ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ღრძილები – – პირის ღრუს ლორწოვანი გარსის სქელი ფენა, რომელიც შედგება სისხლძარღვებით მდიდარი ბოჭკოვანი შემაერთებელი ქსოვილისაგან. აქვს მოწითალო ფერი და რბილი კონსისტენცია. კბილის ყელიდან დაწყებული ღრძილები ფარავს ყბების ალვეოლურ (კბილბუდეთა) კიდეებს და ვრცელდება კბილთაშუა სივრცეებში. წინ ღრძილები გადადის ტუჩების ლორწოვანაში, უკან ზემო ღრძილი – რბილი სასის ლორწოვააში,
ღვიძლის ცხიმოვანი დისტროფია – ზედმეტი რაოდენობის ცხიმის დაგროვება ღვიძლის პარენქიმის უჯრედებში. ეტიოლოგია, პათოგენეზი დაავადება დაკავშირებულია ზოგიერთ ინტოქსიკაციასთან (ქრონიკული ალკოჰოლიზმი), მეტაბოლურ დარღვევებთან შაქრიანი დიაბეტის დროს, არარაციონალურ კვებასთან ცილების და ლიპოტროპული უკმარისობის ფონზე, ქრონიკულ ინფექციებთან (ტუბერკულოზი). აგრეთვე ზოგიერთი მედიკამენტის მიღებასთან (მაგალითად კორტიკოსტეროიდები). სიმპტომები, მიმდინარეობა კლინიკურ მიმდინარეობაში, როგორც წესი, წამყვანია ღვიძლგარეთა დაზიანების სიმპტომები. თუმცა შემდგომში აღინიშნება ღვიძლის ზომების