მცირე სასქესო ბაგეების სინექიები
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი მცირე სასქესო ბაგეების სინექიები – (გინეკ.) (მცირე სასქესო ბაგეების მიწებება), ან ბავშვებში მწებავი ვულვიტი. ვითარდება ნივთიერებათა ცვლის დარღვევის შედეგად. პერიოდულად ავადმყოფები უჩივიან შარდვის შენელებას, ხშირად მისი აღმოჩენა ხდება შემთხვევით, პროფილაქტიკური გასინჯვის დროს. მისი თვითნებურად განკურნება ხდება სქესობრივი მომწიფების დადგომისთანავე. უხეში შეხორცებითი პროცესის არსებობის შემთხვევაში ნაჩვენებია ოპერაციული ჩარევა.