ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): ამინომჟავები/amino acid

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ამინომჟავების პარენტერალური ხსნარები ღვიძლის უკმარისობის დროს გამოსაყენებელი

შემადგენლობა
ამინომჟავების შემცველობა გ/100მლ
L-იზოლეიცინი 0.650
L-ლეიცინი 0.818
L-ლიზინის მონოაცეტატი 0.430
L-მეთიონინი 0.040
L-ფენილალანინი 0.055
L-თრეონინი 0.275
L-ტრიპტოფანი 0.004
L-ვალინი 0.630
L-არგინინი 0.670
L-ჰისტიდინი 0.175
გლიცინი 0.373
L-ალანინი 0.290
L-პროლინი 0.358
L-სერინი 0.140
აცეტილცისტეინი 0.052
გაყინული ძმარმჟავა 0.266
შემადგენლობა გ/ლ
ამინომჟავების საერთო შემცველობა 50 გ/ლ
აზოტის საერთო შემცველობა 8.10 გ/ლ
ოსმოლარობა 481 მოსმ/ლ

ფარმაკოლოგიური თვისებები
ფარმაკოდინამიკა
ცელემინი ჰეპა არის პარენტერული კვების კომბინირებული პრეპარატი, რომელიც შეიცავს შეუცლელი და ჩანაცვლებადი ამინომჟავების ოპტიმალურ თანაფარდობას. ყველა ამინომჟავა იმყოფება L-ფორმაში, რაც უზრუნველყოფს მათ უშუალო მონაწილეობას ცილების ბიოსინთეზში შეიცავს რვა ამინომჟავას, რომელთა სინთეზი ადამიანის ორგანიზმს არ შეუძლია: L-ვალინი, L- იზოლეიცინი,L- ლეიცინი, L- ლიზინი, L- მეთიონინი, L- ტრეონინი, L-ფენილალანინი, L- ტრიფტოფანი; პირობით ცვლად ამინომჟავებად ითვლება L- არგინინი და L- ჰისტიდინი. L- არგინინი ხელს უწყობს ამიაკის ოპტიმალურ გარდაქმნას შარდოვანად, უკავშირდება რა ამონიუმის ტოქსიკურ იონებს, რომლებიც წარმოიქმნებიან ღვიძლში პროტეინების კატაბოლიზმით
. L-იზოლეიცინი,L- ლეიცინი, და L-ვალინი (შეუცვლელი ამინომჟავები გვერდითი განშტოებებით) აკმაყოფილებენ ორგანიზმის ენერგეტიკულ მოთხოვნილებას, რაც განსაკუთრებით მნიშვნელოვანია უშუალოდ ოპერაციის შემდგომ პერიოდში.

ფარმაკოკინეტიკა
ცელემინი ჰეპა შეიცავს სხვადასხვა ამინომჟავებს, რომლებიც ნორმაში მუდმივად ხვდებიან ორგანიზმში საკვებთან ერთად.
პარენტერულად შეყვანილი ამინომჟავები, გადის ორ შესაძლო მეტაბოლურ გზას:
ანაბოლური გზა, როდესაც ამინომჟავები უკავშირდებიან პეპტიდური კავშირებით და ქმნიან სპეციფიურ პროტეინებს და კატაბოლური გზა, როდესაც ხდება ამინომჟავების ტრანსამინაცია. ამინომჟავების ნაწილი შეიძლება არ დაექვემდებაროს ბიოტრანსფორმაციას და გამოიყოფა შეუცვლელი სახით. ასეთ შემთხვევაში ამ შენაერთების სასურველი ეფექტი იკარგება. ამ ფარმაკოკინეტიკური განსაკუთრებულობის მოხსნა შეიძლება პრეპარატის ნელა შეყვანით, რომ ამინომჟავების კონცენტრაცია სისხლში მკვეთრად არ გაიზარდოს.
ამინომჟავების ნახევრაგამოყოფის პერიოდი (ჯანსაღ სუბიექტებში) არის 5-15 წუთი (დროის ამ მოკლე პერიოდის მანძილზე ამინომჟავები შეიძლება გამოყენებული იყოს პროტეინების სინთეზისთვის). ცილების სინთეზის პროცესში გამოუყენებელი ამინომჟავების ნარჩენები ექვემდებარებიან დეზამინაციას, რომლის პროცესშიც წარმოიქმენბა ორგანიზმის მიერ გამოყოფილი შარდოვანა.
არგინინი თითქმის მთლიანად რეაბსორბირდება თირკმლის მილაკებში.
ამოინომჟავების მეტაბოლიზმი მიმდინარეობს ორგანიზმის ყველა ქსოვილში. მათი გახლეჩვის ხარისხი დამოკიდებულია სტრესის გამოხატულებაზე, რომელსაც ექვემდებარება ორგანიზმი.

ჩვენებები
ნაწილობრივი ან სრული პარენტერული კვება ღვიძლის ფუნქციების დარღვევის დროს (ღვიძლისმიერი უკმარისობა), თავის ტვინის ფუნქციის დარღვევით ან მის გარეშე (ღვიძლისმიერი ენცეფალოპათიები), ღვიძლისმიერი კომისა და პრეკომატოზური მდგომარეობების თერაპია.

მიღების წესები და დოზები
ცელემინი ჰეპას დოზირება არის ინდივიდუალური და დამოკიდებულია ამინომჟავებზე ორგანიზმის მოთხოვნილებასა და მეტაბოლური დარღვევების სიმძიმეზე. ასაკზე, სხეულის წონასა და პაციენტის მდგომარეობაზე.
რეკომენდებული დღიური დოზა:
ცელემინი ჰეპა საინფუზიო ხსნარით თერაპიას ატარებენ სისხლში ამიაკის კონცენტრაციის და დაავადების სიმძიმის ხარისხის გათვალისწინებით.სადღეღამისო დოზა შეადგენს 1,2–1,6 გ ამინომჟავები/კგ სხეულის წონაზე, რომელიც შეესაბამება 25–30 მლ ხსნარის ექვივალენტი/კგ სხეულის წონაზე. ინფუზიის სიჩქარე 1.0–1.25 მლ/კგ სხეულის მასა/სთ (30–40 წვეთი/წუთი).

გვერდითი მოვლენები
ინფუზიის სიჩქარის და დოზირების შესახებ რეკომენდაციების გათვალისწინების შემთხვევაში გვერდითი მოვლენები არ აღინიშნება.

უკუჩვენება
ამინომჟავების მეტაბოლური დარღვევები, ჰიპონატრემია, ჰიპოკალიემია, თირკმლის უკმარისობა, გულის დეკომპენსირებული უკმარისობა, 12 წლამდე ბავშვთა ასაკი, ორსულობა და ლაქტაცია.

განსაკუთრებული მითითებები
ცელემინი ჰეპას ზედმეტად სწრაფმა შეყვანამ შეიძლება გამოიწვიოს ჰიპერჰიდრატაცია, პლაზმის ელექტროლიტური შემადგენლობის დარღვევა და ამინომჟავების კონცენტრაციის გაზრდა სისხლში. პრეპარატის შემადგენლობაში შემავალმა არგინინმა შეიძლება გამოიწვიოს ფოსფორის კონცენტრაციის შემცირება და კალიუმის კონცენტრაციის მომატება პლაზმაში. ეს ცვლილებები განსაკუთრებით გამოხატულია შაქრიანი დიაბეტით დაავდებულებში. აუცილებელია სისხლში შაქრის დონის, მჟავა-ტუტოვანი და ელექტროლიტური სტატუსის, ორგანიზმში სითხის ბალანსის და თირკმლის ფუნქციის მდგომარეობის რეგულარული მონიტორინგი.
ხანგრძილი თერაპიის დროს დიეტურ რეჟიმში საჭიროა ცხიმების ჩართვა, რათა თავიდან იქნას აცილებული ესენციური ცხიმოვანი მჟავების დეფიციტი.
სტანდარტული კვების მომატებისას აუცილებელია მათი თავსებადობის შეფასება.

სხვა წამლებთან ურთიერთქმედება
არ არის რეკომენდირებული ცელემინი ჰეპას ხსნარში სხვა სამკურნალო პრეპარატების ჩამატება. პარენტერალური კვების პრეპარატებისა და სამკურნალო პრეპარატების ინფუზია უნდა წარმოებდეს ცალ ცალკე.
არგინინის და თიაზიდური შარდმდენების და ამინოფილინის ერთდროული შეყვანა ზრდის ინსულინის შემცველობას სისხლში.
ესტროგენებმა და პერორალურმა კონტრაცეპტივებმა შეიძლება გამოიწვიონ ზრდის ჰორმონის კონცენტრაციის მატება, რომელიც გამოწვეულია არგინინით და შეამცირონ გლუკაგონური და ინსულინური პასუხი არგინინზე. არგინინის ურთიერთქმედება სპირონოლაქტონთან იწვევს მძიმე ჰიპერკალიემიას. არგინინი შეუთავსებადია თიოპენტალ ნატრიუმთან..
ეთავსება შემდეგ ანტიბიოტიკებს:
ამიკაცინი, ამპიცილინი, ცეფოტაქსიმი, ცეფტრიაქსონი, დოქსიციკლინი, ერითრომიცინი, გენტამიცინი, ქლორამფენიკოლი, კლინდამიცინი, ნეტილმიცინი, პენიცილინი, პიპერაცილინი, ტეტრაციკლინი, ტობრამიცინი და ვანკომიცინი;
ეთავსება შემდეგ სხვა პრეპარატები:
ამინოფილინი, ციკლოფოსფამიდი, ციმეტიდინი, ციტარაბინი, დიგოქსინი, დოფამინი, ფამოტიდინი, ფიტომენადიონი, ფთორურაცილი, ფოლის მჟავა, ფუროსემიდი, ჰეპარინი, ქლორპრომაზინი, ინსულინი, კალციუმის გლუკონატი, ლიდოკაინი, მეთილდოფა, მეთილპრედნიზოლონი, მეტოკლოპრამიდი, მეთოტრექსატი, მორფინი, ნიზატიდინი, ნორეპინეფრინი, პროპრანოლოლი, რანიტიდინი და რიბოფლავინი.

შენახვის პირობები და ვადები
შენახვის ვადა 2 წელი
არ შეიძლება პრეპარატის გამოყენება შეფუთვაზე მითითებული შენახვის ვადის გასვლის შემდეგ. ინახება 15-25ºC, სინათლისგან დაცულ ადგილას. ინახება ბავშვებისთვის მიუწვდომელ ადგილას. გამოიყენეთ მხოლოდ გამჭვირვალე ხსნარი დაუზიანებელი ფლაკონიდან.

გამოშვების ფორმა: 5% ი.ვ. საინექციო ხსნარი 500 მლ ფლაკონში

გაცემის რეჟიმი: II ჯგუფი (გაიცემა ფორმა N3 რეცეპტით). გამოიყენება მხოლოდ სტაციონარულ სამედიცინო დაწესებულებებში.

მწარმოებელი: Claris Lifesciences,  ინდოეთი

გაფრთხილება