მეტაქრომაზია
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი მეტაქრომაზია – (metachromasia ბერძნ.meta – შემდეგ და chroma – ფერი) ზოგიერთი უჯრედული სტრუქტურის შეღებვა არა იმ ფრად, რომელიც ახასიათებს გამოყენებულ საღებარს. მაგ., ლეიკოციტებისა და პოხიერი უჯრედების ბაზოფილური მარცვლოვანება ტოლუიდინის ლურჯით იღებება არა ლურჯად (საღებარის ფერი), არამედ მოწითალო – იისფრად. ამ შემთხვევებში ფერის შეცვლა დაკავშირებულია საღებარის მოლეკულების დეპოლიმერიზაციასთან.