ჰემართროზი

ჰემართროზი hemarthron

ჰემართროზი სისხლჩაქცევა სახსრის ღრუში. წარმოიქმნება დაჟეჟვის, ხშირად სახსარშიგა დაზიანებების დროს (სასახსრე ჩანთის, მენისკის გაგლეჯა, ქვეამოვარდნილობები, მოტეხილობები). ყველაზე ხშირად ზიანდება მუხლის სახსარი.

ჰემართროზი სიმპტომები, მიმდინარეობა. სისხლი ავსებს სახსრის ღრუს, იწვევს ტკივილს; სახსარი მოცულობაში დიდდება, მასში მოძრაობა შეზღუდული და მტკივნეულია. ძვლის ტრავმის გამოსარიცხავად აუცილებელია სახსრის რენტგენოგრაფია.

ჰემართროზი გართულებები: გადასვლა ქრონიკულ მიმდინარეობაში სინოვიტის განვითარებით; სახსრის შიგთავსის დაინფიცირების დროს შესაძლებელია განვითარდეს ჩირქოვანი ართრიტი.

ჰემართროზი მკურნალობა. ჰოსპიტალიზაცია და სახსრის იმობილიზაცია, სახსრის პუნქცია ასეპტიკურ პირობებში, მისგან სისხლის ამოღება, დამწოლი ნახვევი მუხლის სახსარზე, უკანა თაბაშირის ლონგეტი 2-3 კვირის განმავლობაში. ამის შემდეგ ინიშნება სამკურნალო ფიზკულტურა, ფიზიოთერაპია.

ჰემართროზი პროფილაქტიკა: დამცავი საშუალებების გამოყენება ფეხბურთის, კალათბურთის, ხელბურთის, ჰოკეის თამაშის დროს.

საყრდენ-მამოძრავებელი სისტემის დაავადებები 


  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.