ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი სანგვინიკი – (ფსიქოლოგია) (ლათ. san – quis – სისხლი) სუბიექტი, რომელსაც გააჩნია ტემპერამენტის ოთხი ტიპიდან ერთ – ერთი, დამახასიათებელი მაღალი ფსიქიკური აქტივობით, ენერგიულობით, შრომისუნარიანობით, ცოცხალი და სწრაფი მოძრაობით, მიმიკის მრავალფეროვნებითა და სიმდიდრით, მეტყველების სწრაფი ტემპით. სანგვინიკს ახასიათებს შთაბეჭდილებათა სწრაფი ცვლა, გარემომცველ მოვლენებზე სწრაფი და ადვილი რეაგირება, თანაზიარობა.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი მართვის ფსიქოლოგია – 1. (ფსიქოლოგია) დარგი, რომელიც შეისწავლის მმართველობითი მოღვაწეობის ფსიქოლოგიურ კანონზომიერებებს. მართვის ფსიქოლოგიის ძირითადი ამოცანაა, ფსიქოლოგიური პირობებისა და მმართველობითი მოღვაწეობის თავისებურებების ანალიზი, მართვის სისტემის მუშაობის ეფექტურობისა და ხარისხის გაზრდის მიზნით. 2. ფსიქოლოგიის დარგი, რომელიც შეისწავლის ადამიანის ფსიქოლოგიურ შესაძლებლობებსა და თავისებურებებს შრომითი საქმიანობის პროცესში, შესაძლებლობას იძლევა მიზანმიმართულად