პარვოვირუსი – (პარვოვირუსები ლათ. Parvoviridae, parvus — პატარა) — ყველაზე პატარა დნმ-შემცველი ვირუსების ოჯახი. არ გააჩნიათ ლიპოპროტეინული გარსი. ვირიონების დიამეტრია 18-26 ნმ და შეიცავს 60 კაფსომერს. სიმეტრიის ტიპი იკოსაედრულია – Т1. ვირუსის გენომი შეიცავს ერთჯაჭვიან დნმ (გენომის სიგრძე 5 kb). ჩვეულებრივ გააჩნიათ ტრანსლაციის ათვლის ორი ღია ჩარჩო. ათვლის ჩარჩო განლაგებულია გენომის 5’-ბოლოზე, აკოდირებს არასტრუქტურულ ცილებს, ხოლო ვირიონული ცილები კოდირებულია გენომის 3’ ბოლოს ახლოს. გენომის ბოლოს წარმოიქმნება სარჭისებრი სტრუქტურები.
პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.