შაკიკისმიერი ნევრალგია
შაკიკისმიერი ნევრალგია migrainous neuralgia
შაკიკისმიერი ნევრალგია – მკვეთრი ტკივილის პაროქსიზმები საფეთქელ-ორბიტის მიდამოში, რომელიც მეორდება დღის განმავლობაში რამდენჯერმე. ეტიოლოგია, პათოგენეზი ცნობილი არ არის.
შაკიკისმიერი ნევრალგია – სიმპტომები, მიმდინარეობა. პროდრომული სიმპტომები არ აღინიშნება. იწყება ცალმხრივი ტკივილის შეტევებით ირადიაციით ყბაში, ყურში და კისერში, რომელიც წარმოიქმნება უეცრად და ასევე უეცრად გაივლის. ტკივილს თან ახლავს ცრემლდენა, რინორეა, ჰიპერსალივაცია; სახე ჰიპერემიულია, ავადმყოფები გრძნობენ სისხლის მოწოლას სხეულის ზედა ნახევრში.