განმარტებითი ლექსიკონი ანთროპოზოონოზი – დაავადება,რომელიც გადაეცემა ადამიანს ცხოველისგან,ან პირიქით, ბუნებრივი კონტაქტის დროს.როგორც წესი,ეს დაავადება აღინიშნება ცხოველებში,მაგრამ ადამიანშიც შეიძლება განვითარდეს (მაგალითად,ლეპტოსპიროზი,ციმბირის წყლული და ცოფი).
ლეპტოსპიროზი leptospirosis ლეპტოსპიროზი – მწვავე ინფექციური დაავადება, რომლის გამომწვევია ლეპტოსპირების სხვადასხვა სახეობები. ხასიათდება ზოგადი ინტოქსიკაციით, ცხელებით, თირკმელების, ღვიძლის, ნერვული სისტემისა და კუნთების დაზიანებით. მძიმე ფორმების დროს ვითარდება თირკმლის მწვავე უკმარისობა, სიყვითლე და ჰემორაგიული სინდრომი. მიეკუთვნება ზოონოზებს ბუნებრივი კეროვნებით. ადამიანის დასნებოვნება ხდება დაბინძურებული წყალსატევებიდან, იშვიათად საკვები პროდუქტებიდან ან დაინფიცირებულ ცხოველებთან კონტაქტის დროს. ლეპტოსპიროზი – ეტიოლოგია, პათოგენეზი.