ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი უტგოფის სიმპტომი – ნევროლოგიური სიმპტომების (პარეზი, გაბუჟება, მხედველობის დაქვეითება) გარდამავალი გაძლიერება ტემპერატურის მომატებისას. აღინიშნება გაფანტული სკლეროზის მქონე ავადმყოფებში და უკავშირდება იმპულსების გატარების შენელებას. გაფრთხილება! ბმულები: 1.საავტორო ფარმაცევტული სკოლა 2.სამედიცინო ლიტერატურა 3.დიეტები 4.ორსულობა და მშობიარობა
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი რეტარდაცია – (ლათ.retardatio – შენელება, შეჩერება) ნიშნავს განვითარების შენელებას ან ამა თუ იმ ნიშნის უფრო გვიან განვითარებას წინაპრების ფორმებთან შედარებით. (მაგ., ძუძუმწოვრებში სასქესო ორგანოების უფრო მოგვიანებით ჩანერგვა, ადამიანში სიბრძნის კბილების უფრო გვიან ჩანერგვა და სხვ.). რეტარდაცია ჰეტეროქრონიის ერთ – ერთი ფორმაა. იხ. აქცელერაცია. (ც. გაჩეჩილაძე, ნ. ჩიკვილაძე.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი მცირე სასქესო ბაგეების სინექიები – (გინეკ.) (მცირე სასქესო ბაგეების მიწებება), ან ბავშვებში მწებავი ვულვიტი. ვითარდება ნივთიერებათა ცვლის დარღვევის შედეგად. პერიოდულად ავადმყოფები უჩივიან შარდვის შენელებას, ხშირად მისი აღმოჩენა ხდება შემთხვევით, პროფილაქტიკური გასინჯვის დროს. მისი თვითნებურად განკურნება ხდება სქესობრივი მომწიფების დადგომისთანავე. უხეში შეხორცებითი პროცესის არსებობის შემთხვევაში ნაჩვენებია ოპერაციული ჩარევა.