სანაღვლე გზებისა და თორმეტგოჯას დიდი დვრილის კიბო
სანაღვლე გზებისა და თორმეტგოჯას დიდი დვრილის კიბო არჩილ შენგელია, ლალი დათეშიძე ნაღვლის ბუშტის კიბო (gallbladder carcinoma) ძირითადად გვხვდება 50 წელს გადაცილებულ პირებში, უმეტესად ქალებში. მორფოლოგიური აგებულებით წარმოადგენს სხვადასხვა დიფერენცირების ადენოკარცინომას, ზრდის ინფილტრაციული ტიპით; იშვიათად – ბრტყელუჯრედოვანი კიბოს. სიმსივნე თანდათანობით აზიანებს მთელ ბუშტს, ვრცელდება ღვიძლზე, ბუშტისა და ნაღვლის საერთო სადინარზე, მეზობელ ორგანოებზე (კუჭი, თორმეტგოჯა ნაწლავი, მსხვილი ნაწლავი).