ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ყბისახლო აბსცესი – ჩირქოვანი ანთება დაშლის შემოსაზღვრული კერის წარმოქმნით ყბა – სახის მიდამოს ქსოვილებში. ეტიოლოგია. შერეული ფლორა, ძირითადად სტრეპტო – და სტაფილოკოკები. ინფექციის წყაროა ანთების მწვერვალახლო და პერიკორნეალური კერები და პაროდონტული ჯიბეები. პათოგენეზი დაკავშირებულია მიმდებარე რბილ ქსოვილებში ინფექციის გავრცელებასთან ლიმფური ან ვენური დინებით ან ძვლოვანი ქსოვილის რეზორბციით.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ფსიქიკური დაძაბულობა – (ფსიქოლოგია) ფსიქიკური მდგომარეობა, განპირობებული სუბიექტის მიერ მოვლენათა განვითარების უსიამოვნო განჭვრეტით. ფსიქიკური დაძაბულობა მიმდინარეობს საერთო დისკომფორტით, მღელვარებით, ზოგჯერ შიშით. თუმცა, განსხვავებით მღელვარებისაგან, თავის თავში მოიცავს სიტუაციის ფლობის მზაობას, მასში გარკვეულ მონაწილეობას. ფსიქიკური დაძაბულობის ხარისხი განისაზღვრება მრავალი ფაქტორებით, რომელთა შორის მნიშვნელოვანია მოტივაციის ძალა, სიტუაციის მნიშვნელოვნობა, მსგავსი