როზმარინის თმის მატონიზირებელი ხსნარი / Rosemary Hair Tonic Solution

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

 

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: საშუალებები გამელოტების მკურნალობისათვის
როზმარინის თმისა  და  წარბის  მატონიზირებელი ხსნარი
Rosemary Hair and Eyebrow Tonic Solution
წამლის ფორმა:
წვეთი
შეფუთვა
30მლ-იანი ფლაკონი საწვეთურით მუყაოს ყუთში
ჩვენებები:
• თმის ცვენის პრევენცია,  თმის მატონიზირებელი
• წარბის  შეთხელების (ცვენის) პრევენცია, მატონიზირებელი
• ქერტლის საწინააღმდეგო
შემადგენლობა:
სამკურნალო  როზმარინის (Rosmarinus officinalis)  ეთერზეთი;
მოქმედი  ნივთიერებები:
1,8-ცინეოლი (ევკალიპტოლი), ალფა-პინენი, კამფენი, ქაფური, ბორნილ აცეტატი, ბორნეოლი, ლინალოლი, ბეტა-არიოფილენი, ლიმონენი და სხვა

ფარმაკოლოგიური  ეფექტები  და მოქმედების  მექანიზმები:
1. თმის მატონიზირებელი და თმის ცვენის პრევენცია
როზმარინში  გვხვდება ტერპენები და ტერპენოიდები  რაც იწვევს  სისხლძარღვების დილატაციას  და უმჯობესდება სისხლის ადგილობრივი ცირკულაცია შესაბამისად, უმჯობესდება თმის ფოლიკულის კვება. როზმარინის ეთერზეთის ადგილობრივი აპლიკაცია აუმჯობესებს სისხლის ცირკულაციას,
2.  ქერტლის საწინააღმდეგო საშუალება
როზმარინს შეუძლია ადრეული სიმელოტის პრევენცია; ხშირად გამოიყენება ბორაქსთან ერთად ქერტლის შესამცირებლად. როზმარინი არის შესანიშნავი მცენარე  თმისთვის, რომელიც ასტიმულირებს კანზე  სისხლის მიმოქცევს.  ის აშორებს ქერტლს და აუმჯობესებს მდგომარეობას  და თმის ზრდას
დოზირება და მიღების წესი:
1.  თმის მატონიზირებელი და თმის ცვენის პრევენციისთვის
თითის წვერით, მასაჟის საშუალებით შეიზილიეთ როზმარინის ეთერზეთი  10-15წვ. (კაცები) ან 15-20წვ. (ქალები)  სკალპის სასურველ უბანზე, სულ მცირე 2 წუთის განმავლობაში. გააკეთეთ ეს დღეში 2-ჯერ დილას და საღამოს.
2. როგორც წარბების მატონიზირებელი  და მათი ცვენის პრევენციისთვის
დაიმასაჟეთ 1-2 წვ-ით თითოეული წარბი  სულ მცირე 2 წუთის განმავლობაში,  დღეში 2-ჯერ დილას და საღამოს.
უკუჩვენებები:
ორსულობა;
ჰიპერტენზია;
შაკიკი.

გვერდითი ეფექტები:
ალერგიული პასუხი შეიძლება გამოვლინდეს,  მაშინ როცა რეკომენდირებულ დოზაზე მეტი  რაოდენობით ხდება პროდუქტის გამოყენება.

ურთიერთქმედება სხვა წამლებთან:
სხვა წამლებთან ურთიერთქმედება არ გამოვლენილა.
დამატებითი შენიშვნები
• ეს პროდუქტი არ არის შინაგანი წესით (საკვები) მისაღები
• შეინახეთ ბავშვების მხედველობის არეს მოშორებულ და მიუწვდომელ ადგილას.
• გამოყენების შემდეგ პროდუქტი დაუყოვნებლივ მოხუფეთ და შეინახეთ სინათლისგან მიუწვდომელ ადგილას 15-30 °C ტემპერატურაზე.
• რეგულარული გამოყენებისას თმის ცვენა ჩერდება დაახლოებით 4 კვირაში, ხანგრძლივად გამოყენება ასტიმულირებს ახალი თმის ზრდას. ასევე ის იწვევსფაფუკი და ნაზი თმის გახშირებას.
• ადამიანების უმეტესობა ეგუება მის სუნს რამოდენიმე დღის გამოყენების შემდეგ.
• მოერიდეთ თვალში მოხვედრას. თვალში მოხვედრის შემთხვევაში (შეიძლება გამოიწვიოს წვა და ცრემლები), პირველად დახუჭეთ თვალები, ქუთუთოები და თვალის გარშემო კანი გაისუფთავეთ სუფთა ნაჭრით ან ზეთისხილის ან სეზამის ზეთით დანოტივებული ბამბით, შემდეგ დაიბანეთ თვალები სუფთა წყლით სულ მცირე 15 წთ-ის განმავლობაში.
• მოერიდეთ თავის დაბანას ლოსიონის წასმიდან სულ მცირე 2საათი, რადგან სრულყოფილად მოხდეს კანში მისი შეწოვა.
• მოერიდეთ თმის წვალებას (თმის სამაგრებით, ბენდენებით და სხვა) და ასევე თმის საშრობით (ფენი) გაშრობას.
ალერგიული რეაქციის განვითარების შემთხვევაში,კონსულტაციისთვის მიმართეთ თქვენს ექიმს ან ფარმაცევტს.
გამოშვების ფორმა: 30მლ-იანი ფლაკონი #1
გაცემის რეჟიმი: III ჯგუფი (ურეცეპტოდ)

გაფრთხილება