ყუმისთავი

ყუმისთავი – სპელეოთერაპიული კურორტი

ექიმი კონსტანტინე ყურაშვილი

ყუმისთავი — ლამაზი იმერული სოფელია, სანაქებო იმერული სტუმართმოყვარეობით. მდებარეობს წყალტუბოს ტალღობრივ ვაკეზე, მდინარე ყუმის ხეობაში. ზღვის დონიდან 220 მეტრი, წყალტუბოდან 12 კილომეტრი.

ყუმისთავი თანდათან ხდება სპელეო თერაპიისა და სპელეო ტურიზმის ჰაბი. ეს გასაგებიცაა – იგი მღვიმეების  განთავსების ცენტრში იმყოფება. ამ მღვიმეთაგან ნაწილი უკვე გახსნილია, ნაწილი თანდათან იხსნება. მღვიმეებს უკვე სტუმრობს წლიურად 300 000 კაცი. მათი რაოდენობა  წლიდან წლამდე სწრაფად იზრდება, ვითარდება ინფრასტრუქტურა. მასშტაბურია სამთავრობო აქტოვობები და მხარდაჭერები.

სწრაფად ფორმირდება ყუმისთავის, როგორც სპელეო-თერაპიის ჰაბის იმიჯი. ყუმისთავის მიმდებარე ერთ-ერთ მღვიმეში უკვე გაიხსნა სპელეოთერაპიის ცენტრი. პაციენტთა რაოდენობა სწრაფად იზრდება. შენდება და ფართოვდება სასტუმროებისა  და დასასვენებელი სახლების ქსელი. ყუმისთავის ირგვლვ რამდენიმე მღვიმე და საინტერესო ტურისტული ობიექტია. იგი  რამდენიმე ტურისტული მარშრუტის გზაზე მდებარებს. ყუმისთავი კარგი საინვესტიციო ობიექტია.


ყუმისთავის მღვიმე (ღლიანის მღვიმეპრომეთეს მღვიმე)

მდებარეობს ზღვის დონიდან 100 მ-ზე. თბილისიდან დაშორებულია 240 კილომეტრით, ხოლო ქალაქ ქუთაისიდან 40 კილომეტრით. მთავარი შესასვლელიდან მე-60 მეტრზე ახშობს სიფონური ტბა, რომლიდანაც გამოდის მდინარე ყუმი. მღვიმეში გვხვდება სტალაქტიტები, კალციტის ნაღვენთები, ნგრევით წარმოქმნილი და ორგანოგენული ნაფენები, მ.შ. გუანოს სქელი ფენა. ჰავა დინამიურია. ჰაერის მოძრაობა მკვეთრად იგრძნობა. გვირაბის ბოლოს არის სიფონი, რომლის სიღრმე 2 მ, ხოლო ტემპერატურა 15°C აღწევს. სიფონის მახლობლად მდებარე დარბაზში არის ღამურების მრავალრიცხოვანი კოლონია.  მღვიმეში გავლა ადვილია. ტურისტული მარშრუტის სიგრძეა 1060 მ.

აღმოჩენილია 16 დარბაზი, რომლებიც მკვეთრად განსხვავდებიან ერთმანეთისაგან მასშტაბით და გაქვავებული ჩამონაღვენთების ფორმით. მდიდარია სხვადასხვა სახის წარმონაქმნებით, მათ შორის მოიპოვება: სტალაქტიტები, სტალაგმიტები, ჰელიქტიტები, ფარდები, გაქვავებული ჩანჩქერები, მღვიმური მარგალიტები, პიზოლითები, მიწისქვეშა მდინარეები, მიწისქვეშა ტბები და სხვა. კარგი ტურისტული ობიექტია. მღვიმე კეთილმოწყობილია; არის საფეხმავლო ბილიკები, ხელოვნური განათება, ლაზერ-შოუ, სხვადასხვა ხედები. რეკომენდირებულია ასთმით დაავადებულთათვის. გამოცხადებულია ბუნების ძეგლად.

საწურბლიას  მღვიმე

მდებარეობს  სოფ. ყუმისთავის მიდამოებში/ მდ. სემის მარცხენა ნაპირი, 287 მეტრი ზღვის დონიდან.
მღვიმე  წარმოადგენს ბარემულ კირქვებში გამომუშავებულ სტალაქტიტებით, სტალაგმიტებით, ტრავერტინებითა და დიდი ზომის გურებით მდიდარ მდ. სემის მარცხენა სანაპიროზე მდებარე მღვიმეს. მღვიმის შესასვლელი იხსნება ასიმეტრიული ძაბრის ფსკერზე. შესასვლელის სიგანე 6 მეტრია, პირველ 80 მ სიგრძეზე, ფსკერი დახრილია 12-150 – ით. ბოლომდე ინვითარებს 1 – 1,5 მ სიღრმის საფეხურებს. შესასვლელიდან 125 მეტრში 5 მეტრიანი ფლატეა, რომელსაც ებმის დიდი ზომის დარბაზი (30X25). შუასაუკუნეებში მღვიმეს იყენებდნენ თავშესაფრად. მოწყობილია სპელეო-თერაპიის დარბაზი.

......

ბმები: 1. სპელეოთერაპია  2. საქართველოს კურორტები

.
.
.

Share on Facebook
Facebook
გააზიარე Facebook -ზე ..