანთებითი პროცესის დროს.

გულმკერდის ორგანოების რენტგენოგრაფია
მუცლის ღრუს მიმოხილვითი რენტგენოგრაფია
ხერხემლის რენტგენოგრაფია
მამოგრაფია
ანგიოგრაფია
ცერებრული ანგიოგრაფია (საძილე, ხერხემლის არტერიების ანგიოგრაფია)
აორტოგრაფია (გულმკერდის და მუცლის აორტის ანგიოგრაფია)
ანგიოკარდიოგრაფია (გულის ღრუებისა და მაგისტრალური სისხლძარღვების ანგიოგრაფია)
ვენტრიკულოგრაფია (გულის ღრუების გამოკვლევა)
ანგიოპულმონოგრაფია (ფილტვის არტერიებისა და მისი ტოტების ანგიოგრაფია)
ბრონქიალური არტერიოგრაფია
თირკმლის არტერიო- და ვენოგრაფია
პერიფერიული არტერიოგრაფია
კავაგრაფია
კორონაროგრაფია

____________________________________________

    • ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
    • ფიტოთერაპია: იხილეთ კლინიკური და ემპირიული ფიტოთერაპია
    • ვის მივმართოთ – იხ. მედიკოსთა პერსონალური გვერდები
    • თემატურად მომიჯნავე სტატიები
    • საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
    • ლიტერატურა, წყაროები, გაფრთხილება

გაფრთხილება

  1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  3. Большая медицинская энциклопедия; Москва, издательство ,,Советская энциклопедия” – 1988
________________________________________
..

vaka