ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი სპერმაცეტი – (სპერმა და ბერძნ. ketos – ზღვის დიდი ცხოველი), ცვილისებრი ნივთიერება, რომელსაც იღებენ კაშალოტის თავის ფიბროზული პარკიდან. შედგება პალმიტინმჟავასა და ცეტილის სპირტის რტული ეთერისაგან. სპერმაცეტი წყალში უხსნადი თეთრი ფირფიტისებრი კრისტალებია. კარგად იხსნება ეთერში, აცეტონში, ცხელ სპირტში. tდნ 53 – 54°C. იყენებენ კოსმეტიკაში კრემებისა და მალამოების დასამზადებლად.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი პირიდინი – 1. უსიამოვნო სუნის უფერო სითხე; იყენებენ სამკურნალო საშუალებების, ჰერბიციდების სინთეზში, ეთილის სპირტის დენატურირებისათვის, როგორც გამხსნელი. პირიდინის მრავალი წარმოებული წარმოადგენს ბიოლოგიურად აქტიურ ნაერთს, მაგ. პირიდოქსინი, ნიკოტინი, ნიკოტინის მჟავა და სხვ. 2. წყალში ხსნადი, უფერო კრისტალური ნივთიერება. ჰეტეროციკლური ნაერთია. შედის ნუკლეოტიდების, ვიტამინების და სხვა ბიოლოგიურად აქტიური ნივთიერებების