ჰერნიორაფია

განმარტებითი ლექსიკონი ჰერნიორაფია – თიაქრის ქირურგიული მკურნალობა.

ვაზოვეზიკულიტი

განმარტებითი ლექსიკონი ვაზოვეზიკულიტი – სათესლე ბუშტუკების და თესლგამომტანი სადინრის ანთება.ჩვეულებრივად ასეთი ანთება ვითარდება პროსტატიტთან ერთდროულად,იწვევს ტემპერატურის მომატებას და ტკივილებს შორისში,საზარდულში და სათესლე პარკის კანში.თესლგამომტანი სადინრების გამოკვლევისას აღინიშნება მათი გამკვრივება და მტკივნეულობა.მკურნალობისთვის გამოიყენება ანტიბიოტიკები.

აპიკექტომია

განმარტებითი ლექსიკონი აპიკექტომია – (სტომატოლოგიაში) კბილის ფესვის მწერვალის ქირურგიული ამოკვეთა.როგორც წესი,მას თან ახლავს კბილის ფესვის  ბოლოს დაბჟენა,მაგრამ ,თუ კბილის პულპის ფესვის არხის მკურნალობა შედეგს არ იძლევა და შეუძლებელია მისი გაგრძელება,ხდება ბჟენის გამოტანა.

აპლიკატორი

განმარტებითი ლექსიკონი აპლიკატორი – მკურნალობის მიზნით ადამიანის სხეულის ცალკეულ ნაწილებზე მოთავსებული ნებისმიერი მოწყობილობა.

არტერიოპლასტიკა

განმარტებითი ლექსიკონი არტერიოპლასტიკა – არტერიის ქირურგიული რეკონსტრუქცია;ტარდება,მაგალითად,ანევრიზმების მკურნალობის მიზნით.

ალოპათია

განმარტებითი ლექსიკონი ალოპათია – (ჰომეოპათურ მედიცინაში) მედიცინის ტრადიციული სისტემა,რომელშიც მკურნალობისთვის გამოიყენება სამკურნალო პრეპარატები,რომლებიც ქმნიან ავადმყოფის ორგანიზმში დაავადების მიერ გამოწვეული  მდგომარეობის ანტაგონისტურ მდგომარეობას.ამის შედეგად  კი დაავადების სიმპტომები  შესუსტდება ან სრულიად გაივლის.  

აქტინოთერაპია

განმარტებითი ლექსიკონი აქტინოთერაპია – სხვადასხვა დაავადების მკურნალობა ინფრაწითელი ან ულტრაიისფერი გამოსხივებით.

პერიტონზილარული აბსცესი

განმარტებითი ლექსიკონი პერიტონზილარული აბსცესი – სასის ნუშის და ხახის კედლის შორის სივრცეში ჩირქის გაჩენა.პაციენტი უჩივის ძლიერ ტკივილებს,მისთვის რთულია პირის გაღება (ტრიზმი) და ყლაპვა.მკურნალობის პროცესში ანტიბიოტიკები გამოიყენება.ზოგ შემთხვევაში საჭიროა აბსცესის ქირურგიული გაკვეთა და დაგროვილი ჩირქის მოცილება.

სიმსივნური ანტიგენი

განმარტებითი ლექსიკონი სიმსივნური ანტიგენი – ცილა,რომელიც გამომუშავდება ავთვისებიანი უჯრედების მიერ.სისხლში მისი შემცვლელობა შეიძლება იყოს დადგენილი სისხლის ანალიზით.ეს ანალიზი გამოიყენება ავთვისებიანი მელანომის და  სიმსივნეების სხვა ზოგიერთი სახეობის დიაგნოსტიკისთვის მათი განვითარების ყველაზე ადრეულ სტადიაზე,როდესაც ისინი კარგად ემორჩილებიან მკურნალობას.

წყლულოვანი არასპეციფიკური კოლიტი

ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი წყლულოვანი არასპეციფიკური კოლიტი – უცნობი გენეზის ქრონიკული დაავადება, რომლის დროსაც მსხვილი ნაწლავის ლორწოვანის სპეციფიური ანთება იწვევს ეროზიის, წყლულის, ნაწლავის კედლის ნეკროზის განვითარებას. ვლინდება ტკივილით მუცელში, ფაღარათით, ტენეზმებით, ნაწლავური სისხლდენით, მაღალი ტემპერატურით. დიაგნოზი Read More …