Category Archives: უკატეგორიო

აბაზია

აბაზია – (abasia; а – + ბერძ. basis ნაბიჯი) სიარულის უნარის დაკარგვა, გამოწვეული სხეულის წონასწორობის მოშლით ან ქვედა კიდურების მოძრაობის დარღვევით (დამბლა, ჰიპერკინეზები).

აბაზანა

აბაზანა – 1. ჭურჭელი ჰიგიენური და სამკურნალო პროცედურებისათვის; 2. წყლით, ტალახით, ჰაერით მკურნალობისა და გაჯანსაღების პროცესი. 3. (ტექ) – სხვადასხვა დანიშნულების აპარატი ან ჭურჭელი, რომელშიც ხსნარები და ნადნობები თავსდება. ძირითადი ტიპებია: სახურებელი და გალვანური.

აბადის სიმპტომი II

აბადის სიმპტომი II – (J. A. Abadie, 1873 – 1932, ფრანგი ნევროპათოლოგი) ზედა ქუთუთოს ამწევი კუნთის სპაზმი; ნიშანია თირეოტოქსიოზისა ბაზედოვის დაავადების დროს.

აბადის სიმპტომი I

აბადის სიმპტომი I – (J. A. Abadie, 1873 – 1932, ფრანგი ნევროპათოლოგი) ტკივილის არარსებობა აქილევსის მყესზე ზეწოლისას; აღინიშნება ზურგის ტვინის ტაბესის დროს (tabes dorsalis)

აარონის სიმპტომი

აარონის სიმპტომი – (Ch. D. Aaron, 1866 – 1951, ამერიკ. ექიმი) ტკივილი მარცხენა ფერდქვეშა არეში ან მუცლის ზედა მიდამოში მაკ – ბერნეის წერტილზე ხელის დაჭერისას; ნიშანია აპენდიციტისა. მსგავსი სტატიები ბრმა ნაწლავი აპენდიციტი