ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ფარმაკოთერაპიული ჯგუფი: თირკმლის უკმარისობის სამკურნალო საშუალება.
შემადგენლობა და გამოშვების ფორმა:
შემოგარსული ტაბლეტები.
1 ტაბლეტი შეიცავს:
აქტიური ინგრედიენტები:

იზოლეიცინის ალფა – კეტოანალოგი ( DL – მეთილ -ოქსო -2- კალციუმის ვალერინატი )   ………….	67 მგ
ლეიცინის ალფა – კეტოანალოგი ( მეთილ -4- ოქსო -2-კალციუმის ვალერინატი ) ………………	101 მგ
ფენილალანინის ალფა – კეტოანალოგი ( ოქსო -2-ფენილ -3- კალციუმის პროპიონატი ) ………………	68 მგ
ვალინის ალფა – კეტოანალოგი ( მეტალ – ოქსო -2-კალციუმის ბუტირატი ) …………………….	86 მგ
მეთიონინის ალფა – ჰიდროქსიანალოგი ( DL -ჰიდროქსი -2- კალციუმის მეთილბუტირატი ) …………..	59 მგ
L – ლიზინის მონოაცეტატი ……………………………………….	105 მგ
L – თრეოტინი …………………………………………………….	53 მგ
L – ტრიპტოფანი ………………………………………………….	23 მგ
L – ჰისტიდინი ……………………………………………………	38 მგ
L – თიროზინი …………………………………………………….	30 მგ

სხვა ინგრედიენტები:

სიმინდის სახამებელი …………………………………	44.0 მგ
პოვიდონი …………………………………………….	6.0 მგ
ტალკი …………………………………………………	19.57 მგ
სილიციუმის დიოქსიდი კოლოიდური ………………	4.4 მგ
მაგნიუმის სტეარატი ………………………………….	15.0 მგ
მაკროგოლი 6000 ……………………………………	12.8 მგ
ხსნადი პოვიდონი …………………………………….	43.2 მგ

ტაბლეტის გარსი:

ტალკი ……………………………………………………………………….	9.10 მგ
მაკროგოლი 6000 ………………………………………………………….	1.48 მგ
ინოლინი ყვითელი (E104) ………………………………………………..	0.72 მგ
მეთილმეტაკრილატის, დიმეთილამინოეთილმეტაკრილატის აბუტილმეტაკრილატის სოპოლიმერი ( ეუდრაჰიტი E 12.5) ……………..	5.9 მგ
ტრიაცეტინი ………………………………………………………………….	0.43  მგ
ტიტანის დიოქსიდი ………………………………………………………….	7.4 მგ
ტაბლეტში აზოტის საერთო შემცველობა ……………………………………	36 მგ

ტაბლეტში კალციუმის შემცველობა
1.25 მმოლ = 50 მგ
აღწერა
მოგრძო, ორმხრივ ამობურცული, შემოგარსული, ყვითელი ფერის ტაბლეტები.
ფარმაკოლოგიური თვისებები:
კომბინირებული პრეპარატი. ახდენს უცვლელი ამინომჟავების სრული მარაგის უზრუნველყოფას აზოტის მინიმალური შეყვანით. ამინომჟავების კეტონური ანალოგები ორგანიზმში ფერმენტაციულად ტრანსამინირდებიან შესაბამის L – ამინომჟავებად, ამასთან ახდენენ შარდოვანას დაშლას. პრეპარატი ხელს უწყობს აზოტშემცველი ცვლის პროდუქტების უტილიზაციას, ცილების ანაბოლიზმს შრატში შარდოვანას კონცენტრაციის იმავდროული შემცირებით. ამცირებს სისხლში კალიუმის, მაგნიუმისა და ფოსფატის კონცენტრაციებს. პრეპარატის სისტემატური გამოყენებისას აღინიშნება თირკმლის ქრონიკული უკმარისობის მქონე პაციენტების მდგომარეობის გაუმჯობესება. რიგ შემთხვევებში, ხერხდება დიალიზის ჩატარების გადავადება.
გამოყენების ჩვენებები:
ცილა – ენერგეტიკული უკმარისობა, მოზრდილებსა და ბავშვებში 3 წლის ასაკიდან ისეთი დარღვევების პროფილაქტიკა და მკურნალობა, რომლებიც გამოწვეულია შეცვლილი ცილოვანი მეტაბოლიზმით თირკმლების ქრონიკული უკმარისობის დროს და რაციონში ცილების შეზღუდვისას. ძირითადად გამოიყენება იმ პაციენტებში, რომლებსაც აღენიშნებათ თირკმლების ქრონიკული უკმარისობა გორგლოვანი ფილტრაციის სიჩქარით 25 მლ / წთ – ზე ნაკლები, რაც არ გამორიცხავს მის გამოყენებას 25მლ / წთ – ზე მაღალი გორგლოვანი ფილტრაციის სიჩქარისას.
უკუჩვენებები:
* ჰიპერკალციემია, ამინომჟავების ცვლის დარღვევა, მომატებული მგრძნობელობა. მემკვიდრეობითი ფენილკეტონურიის დროს გათვალისწინებული უნდა იყოს ის გარემოება, რომ პრეპარატი შეიცავს ფენილალანინს.
გამოყენების წესი და დოზები:
განკუთვნილია შიგნით მისაღებად. მოზრდილებსა და ბავშვებში 3 წლის ასაკიდან გამოიყენება 1ტაბლეტი სხეულის მასის 5 კგ – ზე დღე – ღამეში ან 0.1 გ / კგ სხეულის მასაზე. თუ სხვაგვარად არ არის დანიშნული, მიიღება დღეში 3- ჯერ ჭამის დროს. ტაბლეტი დაუღეჭავად უნდა გადაიყლაპოს.
გამოყენების ხანგრძლივობა:
კეტოსტერილი ინიშნება მთელი იმ პერიოდის განმავლობაში, ვიდრე აღინიშნება გორგლოვანი ფილტრაციის სიჩქარის დონე 25 მლ / წთ – ზე დაბლა. წინა დიალიზურ პერიოდში რეკომენდებულია საკვებში დღეში არა უმეტეს 40 გ ცილის შემცველობა თირკმლის ქრონიკული უკმარისობის ხარისხის გათვალისწინებით. დიალიზზე მყოფ პაციენტებში ცილის მოხმარება უნდა მოხდეს მიღებული სტანდარტების მიხედვით.
– ჩვეულებრივი დოზა მოზრდილებისათვის (სხეულის მასა 70 კგ) შეადგენს 4-8 ტაბლეტს დღეში 3- ჯერ;
– ჩვეულებრივი დოზა ბავშვებისათვის – 1 ტაბლეტი სხეულის მასის 5 კგ – ზე დღე – ღამეში;
– 3-10 წლის ასაკის ბავშვებისათვის რეკომენდებული ცილის შემცველობა საკვებში – 1.4-0.8 გ / კგ სხეულის მასაზე დღე -ღამეში;
– ბავშვებისათვის 10 წლის ასაკიდან – 1.0-0.6 გ / კგ სხეულის მასაზე დღე – ღამეში.
გვერდითი ეფექტები:
ცალკეულ შემთხვევებში შეიძლება განვითარდეს ჰიპერკალციემია. ამასთან რეკომენდებულია D ვიტამინის მიღების შემცირება. თუ აღინიშნება ჰიპერკალციემიის შენარჩუნება, უნდა შემცირდეს კეტოსტერილის, აგრეთვე კალციუმის სხვა   წყაროების დოზები.
განსაკუთრებული მითითებები:
არასაკმარისია გამოცდილება ორსულობისა და ლაქტაციის პერიოდში პრეპარატის გამოყენების შესახებ. კეტოსტერილი მიიღება ჭამის დროს მისი უკეთ შეწოვისა და სათანადო ამინომჟავებად გადაქცევის მიზნით. აუცილებელია სისხლის შრატში კალციუმის დონის რეგულარული კონტროლი. საჭიროა საკვების საკმარისი კალორიულობის უზრუნველყოფა.
ცალკეულ შემთხვევებში შეიძლება განვითარდეს ალერგიული რეაქციები იმ პაციენტებში, რომლებსაც აღენიშნებათ მომატებული მგრძნობელობა პრეპარატის კომპონენტების მიმართ.
ურთიერთქმედება სხვა სამკურნალო საშუალებებთან:
▪ კალციუმის შემცველი პრეპარატების იმავდროულად დანიშვნამ შეიძლება გამოიწვიოს სისხლის შრატში კალციუმის დონის მომატება.
▪ კეტოსტერილის გავლენით ურემიული სიმპტომების შემცირების გამო, იმავდროულად დანიშნული ალუმინის ჰიდროქსიდის დოზა შესაბამისად უნდა შემცირდეს.
▪ ნაწლავებში აბსორბციის დარღვევის თავიდან აცილების მიზნით, კეტოსტერილთან ერთად არ უნდა იქნას გამოყენებული ისეთი პრეპარატები, რომლებსაც შეუძლიათ კალციუმთან რთულად ხსნადი ნაერთების წარმოქმნა
(მაგ. ტეტრაციკლინები, ქინოლონები, რკინის, ფტორისა და ესტრამუსტინის შემცველი პრეპარატები).
▪ კეტოსტერილისა და მსგავსი პრეპარატების მიღებებს შორის ინტერვალი უნდა იყოს არანაკლებ 2 საათი.
შენახვის პირობები:
ინახება მშრალ, სინათლისაგან დაცულ ადგილას არა უმეტეს 250C ტემპერატურის პირობებში.
პრეპარატი უნდა ინახებოდეს ბავშვებისათვის მიუწვდომელ ადგილას.
ვარგისიანობის ვადა;
3 წელი.
პრეპარატი არ გამოიყენება შეფუთვაზე მითითებული ვარგისიანობის ვადის ამოწურვის შემდეგ.
გამოშვების ფორმა:
შემოგარსული ტაბლეტები. 20 ტაბლეტი ალ / პვქ ბლისტერში. 5 ბლისტერი ალ / პვქ პაკეტში. მუყაოს კოლოფში მოთავსებულია 1 პაკეტი გამოყენების ინსტრუქციასთან ერთად.
გაცემის წესი: ფარმაცევტული პროდუქტის ჯგუფი II (გაიცემა ექიმის რეცეპტით).
მწარმოებელი: ფრეზენიუს კაბი, ჩინეთი.

გაფრთხილება