ჟენ-შენი. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
♦ ჟენ-შენი აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>
კლინიკურ-ფარმაკოლოგიური ჯგუფი: პოლივიტამინური პრეპარატები; პოლივიტამინები მიკროელემენტებით და ბუნებრივი წარმოშობის კომპონენტებით
შემადგენლობა და გამოშვების ფორმა
180 მგ კაფსულები 60
აქტიური ნივთიერებები: ჟენშენის ფესვის ფხვნილი -180 მგ
დამხმარე ნივთიერებები:
მიკროკრისტალური ცელულოზა –55 მგ
მაღალჯაჭვოვანი გლიცერიდი -10 მგ
კაფსულის წონა -245 მგ
კაფსულის გარსი:
ჟელატინი -47,55 –58,12 მგ
ყვითელი რკინის ოქსიდი (E 172) -0,15-0,18 მგ
წითელი რკინის ოქსიდი (E 172) -0,01-0,02 მგ
ტიტანის დიოქსიდი (E 171) -0,91-1,20 მგ
ნატრიუმის დიდეცისულფასტი -0,07-0,09 მგ
სუფთა წყალი -7,94-9,70 მგ
აღწერილობა
მყარი ჟელატინის კაფსულები, თეთრი ფერის სხეული, ნარინჯისფერი თავსახურით. შიგთავსი -ღია ყვითელიდან ღია მოყავისფრომდე უსუნო ფხვნილი.
ფარმაკოლოგიური თვისებები
აქვს მატონიზირებელი, ზოგადგამაჯანსაღებელი და ფსიქომასტიმულირებელი მოქმედება. ზრდის სისხლძარღვების ტონუსს. დადებითად მოქმედებს ამინომჟავების, ლიპიდებისა და ჰისტამინის ცვლაზე. აუმჯობესებს გულ-სისხლძარღვთა და ნერვული სისტემის მოქმედებას. ამაღლებს გონებრივ და ფიზიკურ შრომისუნარიანობას, ორგანიზმის ადაპტაციის უნარს.
ჩვენებები
ასთენიური სინდრომი, ნევრასთენიური სინდრომი, ხანგრძლივი ფსიქოლოგიური და ფიზიკური გადაღლა, მიიღება ორგანიზმის წინააღმდეგობის უნარის ასამაღლებლად სტრესულ მდგომარეობაში და გარემოს მავნე ზემოქმედების დროს. დაავადების გადატანის შემდეგ ზოგადი მდგომარეობის გასაუმჯობესებლად. გონების კონცენტრირებისა და შრომისუნარიანობის ასამაღლებლად.
მიღების წესები და დოზები
მოზრდილები და 12 წელზე უფროსი ასაკის ბავშვები იღებენ 2კაფსულას ჭამამდე 30-40 წუთით ადრე, დღეში ორჯერ (დილით და დღისით), დაუღეჭავად, მცირე რაოდენობის წყალთან ერთად, შიგნით. მკურნალობის კურსი შეადგენს 35-40 დღეს.
ექიმის კონსულტაციის შემდეგ, კურსი შეიძლება განმეორდეს 2-3 კვირის შემდეგ.
გვერდითი მოვლენები
შესაძლებელია ალერგიული რეაქციები, არტერიული წნევის აწევა, ტაქიკარდია, თავის ტკივილი, სისხლდენა ცხვირიდან, ნევროზულობა, უძილობა, ჰიპოგლიკემია, მუცლის ტკივილი, გულისრევა, ღებინება, დიარეა.
უკუჩვენება
პრეპარატის მიმართ ჰიპერმგრძნობელობა, არტერიული ჰიპერტენზია, მომატებული ნერვული აგზნებადობა, უძილობა, ეპილეფსია, მომატებული სისხლდენა, ორსულობა და ლაქტაციის პერიოდი, ბავშვთა ასაკი 12 წლამდე.
განსაკუთრებული მითითებები
სამკურნალო ეფექტი აღინიშნება პრეპარატის მიღებიდან 2კვირის შემდეგ. ახასიათებს მკვეთრად გამოხატული სეზონური მოქმედება: შემოდგომისა და ზამთრის სეზონზე უფრო ეფექტურია.
პრეპარატი არ უნდა მივიღოთ დღის მეორე ნახევარში.
ჭარბი დოზირება
რეკომენდებული დოზის გადაჭარბების შემთხვევაში შეიძლება გაძლიერდეს გვერდითი მოვლენები. მკურნალობა სიმპტომურია
სხვა წამლებთან ურთიერთქმედება
აძლიერებს ფსიქოსტიმულატორებისა და ანალეპტიკების მოქმედებას (მაგ: კოფეინი, ქაფური და სხვ.). ცენტრალური ნერვული სისტემის დამთრგუნველ საშუალებებთან ავლენს ანტაგონისტურ მოქმედებას (ანტიეპილეფსიური პრეპარატები, ნეიროლეპტიკები, ტრანკვილიზატორები და სედატიური საშუალებები).
აძლიერებს ჰიპოგლიკემიური საშუალებების მოქმედებას. აძლიერებს ვარფარინის მოქმედებას. ზრდის მარყუჟოვანი დიურეტიკების მიმართ რეზისტენტობის განვითარების რისკს.
შენახვის პირობები და ვადები
არაუმეტეს 25C ტემპერატურაზე
ინახება ბავშვებისთვის მიუწვდომელ ადგილას.
3 წელი. არ გამოიყენება ვარგისიანობის ვადის ამოწურვის შემდეგ.
აფთიაქში გაცემის წესი
ურეცეპტოდ.
მწარმოებელი ფირმა, ქვეყანა კვაისერ ფარმა, გერმანია
S.K.impex დისტრიბუტორი საქართველოში