ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ფილტვის ღეროს სარქვლების უკმარისობა – (insufficientia valvae trunci pulmonalis) ფილტვის ღეროს სარქვლის უუნარობა ეფექტური წინააღმდეგობა გაუწიოს გულის პარკუჭების დიასტოლის დროს სისხლის უკუმოძრაობას ფილტვის ღეროდან მარჯვენა პარკუჭში; განპირობებულია ნახევარმთვარისებრი სარქველების არასრული ჩაკეტვით ან პერფორაციით; კლინიკურად ვლინდება მარჯვენა პარკუჭის ჰიპერტროფიისა და დილატაციის სიმპტომებით, შეგუბებითი მოვლენებით სისხლის მიმოქცევის დიდ წრეში,
პერიფერიული ნერვული სისტემა – ნერვული სისტემის შემადგენელი ნაწილი, რომელიც უზრუნველყოფს კავშირს ცენტრალურ ნერვულ სისტემასა და სხეულის სხვადასხვა ნაწილებს შორის. მასში შედის ქალას და ზურგის ტვინის ნერვები, რომლებიც გამოდიან თავის ტვინის ღეროდან და ზურგის ტვინიდან და ქმნიან ნერვულ წნულებსა და პერიფერიულ ნერვებს. პერიფერიულ ნერვულ სისტემაში შედის აგრეთვე ზურგის ტვინის, ქალას და ვეგეტატიური განგლიები, რომლებიც წარმოადგენენ ცენტრალური