ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): კომბინირებული/comb. drug
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი: ბიოლოგიურად აქტიური დანამატები
შემადგენლობა:
მიო ინოზიტოლი-2000 მგ
დ-ქირო-ინოზიტოლი-50 მგ
ვიტამი ბ6-1,0 მგ
ვიტამინი ბ12-1,9 მკგ
ფოლიუმის მჟავა(ექსტრაფოლატ-S)- 200 მკგ
ბეტაინი -250 მგ
თუთია-7,5 მგ
ვიტამინი D (ორმაგი ჰიდროლიზებული ფორმა- 1,25(OH)2D3-5მკგ
მიო ინოზიტოლი წარმოადგენს აქტიურ მეტაბოლიტს, რომელიც მნიშვნელოვან როლს თამაშობს ინსულინსენსიტიურობის აღდგენაში. მისი კონცენტრაციის დონე პირდაპირკავშირშია კვერცხუჯრედის ხარისხთან.
მიო ინოზიტოლი ასტიმულირებს FSH-ის სინთეზს და ხელს უწყობს კვერცხუჯრედის ხარისხის გაუმჯობესებას.
დ–ქირო ინოზიტოლი არის მიო ინოზიტოლის აქტიური მეტაბოლიტი, რომელიც ორგანიზმში წარმოიქმნება ფერმენტ ეპიმერაზას მოქმედებით მიო ინოზიტოლისაგან. ის არეგულირებს ჭარბი გლუკოზის გლიკოგენად გარდაქმნის პროცესს, ამცირებს ადროგენების კონცენტრაციას, ზრდის პროგესტერონის დონეს, არეგულირებს პროლაქტინის დონეს და FSH/LH-ის თანაფარდობას.
დ-ქირო ინოზიტოლი ასტიმულირებს ქალისა და პლაცენტის ადიპოციტური უჯრედებიდან ადიპონექტინის სინთეზს, არეგულირებს ლეპტინის დონეს და შესაბამისად ზრდის ცხიმების კატაბოლიზმის პროცესს.
ექსტრაფოლატი-S, რომლის ქიმიური ფორმულა არის 6S-5-მეთილტეტრაჰიდროფოლატი, წარმოადგენს ფოლიუმის მჟავას აქტიურ მეტაბოლიტს, მის ბოლო მე-6 იზომერს, რომელიც გამოირჩევა ფოლატების სხვა იზომერებისგან ყველაზე მაღალი შეღწევადობით თავ-ზურგ ტვინის სითხეში, ასტიმულირებს სეროტონინის, დოფამინის სინთეზს და გადამწყვეტ როლს თამაშობს ნაყოფის ნერვული სისტემის ფორმირებასა და ჰომოცისტეინის დონის კორექციაში.
ვიტამინი B6 და ვიტამინი B12 ორსულებში არეგულირებენ ჰომოცისტეინის დონეს, ხსნიან ტოქსიკოზთან დაკავშირებულ ჩივილებს. წარმოადგენენ მნიშვნელოვან კომპონენტებს ფოლიკულის მომწიფებისთვის, ოვულაციის ნორმალური მიმდინარეობისათვის.
ბეტაინი არის ქოლინის აქტიური მეტაბოლიტი, მეთილის ჯგუფის მნიშვნელოვანი დონორი და ექსტრაფოლატთან და B-ვიტამინებთან კომბინაციაში არეგულირებს ჰომოცისტეინის დონეს ორგანიზმში და წარმოადგენს აქტიურ მეტაბოლიტს ემბრიონის უჯრედების ნორმალური ფუნქციონირებისათვის და განვითარებისათვის. მონაწილეობს ნაყოფის თავისა და ზურგის ტვინის ჩამოყალიბებაში, არეგულირებს ფოსფოლიპიდების ცვლას, ენდოგენური კარნიტინის სინთეზს და წყალ-მარილოვან ცვლას. ბეტაინი არის ერთ-ერთი საუკეთესო ჰეპატოპროტექტორი.
ბოლო კვლევებით, ბეტაინი განიხილება, როგორც პრეკურსორი ესტროგენების რეცეპტორების ექსპრესიის და რის ხარჯზეც ზრდის ესტროგენ-რეცეპტორების ექსპრესიას.
ვიტამინი D-(1,25(OH)2D3), იგივე კალციტრიოლი, წარმოადგენს ვიტამინი D-ს აქტიურ მეტაბოლიტს, რომელიც ააქტიურებს კალციტრიოლ-რეცეპტორებს, მათ შორის ე.წ. “მიძინებულ“ კალციტრიოლ-რეცეპტორებსაც, რის ხარჯზეც ხელს უწყობს ორგანიზმში ვიტამინი D-ს სწრაფ შეწოვას.
ქალებს, რომელთა ორგანიზმს აქვს საკმარისი რაოდენობის ვიტამინი D, ემბრიონის ხარისხი გაცილებით მაღალია, ვიდრე მათი, რომელთა ორგანიზმი განიცდის მის დეფიციტს. ვიტამინი D- ს დეფიციტმა შეიძლება უარყოფითი გავლენა იქონიოს, როგორც ორსულობის ნორმალურად მიმდინარეობაზე, ასევე ქალების ნაყოფიერების უნარზეც. მისი დეფიციტი განიხილება, როგორც ერთ-ერთი წამყვანი მიზეზი პოლიკისტოზის ჩამოყალიბებაში.
თუთია არის ორგანიზმისთვის აუცილებელი მინერალი და ძირითადი კომპონენტი ბევრი მნიშვნელოვანი ფერმენტის. ის მნიშვნელოვანი რაოდენობით არის წარმოდგენილი ძვლებისა და კუნთების უჯრედებში(90%). თუთიის საერთო შემცველობა ზრდასულ ორგანიზმში არის 1,4-2,5 გრამი. თუთიის მარაგი არ კეთდება ორგანიზმში, ამიტომ აუცილებელია მისი გარედან მიღება.
თუთია მნიშვნელოვან როლს თამაშობს ფოლიკულის მომწიფების პროცესში, ოვულაციის რეგულაციაში, საშვილოსნოს ყელის ლორწოვანის სეკრეციაში.
ჩვენება:
· საკვერცხეების პოლიკისტოზის სინდრომი (PCOS)
· ჰიპერანდროგენული ჰირსუტიზმი, აკნე, სებორეა
· ჭარბწონიანობა, მათ შორის ორსულებში
· კვერცხუჯრედის და ემბრიონის ტრანსფერიზაციის ხარისხის გაუმჯობესება
· ენდომეტრიუმის მომზადება
· საკვერცხეების სასტარტო სტიმულცია
· საკვერცხეების ჰიპერსტიმულაცია
· უნაყოფობა დაკავშირებული საკვერცხის ფუნქციის დარღვევასთან
· ოვულაციის ციკლის დარღვევა
· ფოლიუმრეზისტენტობის სინდრომი
· ორსულთა ტოქსიკოზის მართვა
· პრეეკლამფსიის მართვა
· გესტაციური დიაბეტი
· II ტიპის დიაბეტი
გამოყენების წესი: 1 საშეტი იხსნება ნახევარჭიქა ოთახის ტემპერატურის წყალში, მიიღება დღეში ერთხელ. მკურნალობის ხანგრძლივობა განისაზღვრება ინდივიდუალურად და დამოკიდებულია ნოზოლოგიაზე.
გვერდითი მოვლენები
გვერდითი მოვლენები არ არის გამოვლენილი
ორსულობა და ასაკობრივი ზღვარი
მიიღება ორსულობის დროს პირველივე ტრიმესტრიდან, 14 წლის ასაკიდან ზევით.
უკუჩვენება:
14 წლამდე ასაკი, მომატებული მგრძნობელობა/ალერგია მასში შემავალი რომელიმე კომპონენტის მიმართ
არ შეიცავს წებოს და ლაქტოზას
გამოშვების ფორმა: საშეტი N30
გაცემის რეჟიმი: III ჯგუფი (ურეცეპტოდ)
მწარმოებელი: Sakura Italia SRL, იტალია