სამედიცინო ინტერნეტ-ქსელი MedGeoNet

Posts Tagged ‘ციროზი’

ზოგადი ინფორმაცია

ესენციალე N. ESSENCIALE N. ჰეპატოპროტექტორების ჯგუფის სამკურნალო საშუალება. აქტიური ნივთიერება – comb. drug. მწარმოებელი ქვეყანა – გერმანია.

შემადგენლობა და გამოშვების ფორმა

გამოდის 300 მგ კაფსულების და 250 მგ/5 მლ საინიექციო ხსნარის ფორმით.

პრეპარატის გამოყენების ძირითადი მიმართულებებია

• ღვიძლის  დეგენერაცია ცხიმოვანი
• ღვიძლის  დეგენერაცია  დიაბეტით გამოწვეული
• ჰეპატიტი მწვავე
• ჰეპატიტი ქრონიკული
• ციროზი
• ღვიძლის უჯრედების ნეკროზი
• კომა ღვიძლისმიერი
• პრეკომა ღვიძლისმიერი
• ღვიძლის დაზიანება ტოქსიკური
• ტოქსიკოზი ორსულთა
• პოსტოპერაციული პერიოდი
• პრეოპერაციული პერიოდი
• ფსორიაზი
• რადიაციული სინდრომი

პრეპარატის საფირმო აღწერიდან

ფარმაკოლოგიური თვისებები
პრეპარატი უზრუნველყოფს მაღალენერგეტიკული ,,ესენციალური” ფოსფოლიპიდებით ღვიძლს, რომელშიც დარღვეულია მეტაბოლიური აქტივობა. ქიმიური სტრუქტურით ,,ესენციალური” ფოსფოლიპიდები იდეალურად თანხვდება ბუნებრივ ენდოგენურ ფოსფოლიპიდებს. ისინი უპირატესად აღწევენ ღვიძლის უჯრედების მემბრანებში.
,,ესენციალური” ფოსფოლიპიდები: აუმჯობესებენ ღვიძლის ფუნქციებს და ღვიძლის უჯრედების ფერმენტულ აქტივობას; ამცირებენ ღვიძლის ენერგეტიკული დანაკარგის დონეს; ხელს უწყობენ ღვიძლის უჯრედების რეგენერაციას; ნეიტრალურ ცხიმებსა და ქოლესტერინს გარდაქმნიან ისეთ ფორმებად, რომელთა მეტაბოლიზმი გაადვილებულია; ახდენენ ნაღვლის ფიზიკო-ქიმიური თვისებების სტაბილიზაციას.
ჩვენებები
- ღვიძლის ცხიმოვანი დეგენერაცია (აგრეთვე დიაბეტით გამოწვეული);
- მწვავე და ქრონიკული ჰეპატიტი, ციროზი, ღვიძლის უჯრედების ნეკროზი, ღვიძლისმიერი კომა და პრეკომა, ღვიძლის ტოქსიკური დაზიანება (მათ შორის ალკოჰოლით), ორსულთა ტოქსიკოზი;
- ოპერაციის წინა და ოპერაციის შემდგომი მკურნალობა (განსაკუთრებით ჰეპატობილიარული ზონის ოპერაციები), ფსორიაზი, რადიაციული სინდრომი.
მიღების წესები და დოზები
თუ არ არსებობს ექიმის განსაკუთრებული რეკომენდაცია, მაშინ პრეპარატი შეჰყავთ ინტრავენურად 1-2 ამპულა, მძიმე შემთხვევაში 2-4 ამპულა დღეში. 2 ამპულა შეიძლება შეყვანილი იქნეს ერთდროულად. თავი შეიკავეთ შერეული ინექციებისაგან. რეკომენდებულია წამლის პარენტერალური შეყვანა რაც შეიძლება მალე შეიცვალოს პერორალური ფორმით. თუ არ არსებობს ექიმის განსაკუთრებული რეკომენდაცია პერორალურად წამლის მიღების საწყისი დოზაა 2 კაფსულა 3-ჯერ დღეში, ხოლო შემანარჩუნებელი დოზა კი არის 1 კაფსულა 3-ჯერ დღეღამეში. კაფსულების მიღება ხდება საკვების მიღებისას, დაუღეჭავად, მცირე რაოდენობის წყალთან ერთად.
გვერდითი მოვლენები
პრეპარატის მომატებული დოზებით მკურნალობისას იშვიათად შეიძლება გამოვლინდეს კუჭ-ნაწლავის მოშლილობა (დიარეა).
უკუჩვენება
წამლის შემადგენელი რომელიმე ინგრედიენტის მიმართ მომატებული მგრძნობელობა. ვინაიდან აღნიშნული ხსნარი შეიცავს ბენზილის სპირტს, მისი გამოყენება არ შეიძლება ახალშობილებისა და დღენაკლული ბავშვების მკურნალობაში.
განსაკუთრებული მითითებები
გამოიყენეთ მხოლოდ გამჭირვალე ხსნარი. შეიყვანეთ ინტრავენურად ნელა.
სხვა წამლებთან ურთიერთქმედება
არ არის ცნობილი.
შენახვის პირობები და ვადები
პრეპარატი ინახება არაუმეტეს 8°C ტემპერატურაზე, ბავშვებისაგან დაცულ ადგილას.
ვარგისიანობის ვადა – 3 წელი.

Viewed 1202 times by 221 viewers

ზოგადი ინფორმაცია

კრეზამი 25000. KREZAM 25000. საჭმლის მომნელებელი ფერმენტების შემცველი პრეპარატების ჯგუფის სამკურნალო საშუალება. აქტიური ნივთიერება – პანკრეატინი. Pancreatin. მწარმოებელი ფირმა – შ.პ.ს. “ჯი-ემ-პი” (საქართველო).

შემადგენლობა და გამოშვების ფორმა

გამოდის 300მგ–იანი კაფსულის ფორმით. პრეპარატის ერთი კაფსულა შეიცავს 300 მგ პანკრეატინს, ფერმენტული აქტივობით: ლიპაზა 25000 ს.ე. (Ph. Eur.), ამილაზა 18000 ს.ე. (Ph. Eur.), პროტეაზა 1500 ს.ე. (Ph. Eur.). კაფსულა შეიცავს პანკრეატინს ნაწლავში ხსნადი მინიმიკროსფეროების სახით, რომელიც მდგრადია კუჭის წვენის მოქმედებისადმი.

აქტიური ნივთიერება

პანკრეატინი. Pancreatin. პანკრეატინს მიაკუთვნებენ ფერმენტების და ანტიფერმენტების ჯგუფს.

სინონიმები 

მეზიმ ფორტე 10000 (Mezym® forte 10000, Berlin -Chemie Menarini, გერმანია). ფერმენტინი (Fermentin, G P C, აშშ ), ფლატონი (FLATON, Bilim, თურქეთი).

ამავე  მოქმედ ნივთიერებას შეიცავენ

ენზინანი (Enzinan, Asfarm, რუმინეთი; pancreatine, papain, aloe vera), ენზიმინი (Enzymin, Avita, თურქეთი; pancreatine, simethicone).

პრეპარატის გამოყენების ძირითადი მიმართულებებია

• კუჭქვეშა ჯირკვლის ეგზოკრინული ფუნქციის უკმარისობა
• მუკოვისციდოზი
• პანკრეატიტი ქრონიკული
• პანკრეატექტომია
• სიმსივნე კუჭქვეშა ჯირკვლის
• ობსტრუქცია სადინარების, სიმსივნით განპირობებული  (მაგ.: კუჭქვეშა ჯირკვლის ან ნაღვლის საერთო სადინარის ობსტრუქცია)
• შვახმან-დაიმონდის სინდრომი
• ასაკოვანი პაციენტები
• საჭმლის მონელების პროცესის დარღვევა
• ქოლეცისტექტომიის (ნაღვლის ბუშტის ამოკვეთა) შემდგომი პერიოდი
• რეზექცია კუჭის, ნაწილობრივი  (ბილროტ-I/II)
• გასტრექტომია ტოტალური
• დუოდენოსტაზი
• გასტროსტაზი
• ობსტრუქცია ბილიარული
• ჰეპატიტი ქოლესტაზური
• ციროზი ღვიძლის
• წვრილი ნაწლავის ტერმინალური ნაწილის პათოლოგია
• წვრილ ნაწლავში ბაქტერიების ჭარბი ზრდა
• არასწორი კვების რეჟიმი, საჭმლის მონელების პროცესის გასაუმჯობესებლად პაციენტებში ნორმალური კუჭ-ნაწლავის ფუნქციით
• მომზადება მუცლის ღრუს ორგანოების რენტგენოლოგიური და ულტრაბგერითი გამოკვლევისათვის

პრეპარატის საფირმო აღწერიდან

ფარმაკოლოგიური თვისებები
ფერმენტული პრეპარატი, აუმჯობესებს საჭმლის მონელების პროცესს. პრეპარატის შემადგენელი ფერმენტები – ამილაზა, ლიპაზა და პროტეაზა ხელს უწყობენ ცილების, ცხიმებისა და ნახშირწყლების მონელებასა და წვრილ ნაწლავში მათ შემდგომ სრულ აბსორბციას.
კრეზამი 25000-ის კაფსულა სწრაფად იხსნება კუჭში, გამოთავისუფლდება ნაწლავში ხსნადი გარსით დაფარული მინიმიკროსფეროები, ერევიან ნაწლავის შიგთავსს და თანაბრად გადანაწილდებიან მასში. მინიმიკროსფეროების წვრილ ნაწლავში მოხვედრის შემდეგ, ირღვევა მათი ნაწლავში ხსნადი გარსი, ხდება ლიპოლიზური, ამინოლოზური და პროტეოლიზური აქტივობის მქონე ფერმენტების გამოთავისუფლდება, რაც უზრუნველყოფს ცხიმების, სახამებლისა და ლიპიდების დეზინტეგრაციას.
ლიპაზა ჰიდროლიზის გზით შლის ცხიმებს ცხიმოვან მჟავებად და გლიცეროლად, ამილაზა – ნახშირწყლებს დექსტრინად და შაქრად, პროტეაზა – ცილებს.
ჩვენებები
კუჭქვეშა ჯირკვლის ეგზოკრინული ფუნქციის უკმარისობისას ჩანაცვლებითი თერაპიის სახით:
- მუკოვისციდოზი;
- ქრონიკული პანკრეატიტი;
- პანკრეატექტომია;
- კუჭქვეშა ჯირკვლის სიმსივნე;
- სიმსივნით განპირობებული სადინარების ობსტრუქცია (მაგ.: კუჭქვეშა ჯირკვლის ან ნაღვლის საერთო სადინარის ობსტრუქცია;
- შვახმან-დაიმონდის სინდრომი;
- ასაკოვანი პაციენტები.
საჭმლის მონელების პროცესის დარღვევის დროს სიმპტომური თერაპიის სახით:
- ქოლეცისტექტომიის (ნაღვლის ბუშტის ამოკვეთა) შემდგომი პერიოდი;
- კუჭის ნაწილობრივი რეზექცია (ბილროტ-I/II);
- ტოტალური გასტრექტომია;
- დუოდენო – და გასტროსტაზი;
- ბილიარული ობსტრუქცია;
- ქოლესტაზური ჰეპატიტი;
- ღვიძლის ციროზი;
- წვრილი ნაწლავის ტერმინალური ნაწილის პათოლოგია;
- წვრილ ნაწლავში ბაქტერიების ჭარბი ზრდა.
პრეპარატი გამოიყენება ასევე:
- საჭმლის მონელების პროცესის გასაუმჯობესებლად პაციენტებში ნორმალური კუჭ-ნაწლავის ფუნქციით, მაგრამ არასწორი კვების რეჟიმით;
- მუცლის ღრუს ორგანოების რენტგენოლოგიური და ულტრაბგერითი გამოკვლევისათვის მომზადების მიზნით.
მიღების წესები და დოზები
პრეპარატის დოზა და მკურნალობის ხანგრძლივობა განისაზღვრება ინდივიდუალურად, დაავადების სიმძიმისა და დიეტის შემადგენლობის მიხედვით.
რეკომენდებულია პრეპარატის ერთჯერადი დოზის ნახევარი ან მესამედი დაინიშნოს ჭამის წინ, ხოლო დანარჩენი – უშუალოდ ჭამის დროს.
კაფსულები ან მინიმიკროსფეროები მიიღება მთლიანად, დაუღეჭავად, საკმარისი რაოდენობის სითხესთან ერთად. გაძნელებული ყლაპვის შემთხვევაში (პატარა ბავშვებში და ასაკოვან პაციენტებში) კაფსულები ფრთხილად უნდა გაიხსნას, მინიმიკროსფეროები შეერიოს თხევად საკვებს ან სითხეს და უნდა მიიღონ მომზადებისთანავე. დაუშვებელია მინიმიკროსფეროების საკვებთან ან ისეთ სითხესთან შერევა, რომელთა მჟავიანობა მეტია 5,5-ზე, რადგან ამ შემთხვევაში ხდება მიკროსფეროების გარსის დარღვევა, რომელიც იცავს მას კუჭის წვენის მოქმედებისგან.
მუკოვისციდოზი:
დოზის შერჩევა ხდება ინდივიდუალურად სხეულის წონის მიხედვით.
საწყისი დოზა 4 წლამდე ასაკის ბავშვებში შეადგენს ლიპაზას აქტივობაზე გადაანგარიშებით – 1000 ს.ე. (Ph. Eur.) ლიპაზა/კგ სხეულის წონაზე ყოველი ჭამის დროს, ხოლო 4 წლის ზემოთ – 500 ს.ე. (Ph. Eur.) ლიპაზა/კგ სხეულის წონაზე ყოველი ჭამის დროს.
მისაღები დოზის რეგულირება ხდება დაავადების სიმპტომების გამოხატულების, სტეატორეის კონტროლით და სწორი კვებითი რეჟიმის შენარჩუნებით.
პაციენტების უმეტესობისათვის დოზა არ უნდა აღემატებოდეს 10000 ს.ე. (Ph. Eur.) ლიპაზა/კგ სხეულის წონაზე დღე-ღამეში.
დოზირება სხვა მდგომარეობების დროს, რომელთაც თან ახლავს კუჭქვეშა ჯირკვლის ეგზოკრინული ფუნქციის უკმარისობა:
დოზირება ხდება პაციენტის ინდივიდუალური თავისებურებების გათვალისწინებით – საჭმლის მონელების უკმარისობის და საკვებში ცხიმის შემცველობის მიხედვით.
ძირითად კვებასთან (სადილი, საუზმე, ვახშამი) ერთად პრეპარატის მისაღები დოზა მერყეობს 20000-დან 75000-მდე ს.ე. (Ph. Eur.) ლიპაზაზე გადაანგარიშებით, ხოლო მსუბუქი კვების შემთხვევაში – 5000 – 25000 ს.ე. (Ph. Eur.) ლიპაზაზე გადაანგარიშებით.
ჩვეულებრივ პრეპარატის საწყისი დოზა შეადგენს 10000 – 25000 ს.ე. (Ph. Eur.) ლიპაზა ძირითად კვებასთან ერთად. საჭიროების შემთხვევაში შასაძლებელია დოზის გაზრდა სტეატორეის შემცირებისა და კარგი კვებითი მდგომარეობის შენარჩუნების მიზნით.
ჩვეულებრივ, პაციენტმა საკვებთან ერთად უნდა მიიღოს არანაკლებ 20000-50000 ს.ე. (Ph. Eur.) ლიპაზა.
გვერდითი მოვლენები
შესაძლებელია ალერგიული რეაქციების გამოვლენა, ასევე საჭმლის მომნელებელი სისტემის მხრივ: დიარეა, ყაბზობა, დისკომფორტი მუცლის არეში, გულისრევა, პერიანალური არის გაღიზიანება. პანკრეატინის დიდი დოზით ხანგრძლივად მკურნალობისას ზოგიერთ შემთხვევაში შესაძლებელია განვითარდეს ჰიპერურიკოზურია, ჰიპერურიკემია.
უკუჩვენება
- პრეპარატის კომპონენტებისადმი მომატებული მგრძნობელობა;
- მწვავე პანკრეატიტი, ქრონიკული პანკრეატიტი გამწვავების ფაზაში;
- ღვიძლის მძიმე ფორმის დაავადებები სისხლში ბილირუბინის მაღალი დონით;
- მექანიკური სიყვითლე;
- ნაღვლის ბუშტის ემპიემა;
- ნაწლავის გაუვალობა;
ორსულობისა და ლაქტაციის პერიოდში პრეპარატის მიღების უსაფრთხოება დადგენილი არ არის.
უსაფრთხოების ზომები
კრეზამი 25000-ის კაფსულები და/ან მინიმიკროსფეროები მიიღება დაუღეჭავად, საკმარისი რაოდენობის სითხესთან ერთად.
პრეპარატით ხანგრძლივად მკურნალობის დროს მუკოვისციდოზით დაავადებული ბავშვები უნდა იმყოფებოდნენ სპეციალისტის მუდმივი მეთვალყურეობის ქვეშ.
პრეპარატი სიფრთხილით ინიშნება პაციენტებში მუკოვისციდოზით, რომლებიც მკურნალობენ პანკრეატინის დიდი დოზით. უსაფრთხოების მიზნით, მსხვილი ნაწლავის დაზიანების თავიდან აცილების გამო, პაციენტებში მუკოვისციდოზით რეკომენდებულია მუცლის ღრუს ყველა გამოვლენილი სიმპტომის ან ცვლილების კონტროლი, განსაკუთრებით იმ შემთხვევაში თუ პაციენტი დღე-ღამეში იღებს 10000 ს.ე. (Ph. Eur.) ლიპაზა/კგ სხეულის წონაზე მეტ დოზას.
ორსულობა და ლაქტაცია
ორსულობისა და ლაქტაციის პერიოდში ფერმენტული პრეპარატების გამოყენების უსაფრთხოების არასაკმარისი კლინიკური გამოცდილების გამო, პრეპარატი აღნიშნული ჯგუფის პაციენტებში ინიშნება მხოლოდ იმ შემთხვევაში, როცა მოსალოდნელი შედეგი დედისთვის აჭარბებს ნაყოფზე ან ბავშვზე გავლენის უარყოფით რისკს.
ჭარბი დოზირება
სიმპტომები: ჰიპერურიკურია და ჰიპერურიკემია.
მკურნალობა: პრეპარატის მოხსნა, სიმპტომური თერაპია.
პრეპარატის უარყოფითი გავლენა ავტომობილისა და სხვა მექანიკური საშუალებების მართვაზე გამოვლენილი არ არის.
სხვა წამლებთან ურთიერთქმედება
ფერმენტული პრეპარატებისა და რკინისა ან ფოლის მჟავას შემცველი პრეპარატების ერთდროული მიღებისას ქვეითდება ამ უკანასკნელთა შეწოვა.
ჰისტამინის H2 რეცეპტორის ბლოკატორებთან, პროტონული ტუმბოს ინჰიბიტორებსა და ანტაციდებთან ერთდროული მიღებისას ქვეითდება პანკრეატინის ეფექტურობა.
პრეპარატი ზრდის პარაამინოსალიცილის მჟავას, სულფონამიდებისა და ანტიბიოტიკების აბსორბციას.
შენახვის პირობები და ვადები
პრეპარატის ვარგისიანობის ვადაა 2 წელი.
ინახება 15-25oC ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!
აფთიაქში გაცემის წესი
ექიმის რეცეპტის გარეშე!

Viewed 1115 times by 219 viewers

ზოგადი ინფორმაცია

ერგობათი. Ergobat. ფოსფორისა და კალციუმის ცვლაზე მოქმედი, ძვლის ქსოვილში ნივთიერებათა ცვლის მარეგულირებელი – D2 ვიტამინის პრეპარატების  ჯგუფის სამკურნალო საშუალება. აქტიური ნივთიერება –ერგოკალციფეროლი. Ergocalciferol. ათქ.კლასიფიკაციის კოდი – A11CC01. მწარმოებელი ფირმა – შპს “ბათფარმა” (საქართველო).

შემადგენლობა და გამოშვების ფორმა

გამოდის 5 მლ 0,5% სპირტიანი ხსნარის ფორმით ფლაკონში. 1 მლ პრეპარატი შეიცავს ერგოკალციფეროლს 5მგ (200 000 სე), ეთილის სპირტს – 1მლ-მდე.1 სე შეიცავს 0,025მკგ ერგოკალციფეროლს. 1 წვეთი შეიცავს 4000 სე ერგოკალციფეროლს.

აქტიური ნივთიერება

ერგოკალციფეროლი. Ergocalciferol. ქიმიური დასახელება – (5Z,7E,22E)-9,10-სეკოერგოსტა-5,7,10(19),22-ტეტრაენ-3-ოლი. ბრუტო–ფორმულა: C₂₈H₄₄O. ერგოკალციფეროლს მიაკუთვნებენ ვიტამინების და ვიტამინის მსგავსი საშუალებების ჯგუფს. CAS-კოდი:50-14-6.

პრეპარატის გამოყენების ძირითადი მიმართულებებია

• ჰიპოვიტამინოზი ვიტამინ D-ს
• ავიტამინოზი ვიტამინ D-ს
• რაქიტი
• ოსტეომალაცია
• ოსტეოპათია ნეფროგენული
• კვება არასრულფასოვანი და არაბალანსირებული
• ოსტეოპოროზი
• ინსოლაცია არასაკმარისი
• ჰიპოკალციემია
• ჰიპოფოსფატემია
• ალკოჰოლიზმი
• ღვიძლის უკმარისობა
• ციროზი
• ენტეროპათია გლუტენური
• დიარეა
• კრონის დაავადება
• დასუსტება სწრაფი
• ორსულობა
• ლაქტაციის პერიოდი
• ახალშობილები, რომლებიც იკვებებიან დედის რძით, ინსოლაციის უკმარისობისას
• ბარბიტურატების, ქოლესტირამინის, მინერალური ზეთების, კრუნჩხვების საწინააღმდეგო პრეპარატების მიღება
• ჰიპოპარათირეოზი, ოპერაციისშემდგომი
• ჰიპოპარათირეოზი, იდიოპათიური
•  ტეტანია

პრეპარატის საფირმო აღწერიდან

ფარმაკოლოგიური თვისებები
ცხიმში ხსნადი ვიტამინი D2 არეგულირებს Ca2+ და ფოსფორის ცვლას ორგანიზმში. მისი აქტიური მეტაბოლიტები (კერძოდ, კალციტრიოლი) ადვილად აღწევს უჯრედების მემბრანებში, რაც ხელს უწყობს კალციუმმაკავშირებელი ცილების სინთეზის აქტივაციას, Ca2+-ისა და ფოსფორის შეწოვის გაადვილებას ნაწლავში, თირკმელებში მათი რეაბსორბციის ამაღლებას, ძვლოვანი ქსოვილების მიერ მათი ათვისების გაძლიერებას და რეზორბციის თავიდან აცილებას.
სისხლში Ca2+-ის მომატება იწყება პრეპარატის მიღებიდან 12-24სთ-ის შემდეგ, თერაპევტული ეფექტი აღინიშნება 10-14 დღის შემდეგ და გრძელდება 6 თვეს.
ჩვენებები
ვიტამინ D-ს ჰიპო – და ავიტამინოზი (პროფილაქტიკა და მკურნალობა), აგრეთვე ორგანიზმის მომატებული მოთხოვნილება ვიტამინ D-ს მიმართ: რაქიტი, ოსტეომალაცია, ოსტეოპოროზი, ნეფროგენული ოსტეოპათია, არასრულფასოვანი და არაბალანსირებული კვება, არასაკმარისი ინსოლაცია, ჰიპოკალციემია, ჰიპოფოსფატემია, ალკოჰოლიზმი, ღვიძლის უკმარისობა, ციროზი, კუჭ-ნაწლავის ტრაქტის დაავადებები (გლუტენური ენტეროპათია, დიარეა, კრონის დაავადება), სწრაფი დასუსტება, ორსულობა, ლაქტაციის პერიოდი; ახალშობილები, რომლებიც იკვებებიან დედის რძით, ინსოლაციის უკმარისობისას; ბარბიტურატების, ქოლესტირამინის, მინერალური ზეთების, კრუნჩხვების საწინააღმდეგო პრეპარატების მიღება. ჰიპოპარათირეოზი: ოპერაციის შემდგომი, იდიოპათიური, ტეტანია.
მიღების წესები და დოზები
შინაგანად. რაქიტის პროფილაქტიკა ხორციელდება ერგოკალციფეროლის დანიშვნით ორსული ქალისათვის (ანტენატალურად), მეძუძური დედისათვის და ბავშვისათვის (პოსტნატალურად). ორსულ ქალებს პრეპარატს უნიშნავენ ორსულობის 30-32 კვირიდან მშობიარობამდე ყოველდღიურად 400-500 სე, აუცილებლობის შემთხვევაში დოზა შეიძლება გაიზარდოს 1000 სე-მდე დღე-ღამეში. ქალებს, რომლებიც ძუძუთი კვებავენ ბავშვებს და არ გაუვლიათ რაქიტის ანტენატალური პროფილაქტიკა, ერგოკალციფეროლს უნიშნავენ ბავშვის დაბადების პირველი დღეებიდან დოზით – 0,5-1 ათასი სე ყოველდღიურად 2-3 კვირის განმავლობაში. რაქიტის სპეციფიური პროფილაქტიკა შემოდგომა-ზამთრის პერიოდში უნდა დაიწყოს ახალშობილ ბავშვებში სამი კვირის ასაკიდან. ერგოკალციფეროლის საერთო დოზა პროფილაქტიკის კურსზე 150-300 ათასი სე. დღენაკლულებს, ტყუპებს და ბავშვებს, რომლებიც იმყოფებიან ხელოვნურ კვებაზე და არასასურველ ოჯახურ და კლიმატურ პირობებში, ერგოკალციფეროლს უნიშნავენ 2 კვირიდან (იმ პირობით, რომ აღდგენილი იქნას პირველადი სხეულის წონა). ამ შემთხვევაში ერგოკალციფეროლის ერთი კურსის დოზაა 300-400 ათასი სე.
რაქიტის პროფილაქტიკის მიზნით პრეპარატი შეიძლება დაინიშნოს სხვადასხვა მეთოდით: “წილობრივი” მეთოდით ბავშვს ყოველდღიურად აძლევენ 500-1000სე პირველი 1 წლის განმავლობაში; “ვიტამინური ბიძგების” მეთოდით _50 000 სე კვირაში ერთჯერ 8 კვირის განმავლობაში; `შემჭიდროვებული~ მეთოდით _დღენაკლული ბავშვებს და ბავშვებს, რომლებიც ხშირად ავადმყოფობენ, აძლევენ 300 000 – 400 000 სე 10-12 დღის განვავლობაში.
პირველი 1 წლის განმავლობაში ვიტამინი D2-ით მკურნალობის კურსის დამთავრების შემდეგ ბავშვს უტარებენ `შემანარჩუნებელ~ პროფილაქტიკას გაზაფხულის და შემოდგომა-ზამთრის დროს – 2 წლამდე, ხანგრძლივი და მკაცრი ზამთრის პირობებში – 3 წლამდე.
I ხარისხის რაქიტის სამკურნალოდ ბავშვებს ყოველდღიურად აძლევენ 10 000 _ 15 000სე 30-45 დღის განმავლობაში, კურსზე 500 000_600 000სე. მკვეთრად გამოხატული პროცესის დროს აღნიშნულ საერთო დოზას აძლევენ “შემჭიდროვებული მეთოდით” 10 დღის განმავლობაში.
II ხარისხის რაქიტის დროს კურსზე ინიშნება 600 000 _ 800 000სე 30-35 დღის განმავლობაში (მწვავე მიმდინარეობისას 10-15 დღის განმავლობაში).
II და III ხარისხის რაქიტის დროს რეციდივების აცილებისათვის რეკომენდირებულია ბავშვებს დაენიშნოს განმეორებითი კურსი საერთო დოზით 400 000სე 10 დღის განმავლობაში.
III ხარისხის რაქიტის დროს კურსზე ინიშნება 800 000 _ 1 000000სე 40-60 დღის განმავლობაში (მწვავე მიმდინარეობისას – 10-15 დღის განმავლობაში).
ოსტეომალიაციის და ოსტეოპოროზის დროს ინიშნება 3000სე /დღე-ღამეში 45 დღის განმავლობაში (სულკოვიჩის სინჯის ყოველკვირეული კონტროლით).
წყვილი ფარისებრი ჯირკვლების ფუნქციის დარღვევისას ტეტანიის თავიდან ასაცილებლად _1000000 სე-მდე დღე-ღამეში.
გვერდითი მოვლენები
ალერგიული რეაქციები.
უკუჩვენება
ჰიპერმგრძნობელობა, ჰიპერკალციემია, D ჰიპერვიტამინოზი, თირკმელის ოსტეოდისტროფია ჰიპერფოსფატემიით. სიფრთხილით: ათეროსკლეროზი, ხანდაზმული ასაკი; ფილტვების ტუბერკულოზი (აქტიური ფორმა), სარკოიდოზი ან სხვა გრანულემატოზები; ჰიპერფოსფატემია, ფოსფორული ნეფროუროლიტიაზი, თირკმელების ქრონიკული უკმარისობა, ორსულობა 35 წლის ზევით.
განსაკუთრებული მითითებები
პრეპარატს ინახავენ სინათლისა და ჰაერის ზემოქმედებისაგან დაცულ პირობებში. ვიტამინ D2-ს გააჩნია კუმულაციური თვისებები. ხანგრძლივი მიღებისას, აუცილებელია სისხლში და შარდში განისაზღვროს Ca2+_ის კონცენტრაცია. დიდი დოზებით მკურნალობისას რეკომენდირებულია A ვიტამინის ერთდროული მიღება (10_15 ათასი სე დღე-ღამეში), ასევე ასკორბინის მჟავას და B ჯგუფის ვიტამინების მიღება. დღენაკლულ ბავშვებში ერგოკალციფეროლის დანიშვნისას მიზანშეწონილია ერთდროულად ფოსფატების შეყვანა. D ვიტამინის მიმართ მგრძნობელობა ინდივიდუალურია, რიგ პაციენტებში თერაპევტული დოზებით მიღებამაც შეიძლება გამოიწვიოს ჰიპერვიტამინოზი. ბავშვებში, რომლებიც ღებულობენ ვიტამინ D-ს დოზებში 1800 სე ხანგრძლივი დროის განმავლობაში, მატულობს ზრდის შეკავების რისკი.
ერგობათის მიღება არ არის რეკომენდირებული ოჯახური ჰიპოფოსფატემიისა და ჰიპოპარათირეოზის დროს.
ჰიპერკალციემიამ დედებში (დაკავშირებული ვიტამინი D-ს ხანგრძლივ ჭარბ დოზირებასთან ორსულობის დროს) შეიძლება გამოიწვიოს ნაყოფში მომატებული მგრძნობელობა პრეპარატის მიმართ, წყვილი ფარისებრი ჯირკვლის ფუნქციის დათრგუნვა, გონებრივი განვითარების შეჩერება, აორტალური სტენოზი.
ხანდაზმულ ასაკში მოთხოვნილება ვიტამინ D2 –ზე შეიძლება გაიზარდოს.
ჭარბი დოზირება
სიმპტომები:
ადრეული _ შეკრულობა ან დიარეა, პირის ღრუს ლორწოვანი გარსის სიმშრალე, თავის ტკივილი, წყურვილი, ანორექსია, გულისრევა, ღებინება, უჩვეულო დაღლილობა, ასთენია, ჰიპერკალციემია, ჰიპერკალციურია.
გვიანი _ ტკივილი ძვლებში, შარდის ამღვრევა, არტერიული წნევის ამაღლება, კანის ქავილი, კონიუნქტივების ჰიპერემია, არითმია, ძილიანობა, პანკრეატიტი, გასტრალგია, დასუსტება, იშვიათად – ფსიქიკისა და განწყობის ცვლილება.
ქრონიკული ინტოქსიკაციის სიმპტომები (რამდენიმე კვირის ან თვეების განმავლობაში მიღებისას)^ რბილი ქსოვილების, თირკმელების, ფილტვების, სისხლძარღვების კალცინოზი, არტერიალური ჰიპერტენზია; თირკმელისა და გულსისხლძარღვთა უკმარისობა; ბავშვებში ზრდის დარღვევა (ხანგრძლივი მიღება დოზებში – 1,8 ათასი სე დღე-ღამეში).
სხვა წამლებთან ურთიერთქმედება
ტოქსიკურ მოქმედებას ასუსტებს ვიტამინი A, ტოკოფეროლი, ასკორბინის მჟავა, პანტოტენის მჟავა, თიამინი, რობოფლავინი, პირიდოქსინი. თიაზიდური დიურეტიკები, Ca2+ შემცველი სამკურნალო საშუალებები ზრდიან ჰიპერკალციემიის განვითარების რისკს (საჭიროებს Ca2+ კონცენტრაციის მონიტორინგს სისხლში). ერგობათით გამოწვეული ჰიპერვიტამინოზის დროს შესაძლებელია საგულე გლიკოზიდების მოქმედების გაძლიერება და არითმიის წარმოშობის რისკის მომატება.
ბარბიტურატების (მათ შორის ფენობარბიტალი) და პირიმიდონის ზემოქმედებით, ერგობათის მოთხოვნილება შეიძლება მნიშვნელოვნად გაიზარდოს, რაც გამოიხატება ოსტეომალაციის ან რაქიტის სიმძიმის ხარისხის მომატებაში. ხანგრძლივი თერაპია Al3+ და Mg2+ _ შემცველი ანტაციდების ერთდროული მიღების ფონზე, ზრდის მათ კონცენტრაციას სისხლში და ინტოქსიკაციის წარმოშობის რისკს. კალციტონინი, პლიკამიცინი, გალიუმის ნიტრატი ამცირებს პრეპარატის ეფექტს.
ქოლესტირამინი და მინერალური ზეთები კუჭ-ნაწლავის ტრაქტში ამცირებს ვიტამინ D2-ის აბსორბციას. პრეპარატი ამაღლებს ფოსფორშემცველი პრეპარატების აბსორბციას და ჰიპერფოსფატემიის რისკს. პრეპარატის ერთდროული მიღება სხვა ანალოგებთან (განსაკუთრებით კალციფეროლთან) ზრდის ჰიპერვიტამინოზის განვითარების რისკს (არ არის რეკომენდირებული).
შენახვის პირობები და ვადები
სინათლისაგან დაცულ ადგილას, ტემპერატურა არა უმეტეს 10°C.
ვარგისიანობის ვადა: 2წელი.
აფთიაქში გაცემის წესი
რეცეპტით.

Viewed 1538 times by 270 viewers