ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): ცეტირიზინი/cetirizine
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი:სისტემური მოქმედების ანტიჰისტამინური პრეპარატი.
ათქ კოდი: R06AE07.
შემადგენლობა
1 ტაბლეტი შეიცავს
აქტიურ ნივთიერებას – ცეტირიზინის ჰიდროქლორიდის 10 მგ-ს
ფარმაკოლოგიური თვისებები
ფარმაკოკინეტიკა
პრეპარატის შიგნით მიღების შემდეგ ცეტირიზინის მაქსიმალური კონცენტრაცია (Сმახ) პლაზმაში მიიღწევა 1 საათის განმავლობაში. პრეპარატის მიღება საკვებთან ერთად არ მოქმედებს აბსორბციაზე, მაგრამ აბსორბციის სიჩქარე მცირდება.
პლაზმის ცილებთან შეკავშირება შეადგენს 93%-ს და არ იცვლება ცეტირიზინის კონცენტრაციის დროს 25-1000 ნგ/მლ დიაპაზონში.
დოზით 5-60 მგ დანიშვნისას ცეტირიზინის ფარმაკოკინეტიკა ხაზოვანია.
განაწილების მოცულობა – 0,5 ლ/კგ. პრეპარატი აღწევს დედის რძეში.
მცირე რაოდენობით მეტაბოლიზდება ღვიძლში O-დეზალკილირების გზით ფარმაკოლოგიურად არააქტიური მეტაბოლიტის წარმოქმნით (სხვა H1-ჰისტამინური რეცეპტორების ბლოკატორებისგან განსხვავებით, რომლებიც მეტაბოლიზდება ღვიძლში Р450 ციტოქრომის სისტემის მეშვეობით).
სისტემური კლირენსი შეადგენს 53 მლ/წთ. ნახევრად გამოყოფის პერიოდი მოზრდილებში შეადგენს 7-10 საათს, 6-12 წლის ბავშვებში – 6 საათს, 2-6 წლის ბავშვებში – 5 საათს, 0,5-2 წლის ბავშვებში – 3,1 საათს. ხანდაზმული ასაკის ავადმყოფებში ნახევრად გამოყოფის პერიოდი იზრდება 50%-ით, სისტემური კლირენსი მცირდება 40%-ით (თირკმელების ფუნქციის დაქვეითება).
არ კუმულირდება. პრეპარატის 2/3 გამოიყოფა უცვლელი სახით თირკმელებით და დაახლოებით 10% – ფეკალური მასებით. არ გამოიყოფა ჰემოდიალიზით.
ფარმაკოდინამიკა
Н1-ჰისტამინური რეცეპტორების ბლოკატორია. Hჰისტამინის კონკურენტული ანტაგონისტია, პრაქტიკულად არ გააჩნია ანტიქოლინერგული და ანტისეროტონული მოქმედება. ახასიათებს გამოხატული ანტიალერგიული მოქმედება, ამსუბუქებს ალერგიული რეაქციების მიმდინარეობას. ახასიათებს ქავილის საწინააღმდეგო და ანტიექსუდაციური ეფექტი. მოქმედებს ალერგიული რეაქციის ადრეულ ფაზაზე, ამცირებს ანთების უჯრედების მიგრაციას, თრგუნავს მედიატორების გამოყოფას, რომლებიც მონაწილეობენ ალერგიული რეაქციის გვიან ფაზაში. Aამცირებს კაპილარების განვლადობას, ქსოვილების შეშუპებას, ხსნის გლუვი კუნთების სპაზმს. ამცირებს კანის რეაქციებს ჰისტამინის და სპეციფიური ალერგენების შეყვანაზე, ასევე დაბალ ტემპერატურაზე (სიცივის ჭინჭრის ციება). თერაპიულ დოზებში პრაქტიკულად არ გააჩნია სედატიური ეფექტი. კურსობრივი მიღებისას ტოლერანტობა არ ვითარდება. Pპრეპარატის მოქმედება იწყება 20 წუთში (პაციენტების 50%-ში), 1 საათში (პაციენტების 95%-ში) და ნარჩუნდება 24 საათის განმავლობაში.
გამოყენების ჩვენებები
– სეზონური და წლიური რინიტი
– ალერგიული კონიუქტივიტი
– ჭინჭრის ციება
– თივის ცხელება;
– ალერგიული დერმატიტი
– ანგიონევროზული შეშუპება
– ატოპიური ბრონქიალური ასთმა კომპლექსური თერაპიის შემადგენლობაში.
გამოყენების წესი და დოზირება
SALUFON-HUMANITY ინიშნება პერორალურად, საკვებისგან დამოუკიდებლად. ტაბლეტებს აყოლებენ 200 მლ წყალს.
მოზრდილებსა და 6 წელზე უფროსი ასაკის ბავშვებში ინიშნება დოზით 10 მგ დღეში ერთხელ ან 5 მგ 2 ჯერ დღეში.
მაქსიმალური დღიური დოზა შეადგენს 10 მგ-ს. არ შეიძლება რეკომენდირებული დღიური დოზის გადაჭარბება.
მკურნალობის ხანგრძლივობა განისაზღვრება ინდივიდუალურად და ჩვეულებრივ შეადგენს 2-3 კვირას. სეზონური ალერგიული რინიტის დროს – 3-4 კვირა, ყვავილის მტვრის ხანმოკლე ზემოქმედებისას – 1 კვირა.
გვერდითი მოქმედებები
– პირის სიმშრალე, გულისრევა, ღებინება, დისპეფსია, მუცლის ტკივილი, დიარეა;
– ძილიანობა, დაღლილობა, თავბრუსხვევა, თავის ტკივილი, შაკიკი, გემოვნების მგრძნობელობის დაქვეითება, გაღიზიანებადობა, აგზნებადობა, დეპრესია, აგრესიული რეაქციები, კუნთების სპაზმი, იშვიათად ჰალუცინაციები;
– ფარინგიტი, ლარინგიტი, სისხლდენა ცხვირიდან;
– ანგიონევროზული შეშუპება, გამონაყარი, ჭინჭრის ციება, ქავილი;
– ბრონქოსპაზმი, ხველა
– ტაქიკარდია
– ალანინამინოტრანსფერაზა/ასპარტატამინოტრანსფერაზას, ტუტე ფოსფატაზას, ბილირუბინის დონის მატება;
– შარდვის დარღვევა.
უკუჩვენებები:
– მომატებული მგრძნობელობა პრეპარატის ნებისმიერი კომპონენტის მიმართ;
– ორსულობა და ლაქტაციის პერიოდი;
– საბავშვო ასაკი 6 წლამდე;
– თირკმელების მძიმე უკმარისობა.
სამკურნალწამლო ურთიერთქმედებები
ფარმაკოკინეტიკური ურთიერთქმედებები ფსევდოეფედრინთან, ციმეტიდინთან, კეტოკონაზოლთან, ერითრომიცინთან, აზითრომიცინთან, დიაზეპამთან და გლიპიზიდთან აღმოჩენილი არ არის.
თეოფილინთან ერთდროული გამოყენებისას (400 მგ/დღეში) აღინიშნება ცეტირიზინის საერთო კლირენსის დაქვეითება 16%-ით (თეოფილინის კინეტიკა არ შეცვლილა).
განსაკუთრებული მითითებები
ღვიძლის ფუნქციის დარღვევის მქონე პაციენტები
ღვიძლის ფუნქციის დარღვევის მქონე მოზრდილებსა და 12 წელზე უფროსი ასაკის ბავშვებში პრეპარატის ყოველდღიური დოზა მცირება 5 მგ-მდე ერთხელ დღეში. 6-დან 11 წლამდე ბავშვებში რეკომენდირებული ყოვედღიური დოზა შეადგენს 5 მგ-ს ერთხელ დღეში. ღვიძლის ფუნქციის დარღვევის მქონე 2-დან 5 წლამდე ასაკის ბავშვებში ცეტირიზინის დანიშვნა არ არის რეკომენდირებული.
თირკმელების დარღვეული ფუნქციის მქონე პაციენტები
თირკმელების დარღვეული ფუნქციის მქონე მოზრდილებსა და 12 წელზე უფროსი ასაკის ბავშვებში, ან დიალიზზე მყოფ პაციენტებში პრეპარატის ყოველდღიური დოზა მცირება 5 მგ-მდე ერთხელ დღეში. 6-დან 11 წლამდე ასაკის ბავშვებში რეკომენდირებული ყოველდღიური დოზაა – 5 მგ ერთხელ დღეში. თირკმლის ფუნქციის დარღვევის მქონე 2-დან 5 წლამდე ასაკის ბავშვებში ცეტირიზინის დანიშვნა არ არის რეკომენდირებული.
ხანდაზმული ასაკის პაციენტები
დოზა შეირჩევა ინდივიდუალურად და შესაძლებელია საჭირო გახდეს თირკმელების ფუნქციის კონტროლი.
ალკოჰოლთან ერთდროული მიღებისას შესაძლებელია სედატიური ეფექტის განვითარება.
სამკურნალო საშუალების ზეგავლენის თავისებურებანი სატრანსპორტო საშუალებების ან პოტენციურად საშიში მექანიზმების მართვის უნარზე
პოტენციური სადატიური ეფექტის გამო შესაძლოა უარყოფითად იმოქმედოს სატრანსპორტო საშუალების მართვაზე და მექანიზმების მომსახურეობის უნარზე.
ჭარბი დოზირება
სიმპტომები: ძილიანობა, შფოთვა, მომატებული გაღიზიანებადობა. შარდის შეკავება, ტაქიკარდია, სიმშრალე პირში, ყაბზობა.
მკურნალობა: პრეპარატის მოხსნა, კუჭის ამორეცხვა, აქტივირებული ნახშირის მიღება, და სიმპტომური თერაპია.
შეფუთვა
10 ტაბლეტი უჯრედოვან შეფუთვაში.
2 კონტურული უჯრედოვანი შეფუთვა გამოყენების ინსტრუქციასთან ერთად მოთავსებულია კოლოფში.
შენახვის პირობები
ინახება არაუმეტეს 25◦C ტემპერატურაზე, მშრალ, სინათლისგან დაცულ და ბავშვებისთვის მიუწვდომელ ადგილას.
შენახვის ვადა 3 წელი.
ნუ გამოიყენებთ შეფუთვაზე მითითებული ვარგისიანობის ვადის გასვლის შემდეგ.
გამოშვების ფორმა: 10მგ ტაბლეტი №20 (2 X10)
გაცემის რეჟიმი: II ჯგუფი (გაიცემა ფორმა N3 რეცეპტით)
მწარმოებელი: Unimax Laboratories, ინდოეთი