უკანა ხვრელის ნაპრალი – (ქირურგ.) – უვითარდებათ იმ პირებს, რომელთაც აწუხებთ ქრონიკული შეკრულობები, რაც განპირობებულია დეფეკაციის დროს, მკვრივი საკვების ან წვრილი უცხო სხეულების გასვლის დროს, ზედმეტად გაჭინთვით. არსებობს მწვავე და ქრონიკული. სიმპტომები, მკურნალობა. ტკივილები დეფეკაციის დროს და მის შემდეგ მცირე ხანს. გასინჯვით და თითით რექტალური გამოკვლევით ვლინდება სფინქტერის სპაზმი, ლორწოვანი გარსის, პატარა ზომის, ზოლისებრი დეფექტი
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი პერიოსტიტი – (ქირურგ.) ძვლისსაზრდელას ანთება, რომელიც ვითარდება ტრამვების, მიმდებარე ანთებითი კერიდან ინფექციის გადაცემის ან ჰემატოგენური გზით შორეული ანთებითი კერებიდან მისი (ინფექციის) გადატანის შედეგად. სიმპტომები, მიმდინარეობა. ტკივილები დაზიანებული ძვლის მიდამოში, რომლებიც ძლიერდება ამ უბანზე ზეწოლის შედეგად. გასინჯვით აღინიშნება შეშუპება, პალპაციით – ძვლის ზედაპირის ხორკლიანობა და მტკივნეულობა. რენტგენოგრამაზე მოჩანს