იზოტორანი / Izotoran

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): იზოფლურანი/isoflurane

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: სანარკოზე საშუალებები

შემადგენლობა
პრეპარატის 100 მლ შეიცავს იზოფლურანს 100%.
აღწერილობა: უფერო, გამჭვირვალე, აქროლადი სითხე სუსტი დამახასიათებელი სუნით.

ფარმაკოლოგიური თვისებები
ფარმაკოდინამიკა
იზოტორანი – საშუალება საინჰალაციო ნარკოზისათვის. იწვევს ზოგადი ანესთეზიის სწრაფ დადგომას, ხახისა და ხორხის რეფლექსების შესუსტებას, ზომიერ მიორელაქსაციას.
ზოგადი ანესთეზიის სიღრმის გაზრდისას პროპორციულად მცირდება არტერიული წნევა (აწ), გულის რითმი არ იცვლება, სუსტდება დამოუკიდებელი სუნთქვა. არტერიული წნევის შემცირება ხდება ინდუქციის სტადიაში, მაგრამ ნორმალიზდება ქირურგიული ფაზის დროს, ანესთეზიის შემდგომი გაღრმავება იწვევს მნიშვნელოვან არტერიულ ჰიპოტენზიას.
ფილტვების ხელოვნური ვენტილაციის დროს ნორმალური pCO2-ის შემთხვევაში გულის წუთობრივი მოცულობა რჩება მუდმივი, ზოგადი ანესთეზიის სიღრმის მიუხედავად, და ნარჩუნდება ძირითადად გულის შეკუმშვების სიხშირის ზრდის ხარჯზე.
ჰიპერკაპნიის გამომწვევი ფილტვების სპონტანური ვენტილაციის შემთხვევაში, რომლის დროსაც იზრდება გულის შეკუმშვების სიხშირე, გულის წუთობრივი მოცულობა შეიძლება აღემატებოდეს საწყის დონეს. ზედაპირული ნარკოზის დროს თავის ტვინში სისხლის მიმოქცევა არ იცვლება, მაგრამ გააჩნია ზრდის ტენდენცია ღრმა ანესთეზიისას, რამაც შეიძლება გამოიწვიოს ზურგის ტვინის სითხის წნევის ტრანზიტორული მომატება. ზურგის ტვინის სითხის წნევის ზრდა შეიძლება თავიდან იქნას აცილებული ან შემცირებული ჰიპერვენტილაციის ხარჯზე ანესთეზიამდე ან ანესთეზიის დროს.
იზოფლურანის გამოყენებისას ძალზედ იშვიათია ცვლილებები ელექტროენცეფალოგრამაში და კრუნჩხვითი აქტივობა.
იზოფლურანი უფრო ნაკლებად ზრდის მიოკარდის მგრძნობელობას ადრენალინის მოქმედებისადმი, ვიდრე ენფლურანი.
ზოგადი ანესთეზიის ნორმალური დონის შემთხვევაში მიორელაქსაცია შეიძლება იყოს ადექვატური ზოგიერთი ქირურგიული პროცედურებისათვის, მაგრამ მის გასაძლიერებლად საჭიროა მიორელაქსანტების მნიშვნელოვნად ნაკლები დოზები.
ანესთეზიის სიღრმე ადვილად მართვადია. უმნიშვნელო გამაღიზიანებელ მოქმედებას შეუძლია იზოტორანის ინდუქციის სიჩქარის შეზღუდვა. არ იწვევს სანერწყვე და ტრაქეობრონქიალური ჯირკვლების ჭარბ სეკრეციას.
ფარმაკოკინეტიკა
ორგანიზმში მეტაბოლიზდება იზოფლურანის უმნიშვნელო ნაწილი. ოპერაციის შემდგომ პერიოდში შარდში მეტაბოლიტების სახით შეიძლება მხოლოდ 0,17% იზოფლურანის აღმოჩენა. სისხლის შრატში არაორგანული ფტორიდის Cmax 5 მმოლ/ლ დონეზე მნიშვნელოვნად ნაკლებია და განისაზღვრება ნარკოზიდან 4 საათის განმავლობაში, უბრუნდება ნორმას მომდევნო 24 საათის განმავლობაში.
ჩვენებები
– საინჰალაციო ნარკოზისათვის ჟანგბადთან ან ჟანგადი + აზოტის ქვეჟანგის ნარევის კომბინაციაში.
მიღების წესები და დოზები
ინჰალაციურად, იზოფლურანის მისაწოდებელი კონცენტრაციის ზუსტი კონტროლისათვის გამოყენებული უნდა იქნას სპეციალურად კალიბრირებული ამაორთქლებლები.
მინიმალური ალვეოლური კონცენტრაცია იზოფლურანისათვის დამოკიდებულია ასაკზე:
ასაკი 100% ჟანგბადი N2O (60%) + O2 N2O (70%) + O2
0 – 1თვე
1,60% – –
1 – 6 თვე 1,87% – –
7 – 11თვე 1,80% – –
1 – 2 წელი 1,60% – –
3 – 5 წელი 1,62% – –
6 – 10 წელი 1,40% – –
10 – 15 წელი 1,16 – –
26  4 წელი 1,28% – –
44  7 წელი 1,15% – –
64  5 წელი 1,05% – –

პრემედიკაცია. სამკურნალო საშუალებების შერჩევა პრემედიკაციისათვის უნდა ხდებოდეს ინდივიდუალურად, იმის გათვალისწინებით, რომ იზოფლურანი არის რესპირატორული დეპრესანტი. აუცილებლობის შემთხვევაში შეიძლება იყოს გამოყენებული ანტიქოლინერგული პრეპარატები.
ინდუქცია. შესავალი ნარკოზის დროს იზოტორანის გამოყენებით ჟანგბადით ან ჟანგადი + აზოტის ქვეჟანგის ნარევით შეიძლება გაჩნდეს ისეთი არასასურველი მოვლენები, როგორიცაა ხველა, სუნთქვის შეჩერება და ხორხის სპაზმი. გვერდითი ეფექტების თავიდან აცილებისათვის, ჩვეულებრივ, იყენებენ ხანმოკლე მოქმედების ბარბიტურატებს ინტრავენურად.
ინჰალაციური ინდუქციის დროს დასაწყისში რეკომენდირებულია იზოტორანის გამოყენება 0,5% კონცენტრაციით. კონცენტრაციები 1,5-დან 3%-მდე, ჩვეულებრივ, იწვევენ ანესთეზიის ქირურგიულ დონეს 7-10 წუთის შემდეგ. ანესთეზიის შენარჩუნება. ანესთეზიის ქირურგიული დონე შეიძლება შენარჩუნდეს იზოფლურანის 1-2,5% ნაერთთან ჟანგბადი + აზოტის ზეჟანგი. იზოფლურანის გამოყენებისას სუფთა ჟანგბადში კონცენტრაცია უნდა გაიზარდოს 0,5-0,1%.

ზოგადი ანესთეზიის შენარჩუნებისათვის საკეისრო კვეთის შემთხვევაში საკმარისია იზოფლურანის 0,5 – 0,75% ნაერთთან ჟანგბადი + აზოტის ზეჟანგი.
ზოგადი ანესთეზიის შენარჩუნების დროს არტერიული წნევის დონე, სხვა ფაქტორების არარსებობის შემთხვევაში, იზოფლურანის ალვეოლური კონცენტრაციის დონის უკუპროპორციულია. არტერიული წნევის გადაჭარბებული შემცირება შეიძლება იყოს დაკავშირებული ზოგადი ანესთეზიის გაღრმავებასთან, მისი კორექციის მიზნით შეიძლება შესასუნთქი იზოფლურანის კონცენტრაციის შემცირება.
გამოყენება პედიატრიაში:
იზიტორანის გამოყენება შეიძლება ყველა ასაკის ბავშვებში. გათვალისწინებული უნდა იქნას, რომ პედიატრიაში გამოიყენება იზოტორანის უფრო მაღალი დოზები (იხ. ზემოთ მოყვანილი ცხრილი).
გამოყენება გერიატრიაში:
ხანდაზმული პაციენტებისათვის ანესთეზიის ქირურგიული დონის შესანარჩუნებლად, ისევე როგორც სხვა პრეპარატებისთვის, საჭიროა უფრო დაბალი კონცენტრაციები.
გვერდითი მოვლენები
გულ-სისხლძარღვთა სისტემის მხრივ: შესაძლებელია გულის რითმის დარღვევები, არტერიული ჰიპოტენზია.
ლაბორატორიული მაჩვენებლების მხრივ: ლეიკოციტების მაჩვენებლების ზრდა, ქირურგიული სტრესის არარსებობის დროსაც კი.
სასუნთქი სისტემის მხრივ: შესაძლებელია სუნთქვის დათრგუნვა.
გამოღვიძების პერიოდში: ტრემორი, გულისრევა, ღებინება.
უკუჩვენება
– ავთვისებიანი ჰიპერთერმია ანამნეზში;
– მომატებული მგრძნობელობა იზოფლურანის მიმართ.
ორსულობა და ლაქტაცია
იზოტორანის გამოყენების უსაფრთხოება ორსულობისა და ძუძუთი კვების პერიოდში არ არის დადგენილი. სისხლის დაკარგვა აბორტების დროს იზოტორანის გამოყენების შემთხვევაში შეედრება სისხლის დაკარგვას სხვა საშუალებების გამოყენებისას საინჰალაციო ნარკოზისათვის.
მონაცემები იზოტორანის გამოყენების ეფექტურობის და უსაფრთხოების შესახებ ზოგადი ანესთეზიისათვის მეანობაში არ არსებობს, გარდა გამოყენებისა საკეისრო კვეთის დროს.
განსაკუთრებული მითითებები
იზოტორანის შეყვანისას ზოგადი ანესთეზიის დონე შეიძლება შეიცვალოს სწრაფად და ადვილად, ამიტომ რეკომენდებულია მხოლოდ საგულდაგულოდ კალიბრირებული ამაორთქლებლების გამოყენება ან მონიტორინგის ჩატარება, რომელიც იძლევა შესასუნთქი კონცენტრაციის შეფასების შესაძლებლობას. არტერიული ჰიპოტენზიის ხარისხი და სუნთქვის დათრგუნვა შეიძლება წარმოადგენდეს ზოგადი ანესთეზიის სიღრმის ინდიკაციას. ზოგადი ანესთეზიის სიღრმის გაზრდისას ხდება სპონტანური სუნთქვის დათრგუნვა.
იზოტორანის გამოყენებისას რეკომენდებულია არტერიული წნევის დონის და გარეგანი სუნთქვის მაჩვენებლების მუდმივი მონიტორინგი.
ზოგადი ანესთეზიის გაღრმავების შედეგად სუნთქვის დათრგუნვის და არტერიული ჰიპოტენზიის კორექციისათვის შეიძლება აუცილებელი გახდეს შემანარჩუნებელი ზომების ჩატარება.
იზოტორანის გამოყენების აუცილებლობის შემთხვევაში პაციენტებში მომატებული შიდა ქალის წნევით შეიძლება საჭირო გახდეს ჰიპერვენტილაციის ჩატარება.
იზოტორანის გამოყენების კლინიკური გამოცდილება ხანგრძლივი ზემოქმედების დროსაც კი არ იძლევა ცნობებს ჰეპატოტოქსიურობის შესახებ. მაგრამ პრეპარატის განმეორებითი გამოყენების დიდი გამოცდილების არარსებობა არ იძლევა ღვიძლის ფუნქციაზე გამოხატული უარყოფითი მოქმედების სიმპტომების გამოვლენის საშუალებას.
იზოტორანის გამოყენების დროს არ არსებობს ცნობები თირკმელების დაზიანების შესახებ.
ზემოქმედება ავტომობილის და სხვა მექანიზმების მართვის უნარზე:
ნარკოზის შემდეგ რამდენიმე ხნის განმავლობაში შეიძლება გაუარესდეს სამუშაოს შესრულების უნარი, რომელიც მოითხოვს ისეთ სწრაფ რეაქციას, როგორიცაა ავტომობილის მართვა ან პოტენციურად საშიში მექანიზმების გამოყენება.
ჭარბი დოზირება
სიმპტომები: გამოხატული არტერიული ჰიპოტენზია, სუნთქვის დათრგუნვა.
მკურნალობა: იზოტორანის შეყვანის შეწყვეტა, ექსტრენული შემანარჩუნებელი და სიმპტომური თერაპია.
სხვა წამლებთან ურთიერთქმედება
იზოფლურანი შესამჩნევად ახდენს არამადეპოლარიზებელი მიორელაქსანტების მოქმედების პოტენცირებას.
ნეოსტიგმინი აბათილებს მიორელაქსანტების მოქმედებას, მაგრამ არ მოქმედებს თავად იზოფლურანის მიერ გამოწვეულ მიორელაქსაციაზე. ყველა მიორელაქსანტი შეთავსებადია იზოფლურანთან.
შენახვის პირობები და ვადები
ინახება ბავშვებისათვის მიუწვდომელ ადგილას, არაუმეტეს 25°C ტემპერატურაზე.
ვარგისიანობის ვადა
5 წელი გამოშვების თარიღიდან. არ გამოიყენება ვარგისიანობის ვადის გასვლის შემდეგ.
აფთიაქში გაცემის წესი
გაიცემა რეცეპტით სტაციონარებისათვის.
გამოშვების ფორმა: 100% 100მლ ხსნარი საინჰალაციო ანესთეზიისათვის ფლაკონში
მწარმოებელი: Rompharm Company, რუმინეთი

გაფრთხილება

Share this...Share on Facebook
Facebook